‏سربکف5 لیبل والی اشاعتیں دکھا رہا ہے۔ سبھی اشاعتیں دکھائیں
‏سربکف5 لیبل والی اشاعتیں دکھا رہا ہے۔ سبھی اشاعتیں دکھائیں

بدھ، 13 فروری، 2019

ہم جنس پرستی مخالف بیان پر پیکیاو کو نائیکی کا جھٹکا

”سربکف “مجلہ۵(مارچ، اپریل ۲۰۱۶)

فلپائن۔ ۱۸ فروری(یو این آئی، ماہنامہ اللہ کی پکار) گزشتہ سال صدر کے عظیم مقابلے میں پیش کر چکے  دنیا کے مشہور باکسر فلپائن کے مینی پیکیاو کو ہم جنس پرستوں کا موازنہ جانوروں سے کرنا کافی مہنگا پڑا ہے اور دنیا کی اسپورٹس ویئر بنانے والی مشہور کمپنی نائیکی نے ان کے اس متناع بیان کے بعد ان سے اپنا معاہدہ توڑ لیا ہے۔ پیکیاو نے ہم جنس پرستی پر تبصرہ کرتے ہوئے کہا تھا کہ  ہم جنس پرست جانوروں سے بھی بدتر ہوتے ہیں۔ باکسر کو اپنے اس بیان کے بعد دنیا بھر میں کافی تنقید برداشت کرنی پڑی تھی۔ کمپنی کے ترجمان نے اپنے بیان میں کہا کہ ہمیں پیکیاو کا بیان انتہائی مایوس کن لگا اور اب کمپنی کا باکسر کے ساتھ کوئی تعلق نہیں ہے۔
غور طلب ہے کہ کمپنی نے یہ قدم ایسے وقت اٹھایا ہے جب آن لائن لوگوں نے پٹیسن دائر کر کہا تھا کہ کمپنی کو پیکیاو کو اپنی مصنوعات پروموٹ کرنے سے روکنا چاہیے۔ اس آن لائن مہم میں تقریباً تین ہزار لوگوں نے اپنے دست خط بھی کیے تھے۔ عالمی باکسنگ میں آٹھ مختلف وزن زمروں میں عالمی خطاب جیت چکےپیکیاو کو ہم جنس پرستی پر اس بیان کی وجہ سے اپنے ملک فلپائن میں بھی کافی تنقید برداشت کرنی پڑ رہی ہے۔ پیکیاو نے ایک ٹی وی انٹرویو میں کہا تھا کہ یہ تو آپ کی اپنی سمجھ ہے، کیا آپ نے جانوروں کو ہم جنس پرست دیکھا ہے؟ اس طرح تو جانور ان سے اچھے ہیں جو عورت اور مرد میں تمیز کر سکتے ہیں۔ میرے حساب سے ہم جنس پرست جان وروں سے بھی بدتر ہیں۔ 
واضح رہے کہ ۳۷ سالہ پیکیاو اب سیاست میں اتر چکے ہیں اور مئی میں ہونے والے انتخابات میں سینیٹ میں منتخب ہونے کے دعوے دار مانے جا رہے ہیں۔ تاہم پیکیاو نے اس تنازع کے بعد اپنے بیان کے لیے معافی مانگی ہے۔ انھوں نے اپنے ٹوئٹر اکاؤنٹ پر ایک ویڈیو پیغام میں کہا کہ میں لوگوں کے جذبات کو مجروح کرنے کے لیے شرمندہ ہوں۔ مجھے معاف کر دیجیے۔
تبصرہ نگار: جدید دور کی تہذیب نے حیوانوں کو اپنا آئیڈیل بنایا تھا، لیکن ہم جنس پرستی کے معاملے میں حیوان بھی ان کے آئیڈیل نہیں ہیں، تو کیا اب انسانیت حیوانیت سے بھی گئی گزری ہو گئی ہے!
اریٹیریائی مرد دو شادیوں کے پابند
سمارا ۲۸ جنوری(یو این آئی، ماہنامہ اللہ کی پکار)مختلف ویب سائٹس پر اریٹیریا کے مفتیِ اعظم شیخ امین عثمان کے دست خط شدہ حکم نامے  کو مان کر دیکھا جائے تو اس افریقی ملک میں سرکاری سطح پر مردوں کو کم سے کم دو شادیاں کرنے کا پابند کر دیا گیا ہے، اور کہا گیا ہے کہ حکم نامے کی پاس داری نہ کرنے والے کو قید با مشقت کا سامنا کرنا ہوگا۔ افریقن انڈریپنڈنٹ ٹیلی ویژن کی رپورٹ کے مطابق ایسے مرد جو سرکاری احکامات پر عمل نہیں کریں گے ان کو سزا کا سامنا بھی کرنا پڑ سکتا ہے۔ فتوی عربی زبان میں ہے اور اس حکم نامے کی نقل Punchng.com پر اور افریقہ کے دیگر ممالک کے نشریاتی اداروں میں موجود ہے۔ ایک نائجیریائی ویب سائٹ نائج ڈاٹ کام کے مطابق خواتین کو بھی فتوےمیں خبردار کیا گیا ہے کہ وہ مردوں کو دو شادیاں کرنے سے نہ روکیں۔ بہ صورتِ دیگر انہیں عمر قید کی سزا دی جا سکتی ہے۔ چوں کہ ارٹیریا میں ذرائعِ ابلاغ کے آزاد ذرائع موجود نہیں ہیں اور اخبارات اور نشریاتی ادارے حکومت کے تابع ہیں اس لیے آزاد ذرائع یا سرکاری سطح پر اس حکم نامے کی تصدیق نہیں ہوئی ہے۔ بہ ہر حال، انسانی حقوق کے حوالے سے کام کرنے والی تنظیموں کے رضا کاروں کا کہنا ہے کہ یہ احکامات وزارتِ مذہبی امور کی جانب سے جاری ہوئے ہیں۔
٭٭٭

     

لوگوں کو کبھی خوش نہیں کیا جا سکتا!

”سربکف “مجلہ۵(مارچ، اپریل ۲۰۱۶)
فصیح الدین محمد ناصر  ﷾

اگر کسی کی ہائیٹ (قد) چھوٹی ہو تو لوگ اسے پستہ کہتے ہیں، کسی کی ہائیٹ بڑی ہو تو کچھ لوگ اسے لمبو کہہ دیتے ہیں۔ کوئی ماشاءاللہ سے صحتمند ہو تو اسے کہیں گے کہ کم ٹھونسا کر، کوئی سمارٹ یا دیکھنے میں پتلا ہو تو کہیں گے بھائی کچھ کھاتے پیتے نہیں ہو?? کسی کی رنگت اللہ پاک نے سیاہ بنائی ہو تو اسے کالا یا کالو کالو کہہ کر تیر ماریں گے اور اگر کوئی سانولا ہو تو تب بھی اسکی جان مشکل سے ہی چھوٹے گی، اگر کوئی گورا اور سفید رنگت والا ہو یا رنگ صاف ہو تو اسے چٹا، چٹو یا چکنا وغیرہ کہہ کر دانت نکالیں گے- کوئی پڑھنے میں دلچسپی نہ لیتا ہو اسکی شامت ہی آئی رہے گی اور اگر کوئی پڑھنے میں اچھا ہو اور اپنا کام ذمہ داری ایمانداری سے کرتا ہو تو لوگ کہیں گے کہ اجی یہ تو ہے ہی کتابی کیڑا ہر وقت پڑھتا ہی رہتا ہے۔ کوئی کھیلنے میں اچھا ہو (کرکٹ) یا کوئی بھی کھیل تو لوگ کہیں گے سارا ٹائم کھیل کود میں برباد کرتا ہے اور اگر وہ زیادہ وقت سٹڈیز اور کلاسز، اسائمنٹس، پروجیکٹس پر صرف کرے تو وہی بات کہ اسکے پاس تو اپنی صحت کی بہتری اور کھیلنے کا ٹائم نہیں- اگر کوئی بندہ جاب پسند کرتا ہو تو اسے کہیں گے کہ اپنا کاروبار ہی اچھا ہے تو بھلا کیوں کسی کے نیچے رہ کر کام کرنا?? کوئی اپنا کاروبار کرتا ہو تو کہا جائے گا کہ اچھی نوکری اور مراعات سے بڑھ کر تو کچھ بھی نہیں ہے۔ 
کوئی خاندان سے لڑکی پسند کر کے شادی کرے تو کہا جائے گا کہ دنیا کہاں سے کہاں پہنچ گئی یہ سادے کا سادہ، کوئی کسی یونیورسٹی میں کسی کو پسند کرتا ہو تو اسے بے حیا اور بے غیرت کہا جائے گا کہ دیکھو جی خاندان میں اتنی لڑکیاں تھیں کیا ضرورت تھی باہر سے لڑکی پسند کرنے کی یا بیاہ کر لانے کی؟؟کوئی اپنا کچھ ٹائم اردو تحاریر لکھنے میں لگائے اور اسکی کوشش ہو کہ اسکی ذات سے لوگوں کا بھلا ہو تو کہا جائے گا اسے دیکھو کن کاموں میں لگا ہوا ہے بڑا آیا علامہ، کوئی لکھنے پڑھنے میں دلچسپی نہ لیتا ہو تو کہیں گے اسے تو کسی اخبار یا رسالے کا شوق تک نہیں، بڑا ہی بدذوق بندہ ہے- کوئی اسلام پسند ہو تو اسے مذہبی مذہبی کہہ کر چھیڑا جائے گا یا مولوی، ملا کہہ کر خوش ہوا جائے گا اور اگر کوئی دین کو نہ جانتا ہو یا دین سے اتنی رغبت نہ رکھتا ہو تو اسے بغیر سوچے سمجھے ملحد، کافر، دین دشمن وغیرہ کہا جائے گا۔
 کسی نے داڑھی رکھی تو اسے طالبان یا شدت پسند کہہ دیا جائے گا اور اگر کسی نے کلین شیو کی ہے یا فرینچ یا ملتا جلتا سٹائل تو اسے انگریز کہا جائے گا۔ کسی نے کرتا پاجامہ زیب تن کر رکھا ہو اسے سادہ، بیوقوف سمجھا جائے گا اور اگر کسی نے پینٹ کوٹ یا پینٹ شرٹ پہن رکھی ہو اسے عیسائیوں،یہودیوں کا فین سمجھا جائے گا، کسی نے شلوار یا پینٹ ٹخنوں سے کچھ اوپر رکھی ہو اسے پھر وہی طالبان بنا دیا جائے گا اور اگر کسی نے ٹخنے ڈھانپے ہوں اسے مغرور کہہ دیا جائے گا اگرچہ اسے اس کے متعلق نہ بھی پتہ ہو۔ کوئی سر کو ڈھانپتا ہو کوئی ٹوپی یا پگڑی پہننا پسند کرتا ہو تو اسے دقیانوسی کہہ کر لوگ ڈرامے بازی کریں گے اور اگر کسی نے سر نہ ڈھانپا ہو اسے فیشن ایبل کہا جائے گا۔

آپ جو مرضی کر لیں جتنے سچے، اچھے، کھرے، نیک نیت، نیک کردار، نیک سیرت اور باقی اوصاف کے حامل ہو جائیں آپ پوری دنیا کو خوش کر ہی نہیں سکتے۔ آپ جتنا مرضی لوگوں کا خیال کریں یہ ضروری نہیں آپ کے ساتھ وہ اچھے ہی رہیں گے۔ اس لیے صرف اللہ پاک اور نبی کریم صلی اللہ علیہ وسلم کی پیروی کریں اور ممکنہ حد تک اچھے رہیں لیکن اللہ پاک کے سوا کسی دنیاوی بندے سے کوئی مفاد وابستہ نہ رکھیں کیونکہ یہاں اندھیر نگری ہے اور اندھیر نگری میں جو لوگ اجالے کرنے کی کوشش کریں یہاں انکے ساتھ بھی زیادتیاں کرنا لوگوں کا معمول اور مشغلہ ہے۔

اللہ پاک کو خوش کیا تو اللہ پاک آپ کے سارے کام بنائیں گے اور دین و دنیا میں کامیابیاں دیں گے۔ لوگوں کو خوش کر کے اللہ پاک کو ناراض کیا تو کچھ حاصل نہ کیا- ہاں آپ اپنا اچھا پن ضرور جاری رکھیں لیکن یہاں کسی سے کوئی توقع نہ رکھیں کیونکہ ڈرامے بازیاں کرنے والوں سے کسی کی پوری نہیں ہوتی- اللہ پاک ہمیں دین و دنیا کی بھلائیوں اور کامیابیوں سے نوازیں- آمین
٭٭٭

     

ہاں! جمہوری نظام اسلام کے خلاف ہے؛ لیکن..........

”سربکف “مجلہ۵(مارچ، اپریل ۲۰۱۶)
مولانا آفتاب اظہر صدیقی 


اگر ہم دنیا کے جمہوری نظام کا موازنہ اسلامی نظام سے کریں تو دونوں کے درمیان آسمان و زمین کا فرق نظر آتا ہے، اسلامی نطام وہ ہے جو انسان کی روحانی فطرت کے مطابق ہو اور جس میں حدودِ انسانیت سے تجاوز ممنوع ہو جبکہ جمہوری نظام وہ ہے جو انسانی فطرت کو نفسانی آزادیاں فراہم کرکے شیطانی راہوں پر گامزن کردے.
جمہوری نظام کی بنیاد 
۱.وولٹائر
۲. مون ٹیسکیو 
۳. روسو نامی 
تین دہریوں کے افکار کی تشہیر و مقبولیت کا نتیجہ ہے، انہوں نے دنیا کے سامنے یہ نظریہ پیش کیا کہ ہر آدمی خود مختار ہے، وہ کسی کی ماتحتی میں رہنے کے لئے نہیں پیدا ہوا اور اسے اپنے اعتبار سے ہر طرح کی آزادی حاصل ہونی چاہئے نہ وہ کسی حکومتی نظام کا پابند ہے اور نہ کسی مذہب کا؛ بلکہ مذہب ہر کسی کا ذاتی معاملہ ہے لہذا ایسی سلطنت قائم ہونی چاہئے جو ہر انسان کو ہر طرح سے آزاد اور خود مختار زندگی بسر کرنے کا حق فراہم کرے اور اس کے کسی داخلی یا خارجی، دنیوی و مذہبی معاملات میں دخل نہ دے سکے اور یہ سلطنتی نظام عوام ہی کے ذریعے تشکیل دیا جائے، چونکہ یہ نظریہ بظاہر حیاتِ انسانی کے لئے اطمینان بخش تھا اس لئے بڑی تیزی کے ساتھ دنیا نے جمہوری نظام کو قبول کرلیا اور اس کے نفاذ کے لئے عملی میدان میں اتر کر سعی کرنے لگے؛ ساری دنیا کا بہت جلد جمہوریت پسند ہونا اس لئے تھا کہ اس سے پہلے مطلق العنان حکومتوں اور بادشاہی نظام نے دنیا میں جبر و تشدد اور ظلم و ستم کا ماحول برپا کردیا تھا، رعایا کے حقوق پامال کئے جارہے تھے، ان پر طرح طرح کے ظالمانہ قوانین نافذ کئے گئے، ان کی آزاد زندگیوں کو غلامی کی زنجیروں میں جکڑ دیا گیا تھا اور لوگ ایسی محکومانہ زندگی گزار رہے تھے جس میں ذلت آمیز مظلومیت کے سوا کچھ نہیں رہ گیا تھا. 
ان ظالمانہ حکومتوں کا مذہبی تعلق مغربی کلیسائی مذہب سے ہوا کر تا تھا اور جہاں مسلم بادشاہوں کی حکومتیں تھیں وہاں بھی وہ اسلامی دستور اور قرآنی تعلیمات سے ہٹ کر خود مختار قوانین جاری کرنے لگے تھے؛ لیکن جس کے خلاف عوام میں جمہوری افکار نے جنم لیا وہ یورپ میں چرچ کی ظالمانہ حکومت تھی، کسی کو کلیسا کے بنائے ہوئے اصول سے قطعا اختلاف کا حق نہ تھا، اس کے خلاف آواز اٹھانے والوں پر ظلم و تشدد جاری کیا جاتا اور بہت سی دفعہ زندہ جلادیا جاتا تھا؛لیکن آہستہ آہستہ کلیسائی نظام کے خلاف لوگوں میں جذبہ بڑھتا گیا اور رفتہ رفتہ چرچ کے خلاف نفرت کی فضا پیدا ہوتی گئی اور دھیرے دھیرے چرچ کا اقتدار کم ہوگیا؛ چنانچہ زندگی کے مختلف شعبوں میں مختلف مفکرین پیدا ہوئے جنہوں نے چرچ کے بنائے ہوئے غیر فطری نظام سے بغاوت کرکے لوگوں میں نئے افکار کی اشاعت کی اور بالآخر مغربی دنیا میں جمہوریت غالب آئی جن مفکرین و فلاسفہ کو آزاد خیال جمہوریت کا بانی سمجھا جاتا ہے وہ یہی تین دہریے ہیں وولٹائر، مون ٹیسکیو اور روسو. بہر حال آج خشکی کے اکثر حصوں پر جو جمہوری نظام قائم ہے وہ اگرچہ بظاہر درست اور عقل کے عین موافق معلوم ہوتا ہے؛ لیکن حقیقت میں یہ نظام جہاں خدا سے غافل بلکہ اس کا باغی بناتا ہے وہیں انسانی اخلاق کو بد سے بد تر کرتا ہے اور پاکیزہ ماحول کے لئے بڑا خطرہ ہے اس لئے کہ جمہوریت کا مطلب ہے ہر طرح کی کھلی آزادی جس کے نتیجے میں انسان بے حیائی اور برائی کی حدیں پار کردیتا ہے؛ آج مغربی ممالک میں ہم جنس پرستی کی بلا، شادی سے قبل جنسی تعلقات، ایڈز جیسی خطرناک بیماری، زناکاری کی بہتات اور غیر ثابت النسب افراد کی اکثریت اسی جمہوری نظام اور خیالی آزادی کی پیداوار ہے، جمہوریت کی خراب کاریاں صرف انسانی معاشرے تک محدود نہیں بلکہ معاشی زندگی کو بھی اس سے بڑا نقصان ہوا ہے کہ جہاں جہاں جمہوری نظام قائم ہے غربت و افلاس اور حق تلفی کی صدائیں بھی سب سے زیادہ وہیں سے بلند ہوتی ہیں. 
اس لئے کہ عوام کی اکثریت جن چند افراد کو تختۂ حکومت سونپ دیتی ہے تخت نشیں ہونے کے بعد وہی لوگ عوام کے حقوق پامال کرتے ہیں اور کمزوروں کے حقوق ہڑپ کر جاتے ہیں. جہاں تک بات ہندوستان کے جمہوری نظام کی ہے تو اتنی بات ضرور ہے کہ یہاں بھی ہر آدمی کو "جمہوریت" کے مفہوم و مقصد کے مطابق چین کی پُرسکون زندگی میسر نہیں، چوری، ڈکیتی، رشوت، کالا بازاری، فحاشی، زناکاری اور غنڈہ گردی کے علاوہ ہر طرف غربت و افلاس اور حق تلفی وناانصافی کا رونا ہے؛ تاہم یہاں اب تک جمہوریت کے مغرب جیسے بہت برے نتائج ظاہر نہیں ہوئے، جمہوریت میں جہاں یہ بات داخل ہے کہ یہ کسی مذہب کی پابند نہیں وہیں یہ بات بھی شامل ہے کہ کسی کے مذہبی معاملات میں اس کا کوئی دخل نہیں، کسی سے اس کے مذھبی حقوق ضبط نہیں کئے جاسکتے اور نہ ہی کسی کو اس کے عقائد و اعمال کے اظہار و اقرار سے روکا جا سکتا ہے، یہ بات ہر اقلیت پذیر فرقے کے لئے بہت اہم اور اطمینان بخش ہے.
”یہ بات روزِ روشن کی طرح ظاہر ہے کہ ہم اپنے تمام حقوق سے بڑھ کر مذہبی حقوق کو اہمیت دیتے ہیں اس لئے جب تک ہمارے مذہبی امور میں کوئی مانع پیش نہ آئے ہم اس جمہوری نظام کے پابند ہیں اور اپنے وطن سے محبت و وفا ہمارے ایمان کا حصہ ہے“
ظاہر ہے کہ کسی بھی مذہب کے ماننے والے اس وقت تک کسی بھی نظامِ حکومت کے خلاف نہیں جاسکتے جب تک انہیں ان کے مذہبی اختیارات مکمل طور پر حاصل ہوں، ہم مسلمان بھی یہاں اقلیت میں ہیں اور یہ بات روزِ روشن کی طرح ظاہر ہے کہ ہم اپنے تمام حقوق سے بڑھ کر مذہبی حقوق کو اہمیت دیتے ہیں اس لئے جب تک ہمارے مذہبی امور میں کوئی مانع پیش نہ آئے ہم اس جمہوری نظام کے پابند ہیں اور اپنے وطن سے محبت و وفا ہمارے ایمان کا حصہ ہے؛ لیکن یہ بات بھی صاف ہے کہ جس طرح ملک کی محبت میں اس کی سالمیت اور بقا کے لئے ہم کسی طرح کی قربانی دینے سے پیچھے نہیں ہٹتے اسی طرح اپنے ایمان و اسلام اور عقائد کے تحفظ کی خاطر ہم ہر طرح کی قربانی کے لئے تیار رہتے ہیں کیوں کہ ہمیں اپنے ایمان سے بڑھ کر دنیا کی کوئی شےعزیز نہیں۔
از قلم: مولانا آفتاب اظہر صدیقی 
مقیم: جامعہ عربیہ مدرسۃ المؤمنین، منگلور (اتراکھنڈ)
٭٭٭

     

حسن پرست قاتل بن گیا

”سربکف “مجلہ۵(مارچ، اپریل ۲۰۱۶)
ڈاکٹر شاہد محمود ﷾

حسنِ فانی پر اگر تو جائے گا
یہ منقّش سانپ ہے ڈس جائے گا
”میں اس حسینہ کے بغیر زندہ نہیں رہ سکتا ۔ ۔ ۔!
میں خدائی فیصلے کو ماننے کے لئے تیار نہیں ۔ ۔ ۔ !
چاہے کچھ بھی ھو ، میں اس کو بیوی بنا کے رہوں گا۔ ۔ !“

”اس سے تمہاری شادی نہیں ہو سکتی ...
یہ تو تمہارے ساتھ پیدا ھوئی تھی...
اس کا شوہر ہابیل ھے ، تم نہیں ... “
حضرت آدم علیہ السلام نے قابیل کو سمجھایا۔
”اور اگر پھر بھی تم اس فیصلے کو ماننے کے لئے تیار نہیں تو پھر دونوں قربانی کرو ، جس کی قربانی اللہ تعالی قبول فرمالے ، وہی اس کا شوہر ہو گا ۔!
٭٭

”میں تمہیں قتل کر دوں گا ...“
”تم مجھے اس لیے قتل کرو گے کہ تمہاری قربانی قبول نہیں ہوئی ؟؟؟
قربانی تو اللہ تعالی قبول فرماتے ہیں اور اس کی قبول فرماتے ہیں جو تقوٰی والا ھو ...
تم اگر مجھے مارنے کے لیے ہاتھ اُٹھاؤ گے بھی تو پھر بھی میں تمہیں مارنے کے لیے اپنا ہاتھ نہیں اُٹھاؤں گا ...
میں اپنے ہاتھ تمہارے خون سے رنگین نہیں کروں گا کیوں کہ میں اللہ تعالی سے ڈرتا ہوں... “

پھر اس کے نفس نے اس کو اس سطح تک پہنچا دیا کہ اس نے ھابیل کو قتل کر دیا ...
اور پھر اس کو ندامت نے آن گھیرا ...
اور وہ ناکام ھونے والوں میں سے بن گیا ...
حسن پرستی ...اور اس کی بڑھی ہوئی شکل ھوس کا منطقی انجام ...

اللہ تعالی کی بغاوت ، نافرمانی اور ناراضگی...
والدین کی نافرمانی ... اور والد بھی وہ کہ جدِانبیاء ہو ...
والدین کی آہ و بکا کا ذریعہ ...
بھائی جو کہ بازو تھا ، اس کا قتل ...
پریشانی ، ناکامی ، خسارہ اور ...
پاگل ہو کر حسرتناک موت ... !
اور ایسے گناہ کا بانی بن گیا جو اس سے پہلے سرزد نہ ہوا تھا ، اسی بنا پر ہر قتل کے گناہ میں حصہ دار بن گیا ... 
اور یہ حسن پرستی ہی حسد ،کینہ اور دشمنی کا ذریعہ بنی ...اور...
جو بھی اس راستے پر چلے گا ، اسی انجام سے دوچار ہو گا ...

یہ ایسا مرض ہے کہ حضرت آدم علیہ السلام اور حضرت حوّا کا بیٹا ہونا ۔ ۔
اور ان کی صحبت ... بھی کارگر ثابت نہ ہوسکی...
بلکہ نفس اور خواہش کے پیچھے چل کر بھائی کے قتل پر آمادہ ہو گیا ...

آج کے اس دور میں بھی حسن پرستی اور حصول ِزن کے اس قابیلی جذبے ، سوچ اور فکر نے... 
کتنے گھر اجاڑ ڈالے ...!
کتنی ماؤں کی گود خالی کر دی ...!
کتنے بھائیوں کو آپس میں دشمن بنا دیا ... !
اور کتنے ہی نوجوانوں کو خودکشی ، جیلوں اور پھانسی کے پھندے تک پہنچا دیا ... !

حسنِ فانی پر اگر تو جائے گا 
یہ منقّش سانپ ہے ڈس جائے گا 

٭٭٭


     

خود پسندی

”سربکف “مجلہ۵(مارچ، اپریل ۲۰۱۶)
مولانا فضل الرحمٰن ندوی ﷾

اللہ نے ہر انسان کو سوچنے سمجھنے کی الگ الگ صلاحیتیں عطا کی ہیں، جہاں ایک انسان کسی واقعہ پر غور و فکر کے بعد ایک نتیجہ اخذ کرتا ہے تو دوسرا کوئی اور نتیجہ نکالتا ہے، چونکہ دنیا میں انسانوں کے سوچنے سمجھنے کے ڈھنگ جدا جدا ہیں سو کسی واقعہ پر ایک شخص کے ذریعہ پیش کیا گیا تجزیہ بہت سے ایسے لوگوں کے حلق سے نیچے نہیں اترتا جو اس سے مختلف ذہنیت کے حامل ہوتے ہیں. اب سوال یہ پیدا ہوتا ہے کہ ہم کس بنیاد پر کسی نظریہ کو اختیار یا رد کر رہے ہیں. ظاہر ہے ہمارا کسی نظریہ کو اختیار کرنا ہمارے علم و تجربے اور مخصوص حالات سے متاثر ہوکر ہوتا ہے، لہذا اس خوش فہمی میں رہنا کہ ہم نے جو نتیجہ اخذ کیا ہے صرف وہی درست ہے ایک بالکل نامناسب رویہ ہے.
ہمیں اللہ نے نماز کی بیش بہا دولت سے نوازا ہے اور نماز میں سورہ فاتحہ کی قرات ہر رکعت میں ضروری قرار دی ہے، افکار و خیالات کی اس دنیا میں رہتے ہوئے جب ہم دن میں پانچ مرتبہ اس آیت کریمہ پر پہونچتے ہیں تو بے ساختہ قلب سے یہ آواز نکلتی ہے کہ اے میرے خدا افکار و نظریات کے اس جنگل میں ہمارے لئے مشکل ہے کہ ہم صحیح فکر تک رسائی حاصل کرسکیں تیری عنایات حاصل نہ ہوئیں تو یقینا ہم خسارے میں رہیں گے، اے میرے پروردگار دلائل کے بہتات نے ہمیں عاجز کر رکھا ہے، کبھی کوئی نظریہ صحیح معلوم ہوتا ہے تو کبھی کوئی دلیل اپنے آگے جھکنے پر مجبور کر دیتی ہے یا خدا ہمیں سیدھا راستہ دکھا نفس کی پیروی سے محفوظ رکھ. اس اندھی عقیدت سے بچا جو بغیر دلیل اور ضد اور ہٹ دھرمی کی بنیاد پر ہو
یاد رکھیں! صحیح فکر اختیار کرنا صرف اور صرف  توفیق الہی سے ہی ممکن ہے. علم کا غرور نقصان کا باعث ہوتا ہے، ہمیں اس سے پناہ مانگنا چاہئیے. 
اللہ ہم سب کو غرور، خود پسندی اور تعصب سے محفوظ رکھے۔آمین۔
٭٭٭

     

ہر تمنا دل سے رخصت ہو گئی

”سربکف “مجلہ۵(مارچ، اپریل ۲۰۱۶)
خواجہ عزیز الحسن مجذوب

ہر تمنا دل سے رخصت ہو گئی
اب تو آ جا اب تو خلوت ہو گئی

ایک تم سے کیا محبت ہو گئی
ساری دنیا سے عداوت ہو گئی

یاس ہی اس دل کی فطرت ہوگئی
آرزو جو کی وہ حسرت ہو گئی

جو مری ہونی تھی حالت ہو گئی
خیر اک دنیا کو عبرت ہو گئی

دل میں وہ داغوں کی کثرت ہو گئی
رُونما اک شان وحدت ہو گئی

آگئے پہلو میں راحت ہو گئی
چل دیئے اٹھ کر قیامت ہو گئی

عشق میں ذلت بھی عزت ہو گئی
لی فقیری بادشاہت ہو گئی

سوگ میں یہ کس کی شرکت ہو گئی
بزمِ ماتم بزمِ عشرت ہو گئی
٭٭٭

     

صف شکنوں کو سلام کرتے ہیں

”سربکف “مجلہ۵(مارچ، اپریل ۲۰۱۶)
 ڈاکٹر جاوید اقبال

وفا کے نعرہ زنوں کو سلام کرتے ہیں
ہم اپنے صف شکنوں کو سلام کرتے ہیں

جو دشمنوں کو دبائے ہوئے ہیں ان کو سلام
جو اپنے خوں میں نہائے ہوئے ہیں ان کو سلام

جو کم ہیں پھر بھی جو چھائے ہوئے ہیں ان کو سلام
ہم اپنے صف شکنوں کو سلام کرتے ہیں

شہید جیت گئے، شہسوار جیت گئے
دیار پاک ترے جانثار جیت گئے

وفا ہے معجزہ جسم و جاں ، سو، کام آئی
ہجوم ہار گیا ، کم شمار جیت گئے

     

اے علی مستو!

”سربکف “مجلہ۵(مارچ، اپریل ۲۰۱۶)
سید نصیر الدین نصیر ﷫
مرحبا یہ جلوۂ زیبائے بامِ عائشہ
ہے ہلالِ آمنہ، ماہِ تمامِ عائشہ
عائشہ کے اس شرف کو بھی ذرا ملحوظ رکھ
اپنے منہ سے مصطفیؐ لیتے تھے نامِ عائشہ
آ نہ جائے سن کے زہرا کی طبیعت پر ملال
لی جیو مت بے ادب لہجے میں نامِ عائشہ
جب نکیرین آئیں گے کہہ دوں گا اُن سے قبر میں
مجھ سے کچھ مت پوچھیے، میں ہوں غلامِ عائشہ٭
اپنا اندر صاف رکھنے کے لئے ہر میل سے
سانس کی تسبیح پر لیتا ہوں نامِ عائشہ
ذہن میں لا کر تصور عظمتِ بوبکر کا
ایک نعرہ اے علی مستو! بنامِ عائشہ

٭ شعر مناسب نہیں۔ قبر نسبتیں نہیں دیکھتی۔ (مدیر)
     

احمد رضا خان کی تعریف میں علمائے دیوبند کی طرف منسوب جعلی حوالوں کی تحقیق (قسط ۲).

”سربکف “مجلہ۵(مارچ، اپریل ۲۰۱۶)
 مولانا ساجد خان نقشبندی ﷾


شبلی نعمانی صاحب کی طرف منسوب جعلی حوالہ:
کوکب نورانی صاحب لکھتے ہیں :
’’سیرۃ النبی نام کی مشہور کتاب لکھنے والے جناب شبلی نعمانی فرماتے ہیں :
مولوی احمد رضاخان صاحب بریلوی جو اپنے عقائد میں سخت متشدد ہیں مگر اس کے باوجود مولانا صاحب کا علمی شجرہ اس قدر بلند درجہ کا ہے کہ اس دور کے تمام عالم دین اس (مولانا احمد رضاخان صاحب ) کے سامنے پرکاہ کی بھی حیثیت نہیں رکھتے اس احقر نے بھی آپ ( فاضل بریلوی ) کی متعدد کتابیں جس میں احکام شریعت اور دیگر کتابیں بھی شامل ہیں اور نیز یہ کہ مولانا کے زیر سرپرستی ایک ماہ وار رسالہ الرضا بریلوی سے نکلتا ہے جس کی چند قسطیں بغور و حوض دیکھی ہیں جس میں بلند پایا مضامین ہوتے ہیں‘‘۔
 ( رسالہ ندوہ ،اکتوبر 1964،ص17،بحوالہ سفید و سیاہ ،ص113)
معارف رضا ،ص254پر ندوہ کا سن اشاعت 1964کی جگہ 1914ہے اور یہی صحیح ہے یہی حوالہ طمانچہ ،ص34و صاعقۃ الرضا،ص159پر بھی دیا گیا ہے ۔
شبلی نعمانی صاحب کی طرف منسوب اس جعلی روایت کے من گھرٹ ہونے کیلئے اتنا ہی کافی ہے کہ اس میں جس کتاب ’’احکام شریعت ‘‘ کا تذکرہ ہے اس میں 1337 ؁ھ،1338 ؁ھ،1339 ؁ھ، تک کے سوالات موجود ہیں بلکہ اس کتاب میں موجود ایک رسالہ کا تاریخی نام الرمز المرصف علی سوال مولانا السید اصف 1339 ؁ھ ہے ( احکام شریعت ،ص210) یعنی احمد رضا خان کی وفات 1920 ؁ء سے ایک سال قبل 1919 ؁ء کے سوالات بھی موجود ہیں تو جو کتاب 1919 ؁ء تک چھپی ہی نہیں اسے شبلی نعمانی نے 1914میں کیسے پڑھ لیا ؟ خدا کے بندوں جھوٹ بولنے کا بھی کوئی سلیقہ ہوتا ہے ۔پھر اگر شبلی نعمانی واقعی ہی احمد رضا خان صاحب کو اتنا بڑا طرم خان سمجھتے تو اپنے شاگردوں سے ضرور ان کا تذکرہ کرتے مگر ماقبل میں بریلویوں ہی کا حوالہ گزر چکا ہے کہ سید سلیمان ندوی ؒ احمد رضا خان کو نہیں جانتے تھے ۔پھر شبلی صاحب کی طرف منسوب اس جملے:’’ مولانا صاحب کا علمی شجرہ اس قدر بلند درجہ کا ہے کہ اس دور کے تمام عالم دین اس (مولانا احمد رضا خان صاحب ) کے سامنے پرکاہ کی بھی حیثیت نہیں رکھتے‘‘ اس کے جھوٹا ہونے کیلئے کافی ہے کیونکہ احمد رضا خان نے جس نقی علی خان صاحب سے علم حاصل کیا اس کا ہندوستان کی علمی دنیا میں کوئی تعارف نہیں ۔مگر بریلوی حضرات کی ذہنیت کا اندازہ لگائیں کہ ان جھوٹے اقوال پر کس طرح رائی کا پہاڑ کھڑا کر دیا چنانچہ عبد الوہاب خان قادری خلیفہ مجاز مصطفی رضا خان لکھتا ہے :
ڈاکٹر صاحب ! بار بار اس عبارت کو غور سے پڑھیں شاید ’’پرکاہ ‘‘ کا مطلب آپ نہ سمجھ سکیں پرکاہ تنکے کو کہتے ہیں یہ آپ کے مسلمہ سند یافتہ شمس العلماء شبلی نعمانی میں جو متعدد کتب کے مصنف ہیں ( مگر کسی ایک کتاب میں احمد رضا جیسے نام نہاد محقق سے اس اعتراف کے باوجود استفادہ نہیں کیا ۔از ناقل)سیرۃ النبی (ﷺ) بھی ان کی لکھی ہوئی ہے یہ فرما رہے ہیں اس دور کے تمام عالم دین اس مولوی احمد رضاخان صاحب کے سامنے پرکاہ کی بھی حیثیت نہیں رکھتے اس دور کے عالم دین کہلانے والوں میں آپ کے اکابر و اصاغر سب داخل  ہیں ‘‘۔ ( صاعقۃ الرضا علی اعداء المصطفی ،ص159,160)
اندازہ لگائیں جو حضرات آج اس جدید میڈیا دور میں بھی ایسے جھوٹے بناوٹی حوالے تیار کر کے اس پر اتنی بڑی عمارت پروپگینڈے کی تعمیر کر سکتے ہیں وہ اگر حضرت گنگوہی رحمۃ اللہ علیہ کی طرف جعلی فتوی یا علمائے دیوبند پر جعلی الزامات منسوب کر دیں تو کیا بعید ہے ؟
علامہ انور شاہ کشمیری رحمۃ اللہ علیہ کی طرف منسوب جعلی حوالہ:
مولانا کوکب نورانی صاحب لکھتے ہیں :
’’جناب محمد انور شاہ کشمیری ( صدر مدرس دارالعلوم دیوبند ) فرماتے ہیں جب بندہ ترمذی شریف اور دیگر کتب احادیث کی شروح لکھ رہا تھا تو حسب ضرورت احادیث کی جزئیات دیکھنے کی ضرورت پیش آئی تو میں نے شیعہ حضرات و اہل حدیث و دیوبندی حضرات کی کتابیں دیکھیں مگر ذہن مطمئن نہ ہوا بالآخر ایک دوست کے مشورے سے مولانا احمد رضاخان بریلوی کی کتابیں دیکھیں تو میرا دل مطمئن ہوگیا کہ میں اب بخوبی احادیث کی شرح بلا جھجھک لکھ سکتا ہوں واقعی بریلوی حضرات کے سرکردہ عالم مولانا احمد رضاخان صاحب کی تحریریں شستہ اور مضبوط ہیں جسے دیکھ کر یہ اندازہ ہوتا ہے کہ یہ مولوی احمد رضاخان صاحب ایک زبردست عالم دین اور فقیہ ہیں ‘‘۔ ( ماہنامہ ہادی دیوبند،جمادی الاولی ،1330 ؁ھ ،ص21بحوالہ سفید و سیاہ ،ص114)
معارف رضا ،ص252,253،طمانچہ ،ص39،صاعقۃ الرضا ،ص162,163۔
حضرت علامہ انورشاہ کشمیری رحمۃ اللہ علیہ جیسے جلیل القدر محدث کا حدیث کی جزئیات کیلئے شیعہ و غیر مقلدین کی شروحات کی طرف مراجعت کرنا ہی اس روایت کے جھوٹے و جعلی ہونے کی دلیل ہے ۔اس روایت کو گھڑنے والا اتنا جاہل ہے کہ وہ شروحات لکھنے کی نسبت بار بار حضرت کشمیری رحمۃ اللہ علیہ کی طرف کررہا ہے حالانکہ حضرت کشمیری رحمۃ اللہ علیہ نے کبھی کوئی حدیث کی شرح نہیں لکھی بلکہ ان کے شاگردوں نے ان کی تقاریر کو جمع کرکے شائع کیا یعنی حضرت کشمیری کی تصانیف نہیں بلکہ امالی ہیں۔نیز ہم پوری رضاخانیت کو چیلنج کرتے ہیں کہ احمد رضاخان نے جو شروحات احادیث لکھی ہیں جن کی طرف علامہ کشمیری جیسا آدمی مراجعت کرتا تھا وہ کہاں ہیںِ کس نے طبع کی ہیں کہاں سے دستیاب ہوں گی؟علامہ کشمیری ؒ نے ترمذی کی شرح لکھنے کی بات کی ہے کہ اس کیلئے احمد رضاخان کی طرف مراجعت کرنا پڑی حالانکہ احمد رضاخان کی ترمذی کی نام نہاد شرح تو ان کے بیٹوں سے لیکر آج تک کے رضاخانیوں نے حقیقت میں کیا خواب میں بھی نہیں دیکھی ہوگی تو علامہ کشمیری ؒ نے کہاں سے دیکھ لی ؟سچ کہا
درووغ گو را حافظہ نہ باشد
ویسے ان جعلی حوالوں سے علمائے دیوبند کا صاحب کشف ہونا تو کم سے کم ثابت ہورہا ہے کہ جن کتابوں کو دنیا پر وجود ہی نہیں اور جو آگے چل کر کئی سال بعد طبع ہوکر معرض وجود میں آنی تھیں انہیں یہ اکابر پہلے ہی سے دیکھ لیتے تھے۔
مولانا اعزاز علی صاحب رحمۃ اللہ علیہ کی طرف منسوب جھوٹا حوالہ:
دارالعلوم دیوبند کے شیخ الادب جناب اعزاز علی فرماتے ہیں یہ احقریہ بات تسلیم کر پر مجبور ہیں کہ اس دور کے اندر اگر کوئی محقق اور عالم دین ہے تو و ہ احمد رضاخان بریلوی ہے کیونکہ میں نے مولانا احمد رضاخان کو جسے ہم آج تک کافر بدعتی مشرک کہتے رہے ہیں بہت وسیع النظر اور بلند خیال علو ہمت عالم دین صاحب فکر و نظر پایا آپ ( فاضل بریلوی ) کے دلائل قرآن و سنت سے متصادم نہیں بلکہ ہم آہنگ ہیں لہذا میں آپ کو مشورہ دوں گا اگر آپ کو کسی مشکل مسئلہ میں کسی قسم کی الجھن درپیش ہو تو آپ بریلی میں جاکر مولایا احمد رضاخان صاحب بریلوی سے تحقیق کریں۔( رسالہ النور تھانہ بھون شوال المکرم 1342 ؁ھ ،ص40)
بحوالہ سفید و سیاہ ،ص114،معارف رضا ،ص252،طمانچہ ،ص40،صاعقۃ الرضا ،ص163,164
یہ رسالہ النور کس کا ہے ؟ کس نے لکھا ؟ اس کی کیا حیثیت ہے ؟ ان رضاخانیوں نے کبھی خود بھی یہ حوالہ دیکھا ہے ؟ اس جعلی روایت کو گھڑنے والے کو اتنا بھی علم نہیں کہ ان کا امام احمد رضا 1340میں وفات پا گیا تھا تو دو سال بعد 1342میں کیا مولانا اعزاز علی احمد رضاخان صاحب کی قبر میں بوسیدہ ہڈیوں سے علمی استفادہ کرنے کا مشورہ دے رہے ہیں ؟
 شرم تم کو مگر نہیں آتی
اس کے جھوٹا ہونے کا ایک اور ثبوت یہ ہے کہ مولانا اعزاز علی کی طرف منسوب یہ قول : 
’’آپ ( فاضل بریلوی ) کے دلائل قرآن و سنت سے متصادم نہیں بلکہ ہم آہنگ ہیں‘‘
 حالانکہ مولانا اعزاز علی نے فتاوی دارالعلوم دیوبند میں جگہ جگہ علم غیب حاضر ناظر مختار کل اور بدعات پر احمد رضاخان کے دلائل کا رد کیا ہے ۔
علامہ شبیر احمد عثمانی ؒ کی طرف منسوب جعلی حوالہ:
جناب شبیر احمد عثمانی فرماتے ہیں مولانا احمد رضاخان کو تکفیر کے جرم میں برا کہنا بہت ہی برا ہے کیونکہ وہ بہت بڑے عالم دین اور بلند پایہ محقق تھے مولانا احمد رضاخان کی رحلت عالم اسلام کا بہت بڑا سانحہ ہے جسے نظر انداز نہیں کیا جاسکتا ‘‘۔
(ماہنامہ ہادی دیوبند،ذو الحجہ ،1369 ؁ھ ،ص21،بحوالہ سفید و سیاہ ،ص116،صاعقۃ الرضا ،ص164
مولانا احمد رضاخان کی وفات 1340 ؁ھ میں ہوئی تو وفات کے 29سال بعد 1369 ؁ھ میں ان کے سانحہ ارتحال پر افسوس کرنا پکار پکار کہہ رہا ہے کہ میں کسی بریلوی کذاب کے دماغ کا شاخسانہ ہوں۔
علامہ بنوری ؒ کے والد کی طرف منسوب حوالہ:
کوکب اوکاڑوی لکھتا ہے :
’’جناب محمد یوسف بنوری کے والد جناب زکریا شاہ بنوری فرماتے ہیں اگر اللہ تعالی ہندوستان میں (مولانا ) احمد رضا بریلوی کو پیدا نہ فرماتا تو ہندوستان میں حنفیت ختم ہوجاتی ‘‘۔ ( سفید و سیاہ ،ص116)
مولنا اوکاڑوی نے اس جھوٹ کا کوئی حوالہ نہیں دیا ایسے موقع پر حسن علی رضوی یوں گوہر افشانی کرتے ہیں :
’’اس الزام بد انجام کے ساتھ کوئی حوالہ نہیں نہ دارالعلوم منظر اسلام بریلی شریف کی روئیداد کا حوالہ ہے نہ بریلی شریف کے کسی روزنامہ اخبار یا ماہنامہ رسالہ کا حوالہ نہ کسی عام اخبارات میں ہندو پاکستان کے کسی اخبار کا سن اور تاریخ تعین کے ساتھ حوالہ لہذا یہ حوالہ حرامی ہے کسی دیوبندی ملاں کے پیٹ سے پیدا ہوا ہے اور جنم لیا ہے پھر اس مضمون کی ترتیب بھی بتارہی ہے کہ یہ حوالہ ولد الحرام ہے ‘‘۔
( محاسبہ دیوبندیت ،ج2،ص44،انجمن انوار القادریہ کراچی )
خلاصہ کلام کہ یہ تمام حوالہ جات من گھرٹ اور وضع کردہ ہیں یہ اصل حوالے خود ان لوگوں نے بھی کبھی نہ دیکھے ہوں گے ہم ان پر کوئی تبصرہ اپنی طرف سے کریں تو شائد اوکاڑوی صاحب کہیں کہ تمہیں تہذیب و شائستگی سے تمہیں کوئی سروکار نہیں اس لئے ہم انہیں کے فرقے کے اجمل العلماء کی کوثر و تسنیم سے دھلی ہوئی ،تہذیب و شائستگی سے بھرپور ،متانت و سنجیدگی سے مرقوم عبارت ان کی بارگاہ میں بطور تبصرہ پیش کرتے ہیں :
’’انہوں نے ہی بہتان طرازی کا بازار گرم کیا کتب دینیہ میں تحریفیں کرنا ان کی مخصوص عادت ہے عبارات میں کتر و بیونت کرنا ان کی مشہور خصلت ہے یہ فرقہ جب اپنی مکاری پر اتر آئے تو اپنے خصم ( مخالف ) کا قول اپنے دل سے بنا کر لے آئے یہ جماعت جب اپنی افتراء پردازی پر اتر آ جائے تو خصم ( مخالف ) کے آباؤ اجداد اور مشائخ کی طرف سے جو عبارات چاہے گڑھ کر لے آئے ان تصانیف کے نام تراش لے پھر ان کے مطبع تک بنا ڈالے ۔۔۔مسلمانو ذرا انصاف سے کہنا کیا ایسا جیتا افترا و بہتان کیا ایسی گندی اور گھنونی تحریر تم نے کوئی اور بھی دیکھی ؟ کیا ایسا صریح کذب اور جھوٹ کیا ایسی بے حیائیوں اور ڈھٹائیوں کی نظیر تم نے کوئی اور بھی سنی ؟ کیا ایسی بے شرمی کا مظاہرہ تم نے کہیں اور بھی کیا ؟ کیا ایسی بے ایمانی اور مکر و کید کا مجموعہ تم نے کبھی اور بھی دیکھا؟ قابل توجہ یہ چیز ہے کہ یہ سارا افترا و بہتان دجل و فریب مکر و کید تحریف و کذب محض اس لئے عمل میں کہ ۔۔۔( اے دیوبندیو! از ناقل ) تم یہ کہتے ہو ۔۔۔اور تمہارے مشائخ کرام فلاں فلاں کتاب میں یوں فرماتے ہیں ‘‘۔
(رد شہاب ثاقب ،ص12تا14،ادارہ غوثیہ رضویہ لاہور )
انہی کی مطلب کی کہہ رہا ہوں زبان میری ہے بات ان کی
انہی کی محفل سنوار تا ہوں چراغ میرا ہے رات ان کی
٭٭٭
 

     

اہل حدیث یا منکر حدیث (قسط ۲).

”سربکف “مجلہ۵(مارچ، اپریل ۲۰۱۶)
*غیر مقلدین کے ڈاکٹر رانا محمد اسحاق کااحناف دشمنی میں ترک رفع یدین کی احادیث کا کھلم کھلا انکار*
 حافظ محمود احمد(عرف عبد الباری محمود)


قارئین کرام! غیر مقلدین کے ڈاکٹر رانا محمد اسحاق صاحب اپنی کتاب "نماز میں رفع الیدین کرنے کی شرعی حیثیت" کے شروع کے پہلے صفحہ پر ہی لکھتے ہیں:
"آپ صلی اللہ علیہ وسلم نے ساری زندگی مبارک میں بغیر رفع الیدین کبھی بھی نماز ادا نہیں کی۔"

تبصرہ: ڈاکٹر رانا محمد اسحاق صاحب کا یہ نبی کریم صلی اللہ علیہ وسلم پر صریح جھوٹ ہے، اس لئے کہ صحابئ رسول حضرت عبداللّٰہ ابن مسعودؓ سے نبی کریم صلی اللّٰہ علیہ وسلم کا بغیر رفع الیدین کے نماز پڑھنا ثابت ہے، چنانچہ سنن ترمذی میں ہے:
 حَدَّثَنَا ھَنَّادٌ، قَالَ: حَدَّثَنَا وَکِیع،ٌ عَنْ سُفْیَانَ، عَنْ عَاصِمِ بْنِ کُلَیْبٍ ، عَنْ عَبْدِ الرَّحْمَنِ بْنِ الْأَسْوَد،ِ عَنْ عَلْقَمَةَ، قال: قَالَ عَبْدُ اللَّہِ بْنُ مَسْعُودٍ: أَلَا أُصَلِّیْ بِکُمْ صَلَاةَ رَسُولِ اللَّہِ صَلَّى اللَّہُ عَلَیْہِ وَسَلَّمَ فَصَلَّى فَلَمْ یَرْفَعْ یَدَیْہِ إِلَّا فِیْ أَوَّلِ مَرَّةٍ "
یعنی علقمہؓ کہتے ہیں کہ حضرت عبداللّٰہ ابن مسعود رضی اللّٰہ عنہ نے فرمایا: کیا میں تمہیں رسول اللّٰہ صلی اللّٰہ علیہ وسلم والی نماز نہ پڑھاؤں؟
پھر نماز پڑھی اور ہاتھ نہیں اٹھائے مگر ایک مرتبہ شروع نماز میں۔
(سنن ترمذی، حدیث:257 /صحیح بتحقیق البانی)

قارئین کرام! اس حدیث کے تمام راوی صحیح مسلم کے اعلی درجہ کے راوی ہیں اور امام مسلمؒ کی شرط کے مطابق ہیں۔ چنانچہ غیر مقلدین جماعت کے مشہور محدث شیخ ناصرالدين البانی صاحب فرماتے ہیں:
والحق انہ حدیث صحیح واسنادہ صحیح على شرط مسلم ولم نجد لمن اعلہ حجة یصلح التعلق بھا ورد الحدیث من اجلھا
"یعنی حق بات یہ ہے کہ یہ حدیث صحیح ہے، اس کی سند مسلم کی شرط پر صحیح ہے اور جن لوگوں نے اس حدیث کو معلول قرار دیا ہے ہمیں ان کی کوئی ایسی دلیل نہیں ملی جس سے استدلال صحیح ہو اور اس کی وجہ سے حدیث کو رد کیا جا سکے۔ دیکھیئے: [مشكاۃ بتحقیق البانی: جلد1، صفحہ254] اور لطف کی بات تو یہ ہیکہ ڈاکٹر رانا محمد اسحاق صاحب نے خود اپنی اسی کتاب میں حضرت ابن مسعودؓ کی ترک رفع والی روایت کو صحیح تسلیم کیا ہے (دیکھیے: ص 23 و31) لیکن اس کے باوجود ڈاکٹر رانا محمد اسحاق صاحب نے اپنی جہالت کا ثبوت دیتے ہوئے نبی کریم صلی اللّٰہ علیہ وسلم پر جھوٹ بول دیا ہے کہ آپ صلی اللّٰہ علیہ وسلم نے ساری زندگی مبارک میں بغیر رفع الیدین کبھی بھی نماز ادا نہیں کی"۔
اللّٰہ پاک جھوٹوں سے محفوظ فرمائے۔ (آمین)
خاکپائے علمائے دیوبند
حافظ محمود احمد عرف عبدالباری محمود
٭٭٭

     

بہشتی زیور پر ایک اعتراض کا جواب

”سربکف “مجلہ۵(مارچ، اپریل ۲۰۱۶)
عبد الرشید قاسمی سدھارتھ نگری ﷾

غیر مقلدین کی طرف سے مولانا اشرف علی تھانوی رحمہ اللہ کی کتاب "بہشتی زیور" پر جہاں بہت سارے اعتراضات کئے جاتے ہیں، وہیں ایک اعتراض یہ بھی کیا جاتا ہے کہ مولانا اشرف علی تھانوی نے لکھا ہے کہ:
اعتراض: شوہر پردیس میں برسوں سے تھا، بیوی کو بچہ پیدا ہوگیا، قانون شرع سے حرامی نہیں اسی شوہر کا ہے۔
↩جواب: سب سے پہلے "بہشتی زیور" سے اصل مسئلہ نقل کیا جاتا ہے، اس کے بعد مولانا تھانوی ہی کی عبارت کی روشنی میں اس کی وضاحت کی جائے گی ـ 

"بہشتی زیور مکمل عکسی، حصہ چہارم" صفحہ 227/ پر مسئلہ اس طرح لکھا ہوا ہے:
میاں پردیس میں ہے اور مدت ہوگئی،برسیں گذر گئیں کہ گھر نہیں آیا، اور یہاں لڑکا پیدا ہوگیا (اور شوہر اس کو اپنا ہی بتاتا ہے) تب بھی وہ از روئے قانون شرع حرامی نہیں، اسی شوہر کا ہے، البتہ اگر شوہر خبر پاکر انکار کرے تو لعان کا حکم ہوگا۔
(بہشتی زیور کامل چوتھا حصہ صفحہ 227)

اور یہ مسئلہ بالکل صحیح ہے، اس لئے کہ نسب اللہ تعالی کی عطا کردہ ایک نعمت ہے (الفرقان آیت 54)
 بغیر کسی دلیل قطعی کے کسی کو حرام کار، حرامی، اور ولد الزناء کہنا بہت بڑی تہمت اور گناہ عظیم ہے، اس کا منھ سے نکالنا بھی جائز نہیں۔  لہذا جب تک بعید سے بعید احتمال بھی رہے گا، نسب ثابت کیا جائے گا، نبی کریم صلی اللہ علیہ وسلم نے فرمایا 
" الولد للفراش وللعاھر الحجر " اور یہاں احتمال ہے، اس لئے کہ زوجیت باقی ہے، ممکن ہے کہ کرامت یا جن کی تسخیر سے دونوں کا اجتماع ہوگیا ہو، ہاں اگر شوہر انکار کرے اور بیوی پر بغیر کسی دلیل کے الزام لگائے، اور لعان کی دیگر شرائط بھی پائی جائیں تو لعان کا حکم ہوگا، بعدہ بچے کو حرامی قرار دے دیا جائے گا ـ یہ ہے اس مسئلہ کی حقیقت، مزید تفصیل کے لئے دیکھئے:
①اختری بہشتی زیور حصہ چہارم، ضمیمہ ثانیہ مسماة بہ تصحیح الاغلاط
②غیر مقلدین کا فرار ایک دلچسپ داستان

اب فرمائیے! کیا فرمانا چاہتے ہیں؟ اور اس مسئلہ میں آپ کی کیا رائے ہے؟ کیا یہ مسئلہ کسی قانون شرعی یا قرآن وحدیث کے خلاف ہے؟ اگر ہاں تو کس قانون اور قرآن کی کس آیت یا حدیث کے؟ یا آپ جن کی تسخیر اور کرامت کے منکر ہیں؟
جو بھی ہو، وضاحت ضرور کریں۔
اور لیجئے! بٹوارے کا تماشہ بھی دیکھتے چلئے، آپ کے نواب وحید الزماں صاحب حیدرآبادی فرماتے ہیں کہ:
”ایک عورت سے تین مرد باری باری صحبت کریں اور ان تینوں کی صحبت سے لڑکا پیدا ہوجائے، تو لڑکے پر قرعہ اندازی ہوگی، جس کے نام قرعہ نکل آئے، اس کو بیٹا مل جائے گا، باقی دو کو یہ بیٹا لینے والا دو تہائی دیتا رہے“ (نزل الابرار 2/75) 
کیا نواب صاحب کا بیان کردہ یہ مسئلہ قرآن کریم کی کسی آیت یا حدیث سے ثابت ہے؟ اگر ہاں تو نشاندہی کیجئے، اور اگر نہیں، تو اس پر کوئی اعتراض کیوں نہیں؟
٭٭٭

     

رفع یدین کے بارے میں اہلحدیث علماء کے آپس میں اختلافات

”سربکف “مجلہ۵(مارچ، اپریل ۲۰۱۶)
محسن اقبال ﷾

رکوع میں جاتے وقت اور رکوع سے اٹهتے وقت رفع یدین کرنے اور نہ کرنے سے متعلق سلف صالحین وائمہ هدی کے مابین اختلاف ہے اور دور اول یعنی صحابہ وتابعین وتبع تابعین رضی الله عنهم سےاس میں اختلاف چلا آرہا ہے اوراس اختلاف کی اصل وجہ یہ ہے کہ رفع یدین کے بارے مختلف روایات وارد ہوئ ہیں لہذا جس مجتهد نے اپنے دلائل کی روشنی میں جس صورت کوزیاده بہتر وراجح سمجها اس کو اختیارکیا اورکسی بهی مجتهد نے دوسرے مجتهد کے عمل واجتهاد کو باطل وغلط نہیں کہا۔

اور یہی حال ان مجتهدین کرام کا دیگراختلافی مسائل میں بهی ہے کہ باوجود اختلاف کے ایک دوسرے کے ساتهہ محبت وعقیدت واحترام کا رشتہ رکهتے تهے جیسا کہ امام شافعی رحمه الله امام مالک رحمه الله کے شاگرد ہیں لیکن بہت سارے اجتهادی مسائل میں ان سے اختلاف رکهتے ہیں حتی کہ رفع یدین کے مسئلہ میں بهی دونوں استاذ وشاگرد کا اجتهاد مختلف ہے امام شافعی رحمه الله رفع یدین کے قائل ہیں اورامام مالک رحمه الله رفع یدین کے قائل نہیں۔

رفع یدین کے بارے مذاهب اربعہ کی تصریحات1 =

احناف کے نزدیک رکوع میں جاتے وقت اور رکوع سے اٹهتے وقت رفع یدین خلاف اولی ہے یعنی بہترنہیں ہے
فتاوی شامی میں ہے
قوله إلا في سبع ) أشار إلى أنه لا يرفع عند تكبيرات الانتقالات ، خلافا للشافعي وأحمد ، فيكره عندنا ولا يفسد الصلاة الخرد المحتار على الدر المختار ، كتاب الصلاة ، فصل في بيان تأليف الصلاة إلى انتهائها

2 = مالکیہ کے نزدیک بهی رکوع میں جاتے وقت اور رکوع سے اٹهتے وقت رفع یدین مکروه وخلاف اولی ہے ،
مذهب مالکیہ کی مستند کتاب المدونة الكبرى میں ہے 
 ففي المدونة الكبرى قال الإمام مالك: (لا أعرف رفع اليدين في شيء من تكبير الصلاة، لا في خفض ولا في رفع إلا في افتتاح الصلاة، يرفع يديه شيئا خفيفا، والمرأة في ذلك بمنزلة الرجل)، قال ابن القاسم : (كان رفع اليدين ضعيفا إلا في تكبيرة الإحرام ) المدونة الكبرى للإمام مالك ص 107 – دار الفكر بيروت 
امام مالك رحمه الله فرماتے ہیں کہ میں نمازکی تکبیرات میں کسی جگہ رفع اليدين نہیں جانتا نہ رکوع میں جاتے وقت اور نہ رکوع سے اٹهتے وقت مگر صرف نمازکے شروع میں تکبیر تحریمہ کے وقت ، امام مالک کے صاحب وشاگرد ابن القاسم فرماتے ہیں کہ رفع اليدين کرنا ضعیف ہے مگرصرف تکبیرتحریمہ میں ۔

امام مالك رحمه الله کے الفاظ پر ذرا غور کریں لا أعرف یعنی میں نہیں جانتا تکبیر تحریمہ کے علاوه رفع یدین کرنا الخ ۔ 
یاد رہے کہ کتاب المُدَونة الكبرى فقہ مالكي کی اصل وبنیاد ہے دیگرتمام کتابوں پرمقدم ہے اور مُوطأ الإمام مالك کے بعد اس کا دوسرا نمبرہے اوراکثر علماء المالكية کی جانب سے اس کتاب المدونة کو تلقی بالقبول حاصل ہے اور فتاوی کے باب میں بهی علماء المالكية کا اسی پراعتماد ہے اور روایت و درجہ کے اعتبارسے سب سے أصدق وأعلى کتاب ہےعلامہ ابن رشد المالکی نے بهی یہی تصریح کی ہے اور فرمایا کہ رفع یدین میں اختلاف کا سبب دراصل اس باب میں وارد شده مختلف روایات کی وجہ سے ہے یعنی چونکہ روایات مختلف ہیں لہذا ائمہ مجتهدین کا عمل بهی ہوگا .اهــ لہذا جولوگ یہ کہتے ہیں کہ رفع یدین نہ کرنے والوں کی نماز غلط ہے توایسے لوگ جاہل وکاذب ہیں۔
وأما اختلافهم في المواضع التي ترفع فيها فذهب أهل الكوفة أبو حنيفة وسفيان الثوري وسائر فقهائهم إلى أنه لا يرفع المصلي يديه إلا عند تكبيرة الإحرام فقط، وهي رواية ابن القاسم عن مالك " الی ان قال " والسبب في هذا الاختلاف كله اختلاف الآثار الواردة في ذلك الخبداية المجتهد ، كتاب الصلاة ، للعلامه ابن رُشد المالکی 

علامہ عبد الرحمن الجزيري نے بهی یہی تصریح کی ہے کہ مالکیہ کے نزدیک رفع یدین دونوں کندہوں تک تکبیرتحریمہ کے وقت مستحب ہے اس کے علاوه مکروه ہے
المالكية قالوا: رفع اليدين حذو المنكبين عند تكبيرة الاحرام مندوب، وفيما عدا ذلك مكروه الخ الفقه على المذاهب الاربعة ' لعبد الرحمن الجزيري ' الجزء الاولكتاب الصلاة باب رفع اليدين

3 = شافعيه کے نزدیک رکوع میں جاتے وقت اور رکوع سے اٹهتے وقت رفع یدین سنت ہے ، امام شافعي كى كتاب الأم میں یہی تصریح موجود ہے اوردیگرعلماء شافعیه کا بهی یہی مذهب ہے
قال سألت الشافعي: أين ترفع الأيدي في الصلاة؟ قال: يرفع المصلي يديه في أول ركعة ثلاث مرات، وفيما سواها من الصلاة مرتين مرتين يرفع يديه حين يفتتح الصلاة مع تكبيرة الافتتاح حذو منكبيه ويفعل ذلك عند تكبيرة الركوع وعند قوله " سمع الله لمن حمده " حين يرفع رأسه من الركوع ولا تكبيرة للافتتاح إلا في الأول وفي كل ركعة تكبير ركوع، وقول سمع الله لمن حمده عند رفع رأسه من الركوع فيرفع يديه في هذين الموضعين في كل صلاة الخكتاب الأم ، باب رفع اليدين في الصلاةقال الشافعي ) وبهذا نقول فنأمر كل مصل إماما ، أو مأموما ، أو منفردا ؛ رجلا ، أو امرأة ؛ أن يرفع يديه إذا افتتح الصلاة ؛ وإذا كبر للركوع ؛ وإذا رفع رأسه من الركوع ويكون رفعه في كل واحدة من هذه الثلاث حذو منكبيه ؛ ويثبت يديه مرفوعتين حتى يفرغ من التكبير كله ويكون مع افتتاح التكبير ، ورد يديه عن الرفع مع انقضائه .كتاب الأم ، باب رفع اليدين في التكبير في الصلاة

4 = حنابله کے نزدیک بهی رکوع میں جاتے وقت اور رکوع سے اٹهتے وقت رفع یدین سنت ہے۔
مسألة : قال : ( ويرفع يديه كرفعه الأول ) يعني يرفعهما إلى حذو منكبيه ، أو إلى فروع أذنيه ، كفعله عند تكبيرة الإحرام ، ويكون ابتداء رفعه عند ابتداء تكبيره ، وانتهاؤه عند انتهائه .كتاب المُغني لإبن قدامة الحنبلي ، كتاب الصلاة ، باب صفة الصلاة۔

رفع یدین کے بارے میں اہلحدیث علماء کے آپس میں اختلافات:

مولانا سید نذیر حسین صاحب دہلوی اپنے فتاویٰ نذیریہ جلد1 صفحہ 441 میں فرماتے ہیں کہ رفع یدین میں جھگڑاکرنا تعصب اور جہالت کی بات ہے ، کیونکہ آنحضور اکرم صلیٰ اللہ علیہ وسلم سے دونوں ثابت ہیں ، دلائل دونوں طرف ہیں۔اسی کتاب میں کہتے ہیں کہ رفع یدین کا ثبوت اور عدم ثبوت دونو مروی ہے. 
( فتاوی نذیریہ جلد 1 صفحہ 444)

مولانا ثناء اللہ امرتسری کہتے ہیں کہ ہمارا مذہب ہے کہ رفع یدین کرنا مستحب امر ہے جس کے کرنے سے ثواب ملتا ہے اور نہ کرنے سے نماز میں کوئی خلل نہیں ہوتا.(فتاوی ثنائیہ جلد 1 صفحہ 579)

اسی کتاب میں کہتے ہیں کہ ترک رفع ترک ثواب ہے ترک فعل سنت نہیں.(فتاوی ثنائیہ جلد 1 صفحہ 608)
نواب صدیق حسن خاں شاہ ولی اللہ صاحب سے نقل کرتے ہوے فرماتے ہیں۔۔"رفع یدین و عدم رفع یدین نماز کے ان افعال میں سے ہے جن کو آنحضور صلیٰ اللہ علیہ وسلم نے کبھی کیا ہے اور کبھی نہیں کیا ہے ، اور سب سنت ہے ، دونوں بات کی دلیل ہے ، حق میرے نزدیک یہ ہے کہ دونوں سنت ہیں۔۔۔
(روضہ الندیہ, صفحہ 148)
اور اسی کتاب میں حضرت شاہ اسماعیل شہیدؒ کا یہ قول بھی نقل کرتے ہیں ولا یلام تارکہ و ان ترکہ مد عمرہ (صفحہ 150)۔ یعنی رفع یدین کے چھوڑنے والے کو ملامت نہیں کی جاے گی اگرچہ پوری زندگی وہ رفع یدین نہ کرے۔

علامہ ابن تیمیہ فتاوی ابن تیمیہ جلد 22ص 253 پرلکھتے ہیں
 سوائ رفع او لم یرفع یدیہ لا یقدح ذلک فی صلاتہم ولا یبطلہا ، لا عند ابی حنیفۃ ولا الشافئی ، ولا مالک ولا احمد ، ولو رفع الامام دون الماموم او الماموم دون الامام لم یقدح ذلک فی صلاۃ واحد منہما ۔یعنی اگر کسی رفع یدین کیا یا نہ کیا تو اس کی نماز میں کوئی نقص نہیں ، امام ابو حنیفہ ، امام شافعی امام احمد اور امام مالک کسی کے یہاں بھی نہیں ۔اسی طرح امام اور مقتدی مین سے کسی ایک نے کیا تب بھی کوئی نقص نہیں۔ 

الشیخ عبدالعزیز ابن باز رحمۃ اللہ علیہ سابق مفتی اعظم سعودی عرب فرماتے ہیں:
السنة رفع اليدين عند الإحرام وعند الركوع وعند الرفع منه وعند القيام إلى الثالثة بعد التشهد الأول لثبوت ذلك عن النبي صلى الله عليه وسلم , وليس ذلك واجبا بل سنة فعله المصطفى صلى الله عليه وسلم وفعله خلفاؤه الراشدون وهو المنقول عن أصحابه صلى الله عليه وسلم , فالسنة للمؤمن أن يفعل ذلك في جميع الصلوات وهكذا المؤمنة۔ ۔ ۔ ۔ ۔ ۔ ۔۔۔۔۔۔ كله مستحب وسنة وليس بواجب , ولو صلى ولم يرفع صحت صلاته "
کہ تکبیر تحریمہ کہتے وقت، رکوع میں جاتے ہوئے اور رکوع سے اٹھنے کے بعد، اور پہلے تشھد کے بعد تیسری رکعت کے لیے اٹھتے وقت رفع الیدین کرنا سنت ہے کیوں کہ نبی صلی اللہ علیہ و علی آلہ وسلم سے اس کا کرنا ثابت ہے۔ لیکن یہ واجب نہیں سنت ہے۔ مصطفیٰ صلی اللہ علیہ و علی آلہ وسلم، خلفائے راشدین اور صحابہ کا اس پر عمل رہا ہے، پس ہر مومن مرد و عورت کو اپنی تمام نمازوں میں اسے اپنانا چاہیے،۔ ۔ ۔ ۔۔ ۔ ۔ لیکن یہ سب مستحب اور سنت ہے، واجب نہیں ہے۔ اگر کوئی شخص رفع الیدین کے بغیر نماز پڑھے تو اس کی نماز درست ہے۔(مجموع فتاوٰی بن باز جلد 11 ص 156)

نائب مفتی اعظم سعودی عرب الشیخ محمد بن صالح العثیمین رحمہ اللہ کا کہنا ہے:
وهذا الرفع سنة، إذا فعله الإنسان كان أكمل لصلاته، وإن لم يفعله لا تبطل صلاته، لكن يفوته أجر هذه السنة
رفع الیدین کرنا سنت ہے، اسے کرنے والا انسان اپنی نماز مکمل ترین صورت میں ادا کرتا ہے۔ اگر کوئی اسے چھوڑ دے تو اس کی نماز باطل نہیں ہوتی لیکن وہ اس سنت کے اجر سے محروم رہ جاتا ہے"(مجموع فتاویٰ و رسائل العثمین جلد 13 ص 169) 

حضرت عبداللہ ابن عمر رضی اللہ عنہ اور سجدوں کا رفع یدین:

سجدوں میں جاتے وقت رفع یدین کرنا: 
غیر مقلدین سے ایک سوال کرنا چاہتا ہوں کہ غیر مقلدین سجدوں کی رفع یدین کیوں نہیں کرتے ؟جبکہ سجدوں میں جاتے وقت کا رفع یدین 10 صحابہ کرام رضی اللہ عنہم سے صحیح سند کے ساتھ مروی ہے۔ غیر مقلدین کے مانے ہوئے اور مستند شدہ محقق اور محدث علامہ ناصر الدین البانی رحمہ اللہ لکھتے ہیں کہ ْْ''نبی کریم صلی اللہ علیہ وسلم کبھی سجدہ میں جاتے وقت بھی رفع یدین کرتے تھے۔ یہ رفع یدین 10 صحابہ کرام رضی اللہ عنہم سے مروی ہے اور ابن عمر، ابن عباس رضی اللہ عنہم اور حسن بصری، طاؤس، ابن عمر رضی اللہ عنہ کے غلام نافع، سالم بن نافع، قاسم بن محمد، عبداللہ بن دینار، اور عطاء اس کو جائز سمجھتے ہیں۔ عبدالرحمٰن بن مھدی نے اس کو سنت کہا ہے اور امام احمد بن حنبل رحمہ اللہ نے اس پہ عمل کیا ہے، امام مالک ؒاور امام شافعی ؒ کا بھی ایک قول یہی ہے۔'' ( نماز نبوی صلی اللہ علیہ وسلم، علامہ ناصر الدین البانی، صفحہ 131)

جب سجدوں کا رفع یدین حضرت عبداللہ ابن عمر رضی اللہ عنہ اور ان کے ساتھ ساتھ دس صحابہ کرام رضی اللہ عنہم سےصحیح سند کے ساتھ غیر مقلدین کے تصدیق شدہ محقق کی تصریح کے ساتھ ثابت ہے تو غیر مقلد ان صحیح احادیث پہ عمل کیوں نہیں کرتے؟ 
یہ وہی عبداللہ ابن عمر رضی اللہ ہیں جن سے غیر مقلدین اپنی رفع یدین کی حدیث روایت کرتے ہیں۔ 

سجدوں سے سر اٹھاتے وقت رفع یدین کرنا:
 علامہ ناصر الدین البانی رحمہ اللہ سجدوں سے سر اٹھاتے وقت رفع یدین کو صحیح کہتے ہیں۔ ّ''امام احمد اس مقام پر رفع یدین کے قائل ہیں بلکہ وہ ہر تکبیر کے وقت رفع یدین کے قائل ہیں، 

چنانچہ علامہ ابن قیم فرماتے ہیں کہ ابن الاثیر امام احمد سے نقل کرتے ہیں کہ ان سے رفع یدین کے بارے میں پوچھا گیا تو انہوں نے کہا کہ جب بھی نمازی اوپر یا نیچے ہو دونوں صورتوں میں رفع یدین ہے نیز اثرم بیان کرتے ہیں کہ میں نے امام احمد کو دیکھا وہ نماز میں اٹھتے بیٹھتے وقت رفع یدین کرتے تھے۔ یہ رفع یدین انس، ابن عمر، نافع، طاؤس، حسن بصری، ابن سیرین اور ایوب سختیانی سے صحیح سند کے ساتھ مروی ہے''۔ ( نماز نبوی صلی اللہ علیہ وسلم، علامہ ناصر الدین البانی، صفحہ 142)
یہاں علامہ البانی رح نے حضرت عبداللہ ابن عمر رضی اللہ عنہ سے سجدوں سے سر اٹھاتے وقت کا رفع یدین صحیح سند سے ثابت کیا۔ غیر مقلدین سجدوں میں جاتے وقت اور سر اٹھاتے وقت رفع یدین کیوں نہیں کرتے؟
غیر مقلدین کے مشہور عالم مولانا رئیس ندوی صاحب امام بخاری کی کتاب جزء رفع الیدین سے ابن عمر رضی اللہ عنہ کی سجدوں کی رفع یدین ذکر کرنے کے بعد اس کی تحقیق میں لکھتے ہیں کہ 

''اس حدیث معتبر کا واضح مفاد یہ ہے کہ پہلییا دوسری، تیسری یا چوتھی رکعت کی قید کے بغیر علی الاطلاق ابن عمر رضی اللہ عنہ جب سجدہ سے سر اٹھاتے تو رفع یدین کرتے تھے ،اس سے مستفاد ہوتا ہے کہ ہر سجدہ سے اٹھتے وقت موصوف ابن عمر رضی اللہ عنہ رفع یدین کرتے تھے ۔۔۔ اس حدیث کا لازمی مطلب ہے کہ ابن عمر رضی اللہ عنہ سجدہ کے وقت رفع یدین کرتے تھے اور اسکے علاوہ اس حدیث کا کوئی دوسرا معنی و مطلب بتانا خلافِ ظاہر ہے'' ( رسول اکرم ﷺ کا صحیح طریقہ نماز۔ صفحہ 361)

اسی صفحہ پہ آگے جا کر لکھتے ہیں کہ '' ابن عمر رضی اللہ عنہ سے جو بعض روایات منقول ہیں کہ وہ خود اور نبی کریم ﷺ بوقت سجدہ رفع یدین نہیں کرتے تھے تو اسکا مطلب صرف اس قدر ہے کہ کبھی کبھار بعض مرتبہ سجدہ کے وقت ابن عمر رضی اللہ عنہ رفع یدین نہیں کرتے تھے''( رسول اکرم ﷺ کا صحیح طریقہ نماز۔ صفحہ 361)

تو غیر مقلدین کے ان مستند عالم رئیس ندوی صاحب کی ان باتوں سے ثابت ہوا کہ ابن عمر رضی اللہ عنہ سے سجدوں کا رفع یدین صحیح سند سے مروی ہے اور ابن عمر رضی اللہ عنہ اکثر سجدوں کا رفع یدین کرتے تھے اور کبھی کبھار سجدوں کا رفع یدین ابن عمر رضی اللہ عنہ ترک کرتے تھے۔

اسی کتاب میں آگے جا کے موصوف لکھتے ہیں کہ 
''بوقت سجدہ کا رفع یدین جس کو امام بخاری محفوظ کہہ رہے ہیں اسکے بنیادی رواہ میں سے نافع،طاؤس، ایوب سختیانی،مجاھد، عطاء،سالم، عبداللہ بن دینار،قیس بن سعد، حسن بن مسلم، حسن بصری وغیرہ بھی ہیں اور یہ سارے کے سارے حضرات بوقت سجدہ بھی تحریمہ و رکوع کے وقت کی طرح رفع یدین کرتے تھے۔
ظاہر ہے کہ ان حضرات کے نزدیک اگر بوقت سجدہ رفع یدین والی حدیث محفوظ نہ ہوتی تو یہ اساطین علم و دین ہوتے ہوئے بوقت سجدہ رفع یدین نہ کرتے۔'' (رسول اکرم ﷺ کا صحیح طریقہ نماز۔ صفحہ 370)

علامہ رئیس ندوی کے اس حوالے سے ثابت ہوا کہ ابن عمر رضی اللہ سمیت یہ تمام تابعین اوراکابرین سجدوں میں بھی تحریمہ اور رکوع کی طرح رفع یدین کرتے تھے اور امام بخاریؒ کے نزدیک سجدوں کے رفع یدین کی حدیث محفوظ ہے۔

اور مولانا ندوی صاحب کے ان حوالوں میں اہم بات یہ ہے کہ غیر مقلدین جو اپنی دلیل میں ابن عمر رضی اللہ عنہ کی رفع یدین کی روایات بخاری اور مسلم سے پیش کرتے ہیں ان کے راوی سالمؒ اور خود ابن عمر رضی اللہ عنہ دونوں سجدوں میں رفع یدین کرتے تھے جن کے یہ غیر مقلدین منکر ہیں۔

میرا غیر مقلدین سے سوال ہے کہ وہ سجدوں کے اس رفع یدین کو کیوں نہیں کرتے جو امام بخاریؒ کے نزدیک بھی مستند ہے اور ابن عمر رضی اللہ عنہ اور رفع یدین کی احادیث کے مرکزی راویوں سے ثابت ہے؟؟؟

غیر مقلدین کا رفع یدین کو سنت مؤکدہ تسلیم کرنے سے انکار:

غیر مقلدین کے عالم سے کسی نے سوال کیا کہ رفع یدین سنت مؤکدہ ہے یا نہیں تو انہوں نے اس کا جواب میں رفع یدین کے سنت ہونے کی دلیل کی بجائے علامہ ابن قیمؒ کے حوالہ سے کہہ دیا کہ رفع یدین کرنے اور نہ کرنے والے پہ کوئی ملامت نہیں یہ سب اقسام صحابہ کرام رضی اللہ عنہم اجمعین سے ثابت ہے۔( فتاوی علمائے اہلحدیث، جلد 3 صفحہ 151،152)

اگر رفع یدین سنت ہوتا تو غیر مقلد عالم تسلیم کر لیتا کہ رفع یدین سنت ہے لیکن اس کا تسلیم نہ کرنا اس بات کو ثابت کرتا ہے کہ خود غیر مقلدین کو اس بات کا علم نہیں ہے کہ رفع یدین سنت ہے یا نہیں؟

یہی فتوی محدث فتاوی پہ بھی موجود ہے۔

موجودہ غیر مقلدین جو رفع یدین نہ کرنے والے پہ اعتراض کرتے ہیں ان سے گزارش ہے رفع یدین ترک کرنے والوں پہ کوئی ملامت نہیں اور ترک رفع یدین صحابہ کرام رضی اللہ عنہم سے ثابت ہے اس بات کو تو تمہارے اکابر علماء نے تسلیم کر لیا ہےلیکن تم خود پہلے رفع یدین کو سنت تو تسلیم کر لو احناف پہ ترک رفع یدین کا اعتراض بعد میں کرنا۔

http://www.urdufatwa.com/index.php?%2FKnowledgebase%2FArticle%2FView%2F3028%2F12%2F
غیر مقلد عالم عبدالمنان نور پوری سےکسی نے سوال کیا تھا کہ رفع یدین فرض ہے یا سنت تو جواب دیا گیا کہ '' فرض اور سنت کی وضاحت کسی حدیث میں نہیں آئی''( قران وحدیث کی روشنی میں احکام و مسائل،جلد1،ص179)

پس اہلحدیث کے اس فتوی سے ثابت ہوا کہ رفع یدین نہ فرض ہے اور نہ ہی سنت ورنہ جواب دیتے وقت بتا دیا جاتا کہ رفع یدین سنت ہے یا فرض۔
سوال یہ ہے کہ اگر فرض اور سنت کی وضاحت کسی حدیث میں نہیں آئی تو پھر غیر مقلدین کو کیا علم کہ نماز میں فرض کون سا ہے اور سنت کون سی؟؟؟
اگر رفع یدین نہ فرض ہے اور نہ سنت تو پھر رفع یدین ہے کیا؟؟؟؟
ترک رفع یدین پہ فتوی لگانے والے غیر مقلدو! پہلے خود تو فیصلہ کر لو کہ نماز میں رفع یدین کی کیا حیثیت ہے؟؟رفع یدین تمہارے نزدیک سنت ہے یا نہیں؟؟؟

یہی فتوی غیر مقلدین کی ویب سائٹ محدث فتاوی پہ بھی موجود ہے۔
٭٭٭

     

ردِّقادیانیت کورس ( قسط۔٣).

”سربکف “مجلہ۵(مارچ، اپریل ۲۰۱۶)
 منظور احمد چنیوٹی ﷫


حوالہ نمبر ۱﴾ ’’ اول تو یہ جاننا چاہیے کہ مسیح کے نزول کا عقیدہ کوئی ایسا عقیدہ نہیں ہے جو ہمارے ایمانیات کی کوئی جزو یا ہمارے دین کے رکنوں میں سے کوئی رکن ہو بلکہ صدہا پیش گوئیوں میں سے یہ ایک پیش گوئی ہے جس کو حقیقت اسلام سے کچھ بھی تعلق نہیں جس زمانہ تک یہ پیش گوئی بیان نہیں کی گئی تھی اس زمانہ تک اسلام کچھ ناقص نہیں تھا اور جب بیان کی گئی تو اس سے اسلام کچھ کامل نہیں ہوگیا۔‘‘ 
ازالہ اوہام ص۱۴۰، روحانی خزائن ص ۳ ص ۱۷۱
اس حوالہ سے چند امور واضح ہوئے :
۱۔عقیدہ نزول مسیح ؑ ہمارے ایمانیات کی جز نہیں ہے ۔
۲۔یہ مسئلہ دین کے ارکان میں سے کوئی رکن نہ ہے ۔
۳۔یہ ایک پیش گوئی ہے اس اس کاحقیقت اسلام سے کچھ بھی تعلق نہیں ۔
۴۔ اس کے بیان نہ کرنے سے اسلام ناقص نہیں ہوتا اور بیان کرنے سے کامل نہیں ہوتا۔
حوالہ ۲﴾ ’’ کل میں نے سنا تھا کہ ایک شخص نے کہا کہ اس فرقہ میں اور دوسرے لوگوں میں سوائے اس کے کچھ فرق نہیں کہ یہ لوگ وفات مسیح کے قائل ہیں اور وہ لوگ وفات مسیح کے قائل نہیں باقی سب عملی حالت مثلاً نماز، روزہ،اور زکوٰۃ اور حج وہی ہے سوسمجھنا چاہیے کہ یہ بات صحیح نہیں کہ میرا دنیا میں آنا صرف حیات مسیح کی غلطی کو دور کرنے کے واسطے ہے اگر مسلمانوں کے درمیان صرف یہی غلطی ہوتی تو اتنے کے واسطے ضرورت نہ تھی کہ ایک شخص خاص مبعوث کیا جاتا اور الگ جماعت بنائی جاتی اور ایک بڑا شور بپا کیا جاتا یہ غلطی دراصل آج نہیں پڑی بلکہ میں جانتا ہوں کہ آنحضرت ﷺ کے تھوڑے ہی عرصہ بعد یہ غلطی پھیل گئی تھی اور کئی خواص او راولیاء اور اہل اﷲ کا یہی خیال تھا اگر یہ کوئی ایسااہم امر ہوتا تو خدا تعالی اسی زمانہ میں اس کا ازالہ کردیتا۔‘‘
احمدی اور غیر احمد ی میں فرق ص۲ از مرزا غلام احمد قادیانی
اس حوالہ سے چند امور واضح ہوئے :
۱۔ حیا ت عیسیٰ ؑ کا عقیدہ آنحضرت کے تھوڑے ہی عرصہ بعد پھیل گیاتھا ۔
۲۔کئی خواص ، اولیاء ، اہل اﷲ کا یہی عقیدہ تھا ۔
۳۔یہ کوئی ایسا اہم امر نہیں ہے جس کاازالہ خدا تعالیٰ نے ضروری سمجھا ہو ۔
حوالہ نمبر ۳﴾ ’’ اور مسیح موعود کے ظہور سے پہلے اگر امت میں سے کسی نے خیال بھی کیا کہ حضرت عیسیٰ ؑ دوبارہ دنیا میں آئیں گے توان پر کوئی گناہ نہیں صرف اجتہادی خطا ہے جو اسرائیلی نبیوں سے بھی بعض پیش گوئیوں کے سمجھنے میں ہوتی رہی ہے ۔‘‘
حاشیہ حقیقت الوحی ص ۳۰، روحانی خزائن ج۲۲ ص ۳۲
اس حوالہ سے جو امور واضح ہوئے وہ یہ ہیں :
۱۔ نزول عیسیٰ ؑ کے معتقد پر کوئی گناہ نہیں ہے ۔
۲۔ یہ محض اجتہادی خطا ہے اور اس قسم کی خطا اسرائیلی نبیوں سے بھی ہوتی رہی ۔
حوالہ نمبر ۴﴾ ’’ ہماری یہ غرض ہر گز نہیں کہ مسیح علیہ السلام کی وفات و حیات پر جھگڑے اور مباحثے کرتے پھرو یہ ایک ادنیٰ سی بات ہے ۔‘‘
ملفوظات احمدیہ ج۲ص۷۲ جدید
اس حوالہ سے یہ واضح ہوا کہ :
۱۔مرزائیوں کی غرض یہ نہیں ہونی چاہیے کہ وفات و حیات مسیح پر مباحثے و جھگڑے کریں ۔
۲۔ یہ ایک ادنیٰ سی بات ہے 
سو ہم کہتے ہیں کہ جب یہ مسئلہ ہمارے ایمانیات کی جز نہیں ہے ،جب یہ دین کے رکنوں میں سے رکن نہیں ، جب اسلام کی حقیقت سے اس کا کچھ تعلق نہیں ، جب اس کے بیان کرنے یا نہ کرنے سے اسلام میں کچھ فرق نہیں پڑتا ، جب یہ مسئلہ آنحضرت ﷺ کے زمانہ کے بعد جلد ہی پھیل گیا تھا ، جب یہ عقیدہ خواص کا تھا ، اولیاء کا تھا، اہل اﷲ کاتھا ، اور جب یہ کوئی خاص امر نہیں ہے ، جب اس کا ازالہ خدا نے ضروری نہیں سمجھا ،جب اس کے عقیدہ رکھنے والے پر کوئی گناہ نہیں ، جب یہ محض اجتہادی غلطی ہے ، جب اس قسم کی خطائیں سابقہ انبیاء سے بھی ہوتی رہیں ، جب آپ کی غرض اس پر مباحثہ کرنے کی نہیں اور جب یہ ادنیٰ سی بات ہے تو اس مسئلہ پر بحث کرنے کی کوئی ضرورت و اہمیت باقی نہ رہی لہذا ہم سب سے پہلے مرزا کی سیرت و کردار پر بحث کریں گے جو انتہائی اہم اور ضروری ہے ۔
تعین موضوع نہایت اہم اور کٹھن معاملہ ہے مسلمان مناظر کی یہ خواہش ہوتی ہے کہ سیرت مرزا کا موضوع طے کیاجائے اور مرزائی مناظر کی یہ تمنا ہوتی ہے کہ حیات ووفات مسیح ، اجرائے نبوت جیسے موضوعات میں وقت ضائع کیا جائے ۔ اس لئے اس مرحلہ میں ہمارے مناظر کو انتہائی سمجھداری سے کام لینا چاہیے ۔ ہمارے مناظر کے اندر اتنی قوت ہونی چاہیے کہ وہ اپنا موضوع منوالے اگر کسی صورت میں بھی مرزائی مناظر یہ موضوع نہ مانے تو پھر بے شک مناظرہ نہ کرو ۔ تیسرا درجہ یہ ہے کہ اگران کاایک موضوع مانو ، تو اپنا بھی ایک موضوع منوا لو اگر ان کے دو موضوع مانو ، تو پھر اپنے بھی دو موضوع منوالویعنی 
”۱۔سیرت مرزا غلام احمد قادیانی
 ۲۔سیرت بشیر الدین محمود “
مرزائی حربہ :
مرزائی مناظر موضوع طے ہونے سے قبل ہی ہمارے مناظر کے سامنے چالاکی سے کوئی نہ کوئی آیت یا حدیث وفات مسیح پربطور دلیل پیش کر دیتے ہیں حالانکہ ابھی موضوع بحث طے نہیں ہوچکا ہوتا او رہمارا مناظر ان کی دلیل کو معمولی سمجھتے ہوئے اس کے پرخچے اڑانا شروع کردیتا ہے اور یوں خود بخود مرزائیوں کا من بھاتا موضوع وفات مسیح شروع ہوجا تا ہے۔ اس لیے ہمارے مناظرکو چاہیے کہ جب تک موضوع طے نہ ہو ،جواب نہ دے بلکہ یہی چالاکی اور یہی حربہ ان سے کرنا چاہیے کہ بات چیت کے دوران ہی مرزا کا کوئی جھوٹ کوئی بدمعاشی وغیرہ انتہائی رعب سے بیان کرنا چاہیے اور اس طرح دباؤ ڈالنا چاہیے کہ تمہارا نبی ایسا تھا اگرایسا نہ ہو تو گویا میں ہار گیا وغیرہ تو اس طرح کرنے سے مرزائی مناظر جب اس کا جواب دے گا تو خود بخود سیرت مرزا کا موضوع شروع ہوجائے گا اور میدان ان شا ء اﷲ آپ کے ہاتھ میں ہوگا۔
٭ایک اہم نکتہ 
اگر کوئی شخص حضرت عیسیٰ ؑ کو فوت شدہ مانے مگر مرزا کو نبی نہ مانے تو مرزائیوں کے نزدیک وہ پھر بھی کافر ہے معلوم ہوا اصل مدار مرزا کی ذات ہے اس لیے سب سے پہلے مرزا کی سیرت پر بحث ہونی چاہیے اسی طرح اگر کوئی شخص عیسیٰ ؑ کی وفات مانے اور نبوت کو بھی جاری مانے مگر مرزا کو نبی نہ مانے تب بھی وہ مرزائیوں کے نزدیک مسلمان نہیں معلوم ہوا کہ اصل مدار مرزاکی ذات ہے اسی لئے سب سے پہلے مرزا کی ذات و سیرت پر بحث ہوگی جیسا کہ بہائی فرقہ عیسیٰ علیہ السلام کی وفات کا بھی قائل ہے اور نبوت بھی جاری مانتا ہے مگر مرزائیوں کے نزدیک وہ پھر بھی کافرہے کیونکہ وہ مرزا کو نبی نہیں مانتا ۔ اس لیے معلوم ہوا کہ اصل محل نزاع مرزا کی ذات ہے اور اسی پر ہم بحث کرنا چاہتے ہیں ۔
﴿باب سوم ﴾
بحث اول 
صدق وکذب مرزا
مذکورہ بالاموضوع میں ہم مدعی ہوں گے مرزائی صاحبان اول تو اس موضوع کو تسلیم ہی نہیں کرتے اگر بامر مجبوری انہیں تسلیم کرنا پڑے تو وہ مدعی بن جاتے ہیں حالانکہ یہ اصول غلط ہے ، جو فریق جو موضوع پیش کرے اصولاً اس کو اس کا مدعی ہو نا چاہیے مرزا صاحب کی سیرت و کردار کا موضوع چونکہ ہماری طرف سے پیش ہوا ہے لہذا مدعی ہمیں ہونا چاہیے اور حیات ووفات کا موضوع عموماً مرزائیوں کی طرف سے پیش ہوتا ہے اور وہ اس پر مصر ہوتے ہیں لہذا وفات مسیح کے مسئلہ میں مدعی انہیں ہونا چاہیے ۔
﴿پہلی دلیل﴾ 
کذبات مرزا :
کذبات مرزا بیان کرنے سے قبل ان آیات کو بار بار دہرانا چاہیے :
’’لعنۃ اﷲ علی الکاذبین ، ومن اظلم ممن افتری علی اﷲ کذبا اوقال اوحی الی ولم یوح الیہ شیء‘‘ وغیرہ ،
نیز جھوٹ کے متعلق مرزا صاحب کے اپنے فتوے بھی بار بار بیان کرنے چاہیے۔
٭جھوٹ کے متعلق مرزا صاحب کے اپنے فتوے 
۱ ’’ جھوٹ بولنا مرتد ہونے سے کم نہیں ‘‘
ضمیمہ تحفہ گولڑویہ حاشیہ ص۲۰، روحانی خزائن ص ۵۶ ج ۱۷
۲ ’’ جھوٹ بولنے سے بد تر دنیا میں اور کوئی براکام نہیں ‘‘ 
تتمہ حقیقت الوحی ص ۲۶، روحانی خزائن ص۴۵۹ ج ۲۲
۳ ’’ تکلّف سے جھوٹ بولنا گوہپاخانہ کھانے کے مترادف ہے ‘‘ 
ضمیمہ انجام آتھم ص۵۹ ، روحانی خزائن ص۳۴۳ج۱۱ ، حقیقت الوحی ص۲۰۶ج ۲۲ص ۲۱۵
۴ ’’ جھوٹ کے مردار کو کسی طرح نہ چھوڑنا یہ کتو ں کا طریق ہے نہ انسانوں کا ۔‘‘
انجام آتھم مطبع قادیان ص ۴۰، روحانی خزائن ص ۴۳ج ۱۱
۵ ’ ’ ایسا آدمی جو ہر روز خدا پر جھوٹ بولتا ہے اور آپ ہی ایک بات تراشتا اور پھر کہتا ہے کہ یہ خدا کی طرف سے وحی ہے جو مجھ پر ہوئی ہے ایسا بد ذات انسان تو کتوں اور سوؤروں اور بندروں سے بد تر ہے ۔‘‘
براہین احمدیہ ج۵ ص ۱۲۶،۱۲۷۔ روحانی خزائن ج۲۱ ص۲۹۲
۶ ’’ وہ کنجر جو ولد الزنا کہلاتے ہیں وہ بھی جھوٹ بولتے ہوئے شرماتے ہیں ۔ ‘‘
شحنہ حق ص۶۰، روحانی خزائن ج۲ ص ۳۸۶
۷ ’’ جب ایک بات میں کوئی جھوٹا ثابت ہوجا ئے تو پھر دوسری باتوں میں بھی اس پر اعتبار نہیں رہتا ۔‘‘ چشمہ معرفت ص۲۲۲،روحانی خزائن ص۲۳۱ ج۲۳٭
(جاری ہے...) 

     

کیا آپ قادیانیوں کو پہنچان سکتے ہیں؟

”سربکف “مجلہ۵(مارچ، اپریل ۲۰۱۶)
مسلمانوں کے درمیان دھوکے سے چھپ کر رہنے والےاحمدی /لاہوری قادیانیوں کو پہچاننے کا آسان طریقہ
جاوید خان صافی﷾

دھیان رہے کہ 1974 کی پاکستانی آئینی ترمیم اور بعد ازاں 1984 کے امتناع قادیانیت قانونی ایکٹ کی شق 298 اے ، 298 بی اور 298 سی کے تحت قادیانی نہ صرف کافر ہیں بلکہ دھوکہ دے کر خود کو مسلمان ثابت کرنے کے لیے اگر "شعائر اسلام" کا استعمال کریں گےتو 3 سال قید کی سزا پاکستانی قانون میں موجود ہے۔
یہاں کچھ ایسی نشانیاں بیان کی جا رہی ہیں جو مسلمانوں کے بھیس میں چھپ کر رہنے والا قادیانی اکثر و بیشتر اختیار کرتا ہے۔
(1)مسلمانوں سےگپ شپ لگانے کے بہانے قادیانی اپنی شناخت کروائے بغیر بات مذھبی امور کی طرف لے جاتا ہے۔
اور یہ باور کروانے کی کوشش میں لگا رہتاہے کہ حضرت عیسٰی علیہ السلام کے متعلق مندرجہ ذیل عقائد رکھنا کفر،نیزاسلام اور قرآن کےخلاف بھی ہے۔۔۔
کہ اللہ نے ان کو آسمان پر زندہ اٹھا لیا ہے۔۔۔
اور کافر ان کو صلیب نہیں دے سکے۔۔۔
اور وہ قرب قیامت میں واپس آئیں گے۔۔۔
اور دجال کو قتل کریں گے۔۔۔
اور قادیانی یہ ثابت کرنے کی کوشش کرتا ہے کہ ان کو صلیب پر چڑھایا گیا لیکن وہ زخمی حالت میں فلسطین سے کشمیر ہجرت کر گئے وہاں 120 سال کی عمر میں ان کو موت آئی۔۔۔
اور صحیح احادیث میں جو مذکور ہے کہ قیامت سے قبل حضرت عیسٰی ابن مریم نے نازل ھونا ہے اس سے مراد یہ کے کہ اس امت میں سے ہی کسی مثیل عیسٰی نے پیدا ھو کر مسیح ابن مریم اور امام مہدی ھونے کا دعوٰی کرنا ہے اور قرآن میں جہاں حضرت عیسٰی ابن مریم کے متعلق "توٖفی" کا لفظ موجود ہے اس سے مراد ان کی موت ہے۔حالانکہ عربی بولنے اور جاننے والے یہ سمجھتے ہیں کہ توفی کا مطلب کسی چیز کو پورا پورا قبض کرنا یا "پورا پورا لے لینا" ھوتا ہے۔اور چو نکہ اللہ نے آپ علیہ السلام کی مکمل توفی کرلی یعنی جسم ، شعور اور روح سمیت آسمان پر اٹھا لیا اس لئے قرآن میں ان کی توفی کا بیان ہے اور احادیث میں ان کے قیامت سے قبل نزول کا بیان اس توفی کی تصدیق کرتا ہے۔
(2) علمائے دین سے شدید متنفر کرنے کی کوشش کرنا اور ان کو تمام برائیوں کی جڑ بتاتے ہوئے ملاں یا مولوی کے نام سے پکارتا ہے، فرقہ واریت اور کفر کے فتوؤں پر بات کرنے کے بہانے موضوع کو اقلیتوں کے خلاف ہونے والی کاروائیوں بشمول قادیانی جماعت جس کو یہ جماعت احمدیہ کہہ کر مخاطب کرتے ہیں ان کی طرف لے جاتا ہے اور یہ جتانے کی کوشش کرتا ہے کہ کیوں کہ مسلمانوں کے تمام فرقے ایک دوسرے کو کافر قرار دیتے ہیں ویسے ہی انہوں نے جماعت احمدیہ کو اپنے آپس کے اختلاف کے تحت کافر قرار دے دیا ۔ حالانکہ امت مسلمہ کے تمام مسالک بالاجماع ایک دوسرے کو کافر قرار نہیں دیتے اور فقہہ کے چاروں امام جو گزرے ہیں ، امام احمدبن حنبل ، امام شافعی ، امام مالک اور امام ابو حنیفہ ان میں سے کسی نے دوسرے فقہ کے ماننے والے کو کافر یا اسلام سے خارج قرار نہیں دیا.
اورعقیدہ ختم نبوت کے معاملے میں تمام امت مسلمہ کا اجماع موجود ہے ہمیشہ سے کہ آپ ﷺ کے بعد پیدا ہونے والا ہر مدعی نبوت اور اس کے پیروکار کافر اور اسلام سے خارج ہیں حتٰی کہ امام ابو حنیفہ رحمہ اللہ کا فتوٰی ہے کہ جس کسی نے آپ ﷺ کے بعد کسی مدعی نبوت سے اس کی صداقت کا ثبوت طلب کیا کسی تردد کے ساتھ تو وہ خود بھی اسلام سے خارج ہوجائے گا.

(3) قادیانی چاندی کی خاص قسم کی انگوٹھی پہنتے ہیں اکثر لاعلم مسلمانوں کے سامنے یا وہاں جہاں ان کو اس بات کا یقین ھو کہ کوئی ان کو پہچان نہیں پائے گا جس پر قرآن کی یہ آیت لکھی ہوتی ہے 
" أَلَيْسَ اللَّہ بِكَافٍ عَبْدَہ " 
جس کا ترجمہ ہے:کیا اللہ اپنے بندے کے لئے کافی نہیں ؟ 
یہ انگوٹھی مرزا قادیانی کی سنت کے طور پر پہنتے ہیں کیوں کہ مرزا قادیانی بھی ایسی انگوٹھی پہنا کرتا تھا.

(4) قادیانیوں میں ان کے خلیفہ کی تو مکمل داڑھی ھوتی ہے یہ دھوکہ دینے کے لئے کہ وہ شعائر اسلام کی مکمل پابندی کرتا ہے ورنہ قادیانی کیوں کہ مسلمانوں سے نفرت کرتے ہیں اس لئے ان کی کوشش ھوتی ہے کہ ہر اس ظاھری وضع قطع کے شعار اور نقل سے بچا جائے جسے ہمارے علمائے دین یا متقی مسلمان اپناتے ہیں. جیسے مکمل داڑھی ایک مٹھی بھر ، لیکن قادیانی آپ کو ۹۹ فی صد فرنچ کٹ داڑھی میں ملے گا یا پھر کلین شیو۔
اور ان کے ہاں غیر اعلانیہ حکم کے طور پر کوئی قادیانی جماعتی عہدے دار موجودہ خلیفہ سے لمبی اور گھنی داڑھی نہیں رکھ سکتا اس لئے کبھی سالانہ قادیانی جلسے کے موقع پر بھی ہزاروں قادیانیوں کے بیچ کوئی قادیانی اپنے خلیفہ جیسی،اس کے برابر یا اس سے لمبی داڑھی رکھے نظر نہیں آئے گا.
اگرآپ گوگل میں رومن اردو میں "جلسہ سالانہ جماعت احمدیہ" لکھ کر سرچ کریں گےتواس بات کی تصدیق ھوجائے گی.

(5) قادیانی کبھی مسلمانوں کی طرح مخصوص نماز والی گول ٹوپی نہیں پہنے گا وہ یا تو پٹھانوں کی مخصوص ٹوپی پہنے نظر آئیں گے یا سندھی ٹوپی یا جناح کیپ.
اس حوالے سے ایک ایسی بات جو کوئی قادیانی آپ کو نہیں بتائے گا وہ یہ ہے کہ قادیانی جماعت میں ان کے مرتبے یا رتبے کے لحاظ سے سر ڈھانپنے کا رواج ہے مردوں میں ان کا خلیفہ شملہ والی پگڑی پہنتا ہے اور اس کے علاوہ کسی قادیانی کو اس کی موجودگی میں پگڑی پہننے کی اجازت نہیں ہوتی.
خلیفہ کے بعد جو اس سے نچلے درجے کے عہدے دار ہیں وہ جناح کیپ کا استعمال کرتے ہیں پینٹ کوٹ یا شلوار قمیض و شیروانی کے ساتھ.
اور پھر ان سے نچلے عام قادیانی پٹھانوں کی مخصوص ٹوپی پہنتے ہیں یا پھر سندھی ٹوپی میں نظر آتے ہیں.

(6) قادیانی عورتوں کو پہچاننا تو اور بھی آسان ہے۔یہ بھی اپنے قادیانی مردوں کی طرح مسلمان عورتوں کی ضد میں ڈھیلے ڈھالے برقع کے بجائے عمومی طور پر ٹائٹ برقع پہنتی ہیں جس کی کمر پر اکثر بیلٹ بھی لگی ھوتی ہےتاکہ برقع کی فٹنگ اچھی آئے ( ویسے وہ بیلٹ کھولتے ہوئے کافی پریشانی کا سامنا ہوتا ہے) اس کے علاوہ ان کےبرقع میں ایک لمبی چاک بھی ہو تی ہےاور ان کے نقاب کا طریقہ بھی نرالا ھوتا ہے جس میں نقاب ناک کے نیچے رکھا ہوتا ہے ہونٹوں کے اوپر ڈھلکا ہوا جس سے سوائے لب و رخسار کے سب نظر آتا ہے جو کہ 
”صاف چھپتے بھی نہیں، سامنے آتے بھی نہیں!“
کے مصداق مسلمان مردوں کو لبھانے کے لئے ایک حربے کے طور پر استعمال کیا جاتا ہے۔

(7) قادیانیوں کا ٹی وی چینل ایم ٹی اے (مسلم ٹی وی احمدیہ ) کے نام سے سیٹیلائٹ سے 24 گھنٹے نشر ہوتا ہے جس پر یہ اپنے مذموم کفریہ عقیدے کی کھلم کھلا تبلیغ کرتے ہیں اور دجل پر مبنی تعلیم کو "اسلام احمدیت" یعنی احمدیت ہی اصل اسلام ہے کے نعرے کے ساتھ پیش کرتے ہیں.
قادیانیوں کی ایک نشانی یہ بھی ہے کہ آج کے اس دور میں جب کیبل ٹی وی عام ہے اور ڈش اینٹینا کا استعمال پاکستان میں عام گھریلو صارفین کے لئے متروک و معدوم ہوچلا ہے لیکن اس کے باوجود قادیانی ایم ٹی اے چینل دیکھنے کی غرض سے اپنے گھروں پر ڈش اینٹینا لگاتے ہیں اور جن مسلمانوں پر یہ اپنے دجل و فریب کی طبع آزمائی کرتے ہیں ان کو اکثر تبلیغ کی نیت سے اپنا یہ ٹی وی چینل اپنے گھر یا علاقے کے قادیانی مرکز میں بلا کر دکھانے کی کوشش کرتے ھیں.
قادیانیوں کا مشھور چینل "مینارةالمسیح"ہے جو کہ قادیان انڈیا میں ہے۔
اس مینارہ کو یہ اپنے ٹی وی چینل پر مسلمانوں کے مقابلے میں خانہ کعبہ اور مسجد نبوی کی جگہ دکھا کر اس کو مشتھر کرتے ہیں۔ 

(8) سب سے اہم نشانی یہ کہ قادیانی ناموں کے آغاز میں آپ کو محمد لگا نظر نہیں آئے گا اور نہ ہی کوئی پیدائشی قادیانی آپ کو اس طرح کا خالص اسلامی نام رکہے نظر آئے گا جیسے کہ عبداللہ ، مصطفٰی ، عبدالرشید ، عبدالقیوم ، جب کہ ان کے ناموں کے اختتام میں احمد لگا ھوا پایا جاتا ہے جو مرزا قادیانی کے نام کا بھی حصہ تھا اور قادیانی قرآن میں بیان ہونے والے آقا ﷺ کے مخصوص نام احمد سے مراد مرزا قادیانی کی ذات ہی لیتے ہیں معاذ اللہ۔

(9)یاد رہے کہ پاکستان اور دنیا بھر میں پائے جانے والے زیادہ تر قادیانی پنجابی زبان بولنے والے گھرانوں سے تعلق رکھتے ہیں کیوں کہ مرزا قادیانی کا تعلق بھی تقسیم ہندوستان سے قبل قادیان ضلع "گورداسپور" پنجاب سے تھا اس لئے ان کی تبلیغ کا زیادہ اور مرکزی دائرہ اثر بھی تقسیم سے قبل اور بعد میں بھی پنجاب ہی رہا جہاں موجود سادہ لوح دیہاتی ملنسار ماحول میں ان کے فتنے کی آبیاری ہو سکے اور آج بھی یہ سلسلہ جاری ہے نسل در نسل.
یہ کچھ نشانیاں لکھ دی ہیں قادیانیوں کی امید ہے پڑھنے والے اس کو ضرور یاد رکھیں گے اور آگے بھی ضرورشئیر کریں گے تاکہ مسلمان اس قادیانی فتنے سے محفوظ رھیں اور اپنا ایمان سلامت رکھیں ۔

     

آخری نبی کا پہلاخلیفہ سیدنا ابو بکر صدیق رضی اللہ عنہ

 ”سربکف “مجلہ۵(مارچ، اپریل ۲۰۱۶)
مولانا محمد الیاس گھمن﷾

جب سے دنیا بنی ہے کائنات میں اتنی بڑی آزمائش نہیں آئی جتنی نبی الانبیاء، امام الانبیاء ، فخر الانبیاء ، سید الانبیاء ، خاتم الانبیاء کی وفات کے دن پیش آئی ۔ ارض و فلک دم بخود ، آفتاب و ماہتاب اشکبار، حجر و شجر ساکت ، جن و انس مضطرب ، مدینہ طیبہ کے درو دیوار سے حزن و ملال کی آہیں ، اہل اسلام کا وہ کون سا فرد ہے جو حسرت و یاس کے عالم میں معطل حواس کے ساتھ رنجیدہ خاطر نہ ہو کہ کائنات کے ہادی اعظم اورمحسن اعظم نے پردہ فرما لیا، یعنی اللہ کے آخری نبی ، رسول اور پیغامبررفاقت اعلی کے عہد کی پاسداری کے لیے لبیک کہہ کراس جہان سےکوچ فرما گئے ۔ اللہ کے آخری نمائندے نے اپنے پہلے نمائندے کو اپنا اثاثہ ،اپنا سرمایہ اور اپنی امت سپرد کر دی ۔ 
بیت اللہ کو بسانے والے نبی کے اہل بیت جاں بلب ہیں ،صحابہ کرام رنج و گریہ کے عالم میں جدائی محبوب سے زمین میں گڑے جا رہے ہیں ،سوگوار فضاء میں اسلام ، اہل اسلام ، اسلامی ریاست اور حالات کو سنبھالتے ہوئے افضل البشر بعد الانبیاء کی ایمان افروز ، تسلی بخش اور مبنی بر حقیقت صدا گونجی:
لا یذیقک اللہ الموتتین ابدا 
آپ پر جو ایک موت  آنی تھی سو وہ آگئی۔ اب دوبارہ (قبر میں) آپ کو کبھی موت نہیں آئے گی ۔ بلکہ حیات ہی حیات حاصل رہے گی ۔گویا ان الفاظ سے امت کو یہ تسلی دی کہ ہمارا اور نبوت کا رشتہ بالکلیہ ختم نہیں ہوا بلکہ آپ کی رحمت اور گناہگاروں کے لیے استغفاراور دعاوالاسلسلہ جوں کا توں قیامت تک باقی رہے گا ۔
 اور اس کےبعدمحبوب کل جہاں کے رخ حسین تر ؛کی پیشانی مبارک سےحق و صداقت کے اعلان و اظہار کے لیے اپنے لبوں سے خیرات حاصل کی۔ پرنم بوجھل پلکوں اورفراق یار سے معموربوجھل سینے سے امت کی رہنمائی کے بوجھ کو اٹھانے کا عہد کیا ۔یہ عہد کرنے والے رسول اللہ کے پہلے خلیفہ ، امیر المومنین سیدنا ابو بکر صدیق ہیں ۔
 آپ صلی اللہ علیہ وسلم اپنی امت کو جس مقام پر چھوڑ کر گئے تھے اس مقام سے آپ نے آگے کا سفر شروع کیا ۔ آپ کی زندگی حیات نبوت کی پرتو تھی ،علم و عمل ، تقویٰ وللہیت ،طور طریقے ، عادات و اخلاق، سلوک و احسان ، ماہ وسال ، سفر و حضر،نشیب وفراز ، مدو جزر ،مصائب وآسائش، جنگ و امن ،الغرض ہر شعبہ زندگی میں رسول اللہ صلی اللہ علیہ وسلم کی مرصع نگاری کے انمول شاہکار اور کمالات نبوت کے آئینہ دارتھے ۔
ولادت :
آپ کی ولادت واقعہ فیل سے تین سال بعد 573ء میں ہوئی ۔نبی کریم صلی اللہ علیہ وسلم سے آپ دو سال چند ماہ چھوٹے ہیں ۔
نام مبارک اورنسب:
امام زرقانی نے شرح المواہب میں لکھا ہے کہ زمانہ جاہلیت میں حضرت سیدنا ابوبکر صدیق رضی اللہ عنہ کا نام عبد رب الکعبہ تھا ۔ امام قرطبی کے بقول حضرت رسول اللہ صلی اللہ علیہ وسلم نے آپ کا نام عبداللہ تجویز فرمایا۔
تاریخ کی کتب میں مذکور ہے کہ آپ کے والد ماجد ابوقحافہ کانام "عثمان" تھا ،جن کا تعلق بنوتیم قبیلہ سے تھا اور نسب مبارک اس طرح ہے۔ 
ابوقحافہ عثمان بن عامر بن عمر بن کعب بن سعد بن مره بن کعب بن لوی بن غالب بن فہر القرشی التيمی۔
جبکہ آپ کی والدہٴ ماجدہ کا نام "ام الخیر سلمی" تھا ، ان کا نسب مبار ک اس طرح ہے ۔
 سلمیٰ بنت صخر بن عمر وبن کعب بن سعد بن تيم ۔
کنیت:
کنیت ابوبکر ہے ۔ جس کے معنی سبقت کرنے ،پہل کرنے والے کے ہوتے ہیں۔  چنانچہ آپ ہر خیر کے کام میں سبقت فرمایا کرتے۔ مردوں میں سب سے پہلے اسلام قبول فرمایا ، دین اسلام کی اشاعت میں سب سے پہلے اپنا مال خرچ کرنے کی سعادت حاصل کی۔
عتیق و صدیق:
یہ دو آپ کے القاب ہیں۔ امام ترمذی نے اپنی سنن میں ام المومنین سیدہ عائشہ صدیقہ کی ایک روایت ذکر کی ہے کہ حضرت ابوبکر صدیق رضی اللہ عنہ حضرت رسول اللہ صلی اللہ علیہ وسلم کی خدمت اقد س میں حاضر ہوئے تو حضور اکرم صلی اللہ علیہ وسلم نے ارشاد فرمایا: 
”تم من جانب اللہ جہنم کی آگ سے آزاد (محفوظ) ہو۔“  اسی دن سے آپ کو عتیق کہا جانے لگا ۔
امام حاکم مستدرک علی الصحیحین میں ایک روایت نقل فرماتے ہیں کہ شب معراج کے اگلے دن مشرکین مکہ حضرت ابوبکر کے پاس آئے اور کہا ، اپنے صاحب کی اب بھی تصدیق کروگے ؟ انہوں نے دعوٰی کیا ہے"راتوں رات بیت المقدس کی سیر کرآتے ہیں"
ابوبکر صدیق نے کہا:"بیشک آپ نے سچ فرمایا ہے ، میں تو صبح وشام اس سے بھی اہم امور کی تصدیق کرتا ہوں"۔ اس واقعہ سے آپ کا لقب صدیق مشہور ہوگیا۔
حلیہ مبارک :
تاریخ کی کتب میں آپ رضی اللہ عنہ کے حلیہ مبارک کچھ اس طرح منظر کشی کی گئی ہے کہ آپ کا رنگ سفید ، رخسار ہلکے ہلکے ، چہرہ باریک اور پتلا ، پیشانی بلند ۔
بچپن :
ارشاد الساری اور مرقاۃمیں ہے کہ حضرت ابوہریرہ رضی اللہ عنہ سے روایت ہے کہ نبی کریم صلی اللہ علیہ وسلم کے پاس مہاجرین و انصار صحابہ کرام رضی اللہ عنہم تشریف فرماتھے تو سیدنا ابو بکر صدیق رضی اللہ عنہ نے اپنے بچپن کا واقعہ سناتے ہوئے فرمانے لگے کہ یارسول اللہ ! میرےوالدزمانہ جاہلیت میں مجھےصنم کدےلے گئے اور بتوں کی طرف اشارہ کرتے ہوئے مجھ سے کہا یہ تمہارے خدا ہیں انہیں سجدہ کر۔ وہ تو یہ کہہ کر باہر چلے گئے۔ تو میں نے نے بتوں کو عاجز ثابت کرنے کےلیے کہا میں بھوکا ہوں مجھے کھانا دے ۔وہ کچھ نہ بولا ۔فرمایا :میں ننگا ہوں مجھے کپڑا پہنا ۔وہ کچھ نہ بولا ۔صدیق اکبر رضی اللہ عنہ نے پتھر ہاتھ میں لیکر فرمایا میں تجھ پر پتھر مارتا ہوں اگر تو خدا ہے تو اپنے آپ کو بچا ۔وہ پھر بھی کچھ نہ بولا تو آخر کار میں پوری قوت سے اس کو پتھر مارا تو وہ منہ کے بل گر پڑا ۔ عین اسی وقت میرے والد واپس آئے۔یہ ماجرا دیکھ کر فرمایا کہ یہ کیا کیا؟ میں نے کہا وہی جو آپ نے دیکھا ۔ وہ مجھے میری والدہ کے پاس لیکر آئے اور سارا واقعہ ان سے بیان کیا ۔انہوں نے فرمایا اس بچے سے کچھ نہ کہو کہ جس رات یہ پیدا ہوئے میرے پاس کوئی نہ تھا میں نے ایک آواز سنی کوئی کہنے والا کہہ رہا تھا: اے اللہ کی بندی! تجھے خوشخبری ہو اس آزاد بچے کی جس کا نام آسمانوں میں صدیق ہے اور جو محمد صلی اللہ علیہ وسلم کا دوست ہے ۔
آپ کے بچپن سے متعلق تاریخ الخلفاء میں ہے کہ ایک بار صحابہ کرام میں سے کسی نے حضرت ابو بکر صدیق رضی اللہ عنہ سے دریافت کیا کہ کیا آپ نے جاہلیت میں شراب پی ہے ۔آپ نے فرمایا خدا کی پناہ میں نے کبھی شراب نہیں پی ۔لوگوں نے کہا کیوں؟فرمایا میں اپنی عزت و آبرو کو بچاتا تھا اور مروت کی حفاظت کرتا تھا ۔اس لئے کہ جو شخص شراب پیتا ہے اس کی عزت و ناموس اور مروت جاتی رہتی ہے ۔جب اس بات کی خبر حضوررحمت عالم صلی اللہ علیہ وسلم کو پہنچی تو آپ نے دوبار فرمایا سچ کہا ابو بکر نے سچ کہا ۔
مبارک خواب :
سیرت حلبیہ میں ہے کہ آپ رضی اللہ عنہ بغرض تجارت شام تشریف لے گئے وہاں آپ کی ملاقات بحیرا راہب سے بھی ہوئی وہ خوابوں کی تعبیر بتلایا کرتے تھے ۔ ان سے اپنا خواب ذکر کیا کہ میں نے خواب دیکھا کہ مکہ میں کعبۃ اللہ کی چھت پر چاند اترا ہے اور اس کی روشنی سارے گھروں میں پھیل گئی ہے پھر وہ روشنی میری گود میں آگئی ہے ۔ تو بحیرا راہب نے تعبیر دیتے ہوئے کہا کہ تو اس نبی کی تابعداری کرے گا جس کی اس زمانے میں انتظار کی جا رہی ہے اور اس کے ظہور کا زمانہ بہت قریب آچکا ہے تو اس نبی کے قرب کی وجہ سے لوگوں میں سب سے زیادہ سعادت مند ہوگا ۔
نوٹ : امام محمد بن سیرین رحمہ اللہ کہتے ہیں کہ سیدنا صدیق اکبررضی اللہ عنہ خود بھی خواب کی تعبیر دینے میں اپنی مثال نہیں رکھتے تھے اور اسی طرح علم الانساب میں بھی آپ کا کوئی ثانی نہیں تھا ۔
ایمان :
خصائص الکبریٰ اور ریاض النضرہ میں ہے کہ سیدنا صدیق اکبر رضی اللہ عنہ نے شام میں خواب دیکھا ۔اس کی تعبیر بحیرا راہب سے پوچھی تو اس نے کہا کہ تیری قوم میں ایک نبی مبعوث ہوگا تو اس کی زندگی میں اس کا وزیر ہوگا اور اس کی وفات کےبعد اس کا خلیفہ ہوگا ۔ سیدنا صدیق اکبر رضی اللہ عنہ نے اس بات کو اپنے دل میں چھپائے رکھا پھر جب آپ صلی اللہ علیہ وسلم نے اعلان نبوت فرمایا تو سیدنا ابو بکر رضی اللہ عنہ نے اللہ کے نبی سے اس پر دلیل مانگی ۔ آپ صلی اللہ علیہ وسلم نے جواب دیا کہ اس کی دلیل وہ خواب ہے جو تو نے شام میں دیکھا تھا ۔چنانچہ سیدنا صدیق اکبر رضی اللہ عنہ نے آپ صلی اللہ علیہ وسلم کی پیشانی مبارک پر بوسہ دیا۔
مقام نگاہ نبوت میں :
آپ کا مقام نگاہ نبوت میں بہت بلند تھاحضور نبی کریم صلی اللہ علیہ وآلہ وسلم نے فرمایا : کوئی چیز ایسی اللہ تعالی نے میرے سینہ میں نہیں ڈالی جس کو میں نے ابو بکر کے سینہ میں نہ ڈال دیا ہو۔
صحیح مسلم میں ہےآپ صلی اللہ علیہ وسلم نے ارشاد فر مایا ”وہ کون شخص ہے جس نے آج روزہ رکھ کر صبح کی ہو ؟“
ابو بکر رضی اللہ تعالیٰ عنہ نے عرض کیا ”میں نے “
 آپ صلی اللہ علیہ وسلم نے فر مایا ”وہ کون ہے جو آج جنازہ کے ساتھ گیا ہو ؟ “
حضرت ابو بکر رضی اللہ تعالیٰ عنہ نے عرض کیا”میں ! “
آپ صلی اللہ علیہ وسلم نے فر مایا !”وہ کون ہے جس نے آج مسکین کو کھا نا کھلا کر تسکین دی ہو ؟“
 ابو بکر رضی اللہ تعالیٰ عنہ نے عرض کیا کہ ”میں نے !“
آپ صلی اللہ علیہ وسلم نے ارشاد فر مایا ،” وہ کون آدمی ہے جس نے آج کسی بیمار کی خبر گیری کی ہو ؟ “
ابو بکر صدیق رضی اللہ تعالیٰ عنہ نے عرض کیا ،” میں نے !“
آپ صلی اللہ علیہ وسلم نے فر مایا ، ”یہ کام اُسی آدمی میں جمع ہوتے ہیں جو جنت میں جائے گا۔“
نوٹ : آپ کے مقام و مرتبہ پر کافی آیات و احادیث موجود ہیں ۔
صحبت و معیت:
قبول اسلام سے پہلے بھی سیدنا صدیق اکبر رضی اللہ عنہ کے نبی کریم صلی اللہ علیہ وسلم کے ساتھ بہت عمدہ تعلقات تھے اور قبول اسلام کے بعد تو ساری زندگی آپ سے لمحہ بھر کے لیے جدا نہ ہوئے ۔ یہاں تک کہ آج تک روضہ مبارکہ میں آپ کے پہلو میں ساتھ نبھا رہے ہیں ۔
ہجرت :
سیرت کی تمام معتبر کتابوں میں ہجرت کا واقعہ تفصیل کے ساتھ موجود ہے مختصرا یہ کہ آپ صلی اللہ علیہ وسلم مکہ میں اللہ کے دین کی دعوت دیتے رہے بعض خوش نصیب افراد نے آپ کی دعوت پر لبیک کہا اور اسلام قبول کر لیا لیکن اکثر اپنی سرکشیوں کی وجہ سے آپ کو اور آپ کے رفقاء کار کو طرح طرح کی تکالیف دیتے چنانچہ اللہ کی طرف سے ہجرت کا حکم نازل ہوا ۔ چنانچہ آپ صلی اللہ علیہ وسلم اس پر خطر سفر میں اپنے رفیق سفر کا جب انتخاب فرماتے ہیں تو آپ کی نگاہ سیدنا صدیق اکبر پر جا کر ٹھہرتی ہے ۔ اسی سفر میں وہ واقعہ بھی پیش آیا کہ نبی کریم صلی اللہ علیہ وسلم سیدنا صدیق اکبر رضی اللہ عنہ کے کندھوں پر سوار ہو گئے اور چنانچہ سیدنا صدیق اکبر رضی اللہ عنہ آپ صلی اللہ علیہ وسلم کو اٹھا کر غار ثور تک پہنچے ۔ غار کی صفائی کی، آپ تین دن تک وہاں رہے ۔ آپ کی بیٹی روزانہ لوگوں کی نظروں سے بچ بچا کر آپ کےلیے کھاناپہنچاتیں۔ دشمن آپ کی تلاش میں پیچھے پیچھے غار تک پہنچ گیا ۔ یہاں تک کے اس کے قدم بھی دکھائے دینے لگے ۔ سیدنا صدیق اکبر رضی اللہ عنہ کو نبی کریم کے بارے میں خوف ہوا تو تسلی کے لیے قرآن کی آیات نازل ہوئیں مزید سیدنا صدیق اکبر کی صحابیت کا اعزاز بھی اپنے سینے پر تاقیامت نقش کردیا ۔اس غار میں وہ سانپ کے ڈسنے والا واقعہ بھی پیش آیا۔ جس کے بعد نبی کریم صلی اللہ علیہ وسلم نے اپنا لعاب دہن سیدنا صدیق اکبر کی ایڑھی پر لگایا ۔
خلافت :
سیرت حلبیہ اور دیگر کتب سیرت میں موجود ہے کہ امام محمد بن ادریس شافعی رحمہ اللہ فرماتے ہیں :
” تمام صحابہ کرام رضوان اللہ علیہم اجمعین نے حضرت ابو بکر رضی اللہ عنہ کی خلافت پر اس لیے اتفاق کر لیا تھا کہ اس آسمان کے نیچے ابو بکر سے بہتر اور کوئی شخص نہیں تھا۔“
امام شاہ ولی اللہ محد ث دہلوی رحمہ اللہ نے اپنی معروف کتا ب ”ازالۃ الخفاء “ میں خلافت کے مفہوم پرنہایت ہی عمدہ اور لطیف بحث کی ہے۔جس کا خلاصہ یہ ہے:
” حضرت سرور ِ عالم صلی اللہ علیہ وسلم کی رسالت عام تھی اور آپ تمام بنی نوع انسان کی ہدایت کے واسطے مبعوث ہوئے  تھے بعد بعثت آپ نے جن امور کا اہتمام کوشش بلیغ کے ساتھ فرمایا…تمام کوششوں کا مرجع اقامت دین تھی … علوم دین کا احیاء (قائم رکھنا اور رائج کرنا ) علوم ِ دین سے مراد ہے قرآن و سنت کی تعلیم اور وعظ و نصیحت ، ارکانِ اسلام نماز ، روزہ ، حج وغیرہ کا قیام و استحکام ، لشکر کا تقرر غزوات کا اہتمام ، مقد مات کا انفصال ، قاضیوں کا تقرر ، امر با لمعروف ( عمدہ افعال و اوصاف کا حکم دینا اور ان کو رائج کر نا ) و نہی عن المنکر ( بری باتوں کو روکنا اور ان کا انسداد کر نا ) جو حکام ِ نائب مقرر ہوں ان کی نگرانی کہ پا بند ِ حکم رہیں اور خلاف ورزی احکام نہ کریں ان جملہ امور کا اہتمام رسول اللہ صلی اللہ علیہ وسلم نے بہ نفس ِ نفیس فر ما یا اور ان کے انصرام کے واسطے نا ئب بھی مقرر ہوئے وعظ و نصیحت فر مائی ، صحابہ کو ممالک میں وعظ و نصیحت کے واسطے بھیجا ،جمعہ و عیدین و پنج وقتہ نماز کی امامت خود فر مائی ، دوسرے مقامات کے واسطے امام مقرر کیے ، وصول زکوٰة کے واسطے عامل ما مور کیے، وصول شدہ اموال کو مصارف مقررہ میں صرف کیا ،رویت ہلال کی شہادت آپ کے حضور میں پیش ہوئی اور بعد ثبوت روزہ رکھنے یا عید کرنے کا حکم صادر ہو تا ، حج کا اہتمام بعض اوقات خود فر مایا بعض اوقات نائب مقرر کیے جس طرح 9ہجری میں حضرت ابو بکر صدیق کو امیر حج مقرر کر کے بھیجا ، غزوات کی سپہ سا لاری خود کی نیز اُمراء نائب سے یہ کام لیا گیا مقد مات و معاملات کے فیصلے کیے گئے قاضیوں کا تقرر عمل میں آیا۔وغیرہ گویا خدائی احکامات کو نبوی منہج کے مطابق نافذ کرنے کا نام خلافت ہے ۔“
خاندان نبی کا خیال :
خلیفہ منتخب ہونے کے بعد آپ رضی اللہ عنہ نے نبی کریم صلی اللہ علیہ وسلم کے خاندان کا بہت زیادہ خیال فرمایا ۔ ان کی تمام معاشی و معاشرتی ضروریات کو پورا کیا ۔یہ ایسی عظیم الشان حقیقت ہے کہ تاریخ اسلام پر لکھی جانے والی تمام معتبر کتب اس بات پر گواہ ہیں ۔
خلافت کے بعد ابتدائی خطبہ:
امام ابن سعد نے طبقات اور امام ابن کثیر نے البدایہ والنہایہ میں لکھا ہے کہ نبی کریم صلی اللہ علیہ وسلم کی تجہیز و تکفین و تدفین سے فارغ ہونے کے بعد دوسرے دن سیدنا صدیق اکبر رضی اللہ عنہ کے ہاتھ پر بیعت عام ہوئی ۔ اس موقع پر آپ رضی اللہ عنہ نے ایک شاندار فقید المثال خطبہ دیا :
”حمد وثنا کے بعد فرمایا: لوگو!میں آپ لوگوں پر ولی منتخب کیا گیا ہوں حالانکہ میں تم سے بہترین نہیں ہوں ۔ اگر میں اچھی بات کروں تو تم میرا ساتھ دینا اگر میں خطا کروں تو میری غلطی درست کرا دینا۔ سچائی ایک امانت ہے اور جھوٹ خیانت۔ تم میں جو کمزور ہے وہ میرے نزدیک قوی ہے میں اس کا حق ضرور دلوائوں گا۔ اور جو تم میں سے قوی ہے میرے ہاں کمزور ہے میں اس سے پورا حق وصول کر وں گا۔ جو قوم بھی اللہ کی راہ میں جہاد کرنا ترک کر دیتی ہے اس پر اللہ تعالیٰ ذلت و رسوائی ڈال دیتے ہیں اور جو قوم علانیہ برائیوں میں مبتلا ہو جاتی ہے اللہ تعالی ان پر مصائب و تکالیف مسلط کر دیتے ہیں ۔ جب تک میں اللہ اور اس کے رسول کی تابعداری کروں تم میری بات ماننا اور جب میں خدا اور رسول کی نافرمانی کروں تو تم پر میری اطاعت واجب نہیں اللہ تم پر رحم فرمائے اب نماز کا وقت ہو گیا ہے ۔“
ریاستی ذمہ داریاں:
تمام تاریخ نویسوں کا اس بات پر اتفاق ہے کہ حضر ت سیدنا صدیق اکبر رضی اللہ عنہ نے خلیفہ منتخب ہونے کے بعد ریاستی ذمہ داریوں کو بخوبی نبھایا ۔امن و آشتی ، عدل و انصاف ،خوشحالی و ترقی گھر گھر تک پہنچائیں،معیشت کو مستحکم کرنے کے لیے اقدامات کیے اور مدینہ منورہ کے ریاستی انتظامات جیسے عہد نبوی میں چلے آ رہے تھے ان کو بحال رکھا۔
نمایاں کارنامے :
سیدنا صدیق اکبر رضی اللہ عنہ کے بے شمار کارنامے ایسے ہیں جن پر دنیا رہتی دنیا تک ناز کرے گی ۔ حالانکہ آپ صلی اللہ علیہ وسلم کی وفات کے بعد مختلف ایسے فتنے رونما ہوئے جو اسلام کو جڑ سے اکھاڑ پھینکنے کے لیے اپنی توانیاں صرف کر رہے تھے ۔ ان میں مدعیان نبوت کا فتنہ سر فہرست ہے ۔یمن میں اسود عنسی ، یمامہ میں مسیلمہ کذاب ، جزیرہ میں سجاح دختر حارث ، بنو اسد و بنو طی میں طُلیحہ اسدی نے نبوت کے دعویٰ داغ دیے ۔ختم نبوت کوئی معمولی مسئلہ نہ تھا کہ جس کے لیے مصلحت اختیار کر لی جاتی ۔ بلکہ یہ تو اسلام کے اساسی و بنیادی عقائد میں شامل ہے ۔ اس لیے اس فتنے کے خلاف سیدنا صدیق اکبر نے اپنی تمام تر صلاحیتیں بروئے کار لائیں اور لشکر اسلامی کو بھیج کر ان کا قلعہ قمع کیا۔
فتنہ مانعین زکوٰۃ نے سر اٹھایا اور کہا کہ ہم سے زکوٰۃ وصول کرنے کا اختیار صرف رسول پاک تو تھا آپ کو نہیں ۔ آپ نے اس فتنے کا پوری قوت اور جوانمردی سے مقابلہ کیا اور برملا فرمایا کہ جو عہد نبوی میں زکوٰۃ دیتا تھا اور اب اگر اس کے حصے میں اونٹ کی ایک رسی بھی زکوٰۃ کی بنتی ہے وہ نہیں دیتا تو میں اس سے قتال کروں گا۔
اس کے بعد ہر سو کفار کی طرف سے جنگوں کی ابتداء ہوئی ۔ عراق میں آپ نے سیدنا خالد بن ولید کےتحت لشکر روانہ کیا ۔ عراق کے بہت سے مضافات آپ نے فتح کیے ۔ خورنق ، سدیر اور نجف کے لوگوں سے مقابلہ ہوا ۔ بوازیج ، کلواذی کے باشندوں نے مغلوبانہ صلح کی ۔ اہل انبار سےکامیاب معرکہ لڑا گیا ، عین التمر میں اسلام کو غلبہ ملا ، دومۃ الجندل میں اہل اسلام کامیاب ہوئے ، اس کے بعد حمید، فضیع اور فراض پر اسلامی لشکر فتح و نصرت کے پھریرے لہراتے گئے ۔لشکر صدیقی نے شام میں رومیوں کو ناکوں چنے چبوائے۔
جمع قرآن کی خدمت بھی آپ کے مبارک دور کی یادگار ہے ۔ قیامت کی صبح تک آنے والے ہرشخص پر آپ رضی اللہ عنہ کا احسان موجود ہے جتنے بھی لوگ قرآن پڑھتے رہے پڑھ رہے ہیں یا آئندہ پڑھیں گے ان کے ثواب میں سیدنا صدیق اکبر برابر کے شریک ہیں ۔ اس کے ساتھ ساتھ تصوف یعنی سلوک و احسان کے سلسلہ نقشبندیہ میں آپ کی حیثیت بہت قابل قدر ہے ۔آپ کی علمی خدمات بھی موجود ہیں چنانچہ ایک قول کے مطابق ایک سوبیا لیس حدیثیں بہ روایت حضرت ابو بکر صدیق مر وی ہیں۔ جن کو امام جلال الدین سیو طی نے ”تاریخ الخلفاء “ میں ایک جگہ جمع کر دیا ہے ،اُمت کو فقہی معاملات میں جو مشکلات در پیش تھیں آپ نے اُ ن کا حل تجویز کیا مثلاََمیراث جدہ، میراث جد ، تفسیر ِ کلالہ ، حد شرب خمر۔وغیرہ ۔
وفات :
بالآخر وہ وعدہ وفا ہونے کا وقت آ پہنچا کہ ہر ذی روح موت کا پیالہ ضرور پیے گا چنانچہ رسول اللہ صلی اللہ علیہ وسلم کا یہ پہلا جانثار و فادار صحابی اور پہلا خلیفہ۱۳ ہجری جمادی الثانی کے ساتویں دن بیمار ہوئے اور ۱۵ دن علیل رہ کر ۲۲ جمادی الثانی مغرب اور عشاء کی درمیان فراق یار کو خیر باد کہہ کر وصال یار کے لیے عازم سفر ہوئے۔ انا للہ وانا الیہ راجعون .
وصیت اور تدفین:
الشریعہ میں امام آجری رحمہ اللہ نے نقل کیا ہے کہ حضرت سیدنا صدیق اکبر رضی اللہ عنہ نے وصیت کی تھی کہ جب میں فوت ہوجاؤں تو مجھے روضہ رسول کے سامنے رکھ دینا اور عرض کرنا کہ آپ کا غلام آیا ہے اگر اجازت مل جائے تو وہاں دفن کرنا ورنہ مجھے عام مسلمانوں کے قبرستان میں دفن کردینا ۔ تفسیر کبیر میں امام رازی رحمہ اللہ فرماتے ہیں کہ وصیت کے مطابق آپ کی میت کو روضہ رسول کے سامنے رکھا گیا اور یوں عرض کی گئی :
” یارسول اللہ آپ کاغلام ابو بکر سامنے حاضر ہے ۔“
قبر مبارک سے آواز آئی
” محب کو محبوب تک پہنچا دو ۔“
 چنانچہ آپ کو روضہ رسول میں ہی دفن کیا گیا ۔٭