منگل، 12 فروری، 2019

غیر مقلدین جواب دیں

”سربکف “مجلہ۴  (جنوری ، فروری ۲۰۱۶)
عبد الرشید قاسمی سدھارتھ نگری ﷾

چوں کہ موجودہ دور کا ہر غیر مقلد جب اپنے اصلی رنگ بالفاظ دیگر "غیر مقلدیت" کے نشہ میں مست ہوتا ہے تو ”تقلید“ کی ہر قسم کو ہر حال میں شرک، حرام، غلط، باطل، ناجائز، مردود اور مقلدین کو جاہل، مشرک، بدعتی اور نہ جانے کیا کیا کہہ جاتا ہے، اس لئے ذیل میں خود اساطین غیر مقلدین اور ان کی کتب کے حوالہ سے چند عبارات اور ان سے متعلقہ چند سوالات غیر مقلدین کی خدمت میں پیش کئے جاتے ہیں، ان عبارات کو پیش نظر رکھ کر غیر مقلدین سوالات کے جواب دیں ۔
• غیر مقلدین کے محدث عصر حافظ زبیر علی زئی رحمہ اللہ کی مشہور زمانہ کتاب "دین میں تقلید کا مسئلہ" کے "پیش لفظ" کی دوسری سطر میں فضل اکبر کاشمیری لکھتے ہیں:
"آنکھیں بند کر کے، بے سوچے سمجھے، بغیر دلیل اور حجت کے کسی غیر نبی کی بات ماننا (اور اسے اپنے اوپر لازم سمجھنا) تقلید (مطلق) کہلاتا ہے" ۔
• مصنف کتاب حافظ زبیر علی زئی مرحوم صفحہ 80/ پر ایک سوال کے جواب میں لکھتے ہیں:
"لغت اور اصول فقہ کی رو سے آنکھیں بند کر کے، بغیر سوچے سمجھے کسی امتی کی بے دلیل بات ماننے کو تقلید کہتے ہیں"۔
• فضل اکبر کاشمیری اپنے "پیش لفظ" کی سطر نمبر4/ میں تقلید شخصی کی تعریف کرنے کے بعد سطر 8/ میں لکھتے ہیں:
"تقلید کی یہ دونوں قسمیں (یعنی تقلید مطلق اور تقلید شخصی) باطل و مردود ہیں، جیسا کہ قرآن، حدیث، اجماع اور آثار سلف صالحین سے ثابت ہے" ۔
• حافظ زبیر علی زئی کتاب کے صفحہ 23/ پر لکھتے ہیں:
"تقلید بلا دلیل کی تمام قسمیں غلط و باطل ہیں" ۔
• اور اوپر نمبر2/ پر موصوف کی نقل کردہ عبارت سے معلوم ہوتا ہے کہ "تقلید" بلا دلیل ہی ہوتی ہے ۔
• موجودہ دور کے جماعت اہل حدیث کے مشہور مصنف اور خطیب حافظ جلال الدین صاحب قاسمی اپنی کتاب "تقلید کی شرعی حیثیت" کے صفحہ 58/ پر لکھتے ہیں:
"تقلید کی کوئی قسم جائز نہیں" یعنی نہ تقلید مطلق نہ تقلید شخصی" ۔
• دوسری طرف انہیں کے پیشوا اور شیخ الکل فی الکل میاں نذیر حسین صاحب محدث دہلوی رحمہ اللہ اپنی مشہور زمانہ کتاب "معیار الحق کے صفحہ 80- 81/ پر لکھتے ہیں:
"باقی رہی تقلید وقت لاعلمی، سو یہ چار قسم ہے ۔ قسم اول: واجب ہے اور وہ تقلید مطلق ہے، ....... قسم ثانی: مباح" ۔
• مشہور اہل حدیث عالم اور مصنف مولانا محمد ابوالحسن سیالکوٹی مرحوم اپنی کتاب "الظفر المبین فی رد مغالطات المقلدین" کے صفحہ 43/ پر چوتھے مغالطہ کے جواب میں لکھتے ہیں:
"جسے بسبب کم علمی یا قصور فہم یا قلت تدبر کے قرآن و حدیث سے کوئی مسئلہ معلوم نہ ہوسکے تو ایسے شخص کو (اللہ تعالی کے حکم فاسئلوا اہل الذکر ان کنتم لاتعلمون [سورة النحل:43] "اگر کوئی بات تمہیں معلوم نہ ہو تو اہل علم سے پوچھ لو" کے مطابق) کسی محدث، مجتہد، فقیہ، قاضی، مفتی یا عالم سے اس مسئلہ کے متعلق پوچھ لینا چاہئے ۔ ایسے مواقع پر مجبوراً کسی کی تقلید کرنا جائز ہے" ۔
• مولانا محمد حسین بٹالوی مرحوم فرماتے ہیں:
"عوام اور بے علموں کے لئے ترک مطلق تقلید کا کوئی قائل نہیں ۔ (احسن الجدال صفحہ 27)
• حافظ جلال الدین قاسمی اپنی اسی کتاب کے اسی صفحہ پر لکھتے ہیں:
"ترک مطلق تقلید کو وہ (یعنی مولانا بٹالوی) صحیح نہیں سمجھتے تھے" ۔
• مولانا محمد ابراہیم سیالکوٹی رحمہ اللہ اپنی مشہور زمانہ کتاب "تاریخ اہل حدیث" کے صفحہ 146/ پر لکھتے ہیں:
"ہمارے حنفی بھائی ہم اہلحدیثوں کے بارے میں یہ خیال رکھتے ہیں کہ ہم مطلقا تقلید کا انکار کرتے ہیں" ۔
• غیر مقلدین کے امام العصر حافظ محمد محدث گوندلوی "الاصلاح" کے 1/158 پر لکھتے ہیں:
"جس تقلید کو حنفیہ واجب کہتے ہیں، اس کے ادلہ کو اگر دیکھا جائے تو ایسی تقلید سے اہل حدیث بھی مفر نہیں" ۔
قارئین کرام! یہاں ہمیں تقلید کے اقسام، اس کے وجوب و جواز اور شرک و حرام سے بحث نہیں ہے ۔
نہ اس سے بحث ہے کہ مقلدین جو تقلید کو واجب اور ضروری کہتے ہیں وہ بوقت لاعلمی ہے یا ہر حال میں؟
نہ ہی اس سے مطلب ہے کہ مقلدین ائمہ اربعہ کی تقلید بحیثیت شارع کرتے ہیں یا بحیثیت شارح؟
نہ ہی یہ پوچھنا ہے کہ جب بقول حافظ زبیر علی زئی تقلید بے دلیل ہی ہوتی ہے، تقلید کی ہر قسم ہر حال میں غلط، باطل، شرک اور حرام ہے، تو کیوں شیخ الکل فی الکل اور مولانا سیالکوٹی نے بوقت لاعلمی اسے جائز اور واجب کہا؟
نہ یہ فیصلہ کرنا ہے کہ شیخ الکل فی الکل اور مولانا سیالکوٹی کی بات غلط ہے یا محدث عصر حافظ زبیر علی زئی کی؟
اور نہ یہ سوال ہے کہ جو تقلید بقول ابوالحسن سیالکوٹی قرآن کی صیغہ امر والی آیت "فاسئلوا اہل الذکر" سے ثابت ہے وہ بلا کسی قرینہ کے صرف جائز اور مباح ہی کیوں رہی؟
٭بلکہ صرف یہ عرض کرنا ہے کہ:
①جس تقلید کی غیر مقلدین مذمت کرتے ہیں اور شرک، حرام، ناجائز، بدعت وغیرہ نہ جانے کیا کیا کہتے ہیں، اس کی کیا تعریف ہے؟
②تقلید بے دلیل ہوتی ہے یا با دلیل؟
③اگر بے دلیل ہوتی ہے تو کیا بے دلیل بات کی پیروی اور اتباع شریعت میں جائز ہے؟
④کیا تقلید کی ہر قسم ہر حال میں شرک اور حرام ہے؟ یا کوئی قسم کسی صورت میں واجب یا مباح بھی ہے؟
⑤اگر ہے تو محدث عصر اور عام غیر مقلدین کیوں علی  الاطلاق تقلید کو غلط، باطل اور شرک و حرام کہہ کر امت کو فریب میں مبتلاء کرتے ہیں؟
⑥اور اگر کسی بھی صورت میں واجب یا جائز نہیں ہے تو شیخ الکل فی الکل اور مولانا سیالکوٹی وغیرہ کیوں تقلید کو واجب اور جائز کہتے ہیں؟
⑦تقلید کا ثبوت قرآن کریم کی کسی آیت سے ہے یا نہیں؟
⑧اگر ہے تو مولانا سیالکوٹی کیوں اسے ثابت مانتے ہیں؟ اور مولانا بٹالوی وغیرہ کس دلیل سے تقلید مطلق کے قائل ہیں؟
⑨اور اگر ثابت ہے تو امت کو کیوں یہ کہہ کر فریب میں مبتلاء کیا جاتا ہے کہ تقلید کا ثبوت قرآن کریم کی کسی آیت سے نہیں؟
⑩اگر ایک چیز قرآن کریم کی کسی آیت سے ثابت ہو اور اس کے بارے میں کوئی علی الاطلاق صراحتاً انکار کر دے، تو اس منکر پر کیا حکم لگے گا؟ منکر قرآن، محرف قرآن، یا قرآن و سنت کا متبع؟
⑪لاعلم اور کم علم لوگوں کو بے دلیل بات ماننے کا حکم اور ترغیب دینا اور خود اسے واجب و جائز کہنا کیسا ہے؟
⑫بے دلیل بات ماننے کا حکم اور ترغیب دینے والے کے بارے میں غیر مقلدین کا کیا نظریہ ہے؟
⑬اجتہاد کا حق کس کو حاصل ہے؟
⑭اجتہاد کے کیا شرائط ہیں؟
⑮موجودہ دور کے جاہل غیر مقلدین قرآن و سنت کے احکام پر کس طرح عمل کریں گے؟ کسی کی تقلید کر کے یا بلا تقلید؟
⑯اگر تقلیدا ً عمل کریں گے تو یہ تقلید ان کے اوپر واجب ہوگی یا جائز، یا شرک اور حرام؟
⑰اور اگر بلا تقلید عمل کریں گے تو کیسے؟
⑱ہم غیر مقلدین کے بارے میں کیا خیال رکھیں کہ وہ صرف تقلید مطلق کے قائل ہیں یا تقلید مطلق اور تقلید شخصی دونوں کے، یا دونوں کے منکر ہیں؟
⑲وہ کونسی تقلید ہے جسے حنفیہ واجب کہتے ہیں، اور دلائل کے پیش نظر غیر مقلدین بھی اس کے منکر نہیں؟
سارے سوالوں کا جواب سوچ سمجھ کر دیں اور ضرور دیں۔
٭٭٭
 

     

اللہ کی ذات کے متعلق علماء دیوبند کا موقف

”سربکف “مجلہ۴  (جنوری ، فروری ۲۰۱۶)
عباس خان ﷾
تمام اہلسنت والجماعت کا اجماعی عقیدہ ہے کہ
وقال الإمام الحافظ الفقيه أبو جعفر أحمد بن سلامة الطحاوي الحنفي (321 ھ) في رسالته  
(متن العقيدة الطحاوية)ما نصه: "وتعالى أي الله عن الحدود والغايات والأركان والأعضاء والأدوات، لا تحويه الجهات الست كسائر المبتدعات " اهـ. 

امام الطحاوي الحنفي (وفات 321ھ) كبار علماء السلف میں سے ہیں اپنی کتاب (العقيدة الطحاوية ـ جو کہ تمام اہلسنت والجماعت کہ ہاں مسلم ہے)  فرماتے ہیں:
الله تعالی ” مکان و جھت و حدود“ سے پاک ہے۔ 
(متن عقیدہ طحاویہ ص 15)
اب ہر وہ عقیدہ جس سے اللہ کیلئے حدود ، جسم یا جھت ثابت ہوتی ہے اسے علماء دیوبند ترک کرتے ہیں۔
اللہ تعالٰی ہر جگہ ہے اس کا علماء دیوبند کے نزدیک کیا معنی ہے؟
علماء دیوبند کے نزدیک اللہ تعالٰی جگہ/مکان میں ہونے سے پاک ہے یعنی  اللہ موجود ہے مگر بلا مکان۔
حضرت تھانویؒ فرماتے ہیں :
  (اللہ تعالٰی کے) ہر جگہ ہونے کے اس عقیدہ ہی کی کوئی دلیل نہیں۔ جب وہ صرف جگہ میں ہونے سے پاک ہے کئی جگہوں میں اس کا ہونا تو بہت دور کی بات ہے۔
آگے لکھتے ہیں:
اگر چہ اس محاورہ (اللہ ہر جگہ ہے) میں گنجائش زیادہ ہے کیونکہ اس سے مراد کسی جگہ میں ہونے کی قید کا نہ ہونا ہے۔
(تسھیل تربیت السالک ج 3 صفحہ 118)
یعنی کہ علماء دیوبند کے نزدیک اللہ ہر جگہ کہنے سے کسی جگہ میں اللہ کی قید کی نفی کرنا ہے۔ جیسے کوئی  کہے کہ اللہ یہاں ہے وہاں نہیں تو کہا جا سکتا ہے کہ اللہ ہر جگہ ہے۔
شیخ الاسلام حضرت مولانا  محمد مفتی تقی عثمانی صاحب دامت برکاتہم سورۃ بقرہ آیت ۱۱۵ کی تفسیر میں  فرماتے ہیں:
اللہ تعالٰی کسی ایک جہت میں محدود نہیں وہ ہر جگہ موجود ہے۔
 ( آسان ترجمہ قرآن  سورۃ ۲،  البقرۃ: ۱۱۵)
علماء دیوبند کے نزدیک ایسا کہنا کہ اللہ عرش پر ہے یا آسمانوں پر ہے اور اس کا علم ہر جگہ ہے کہنا بھی درست ہے۔بشرطیکہ اللہ کی ذات کی تخصیص یا اسکی ذات کیلئے کوئی جگہ مقرر کرنی نہ ہو۔ مقصود اِس نفی سے اُس  بات کی نفی کرنی ہو جو اللہ کی شان کے لائق نہ ہو اور اس سے کوئی لازم سمجھ سکتا ہو۔ 
ایسی ہی ایک جگہ حضرت تھانویؒ فرماتے ہیں : میرے نزدیک جن حضرات نے احاطۂ ذاتی کی نفی کی ہے غالباً مقصود ان کا نفی کرنا ہے تجسیم (جسم) کی۔ یعنی احاطہ ذاتی سے متبادر محیط و محاط کا اتصال حسی ہے جو کہ عامہ (عامی) کے نزدیک احاطہ ذاتی کی لوازم سے ہے پس اصل مقصود لازم کی نفی ہے اور اس کیلئے ملزوم کی نفی کر دی جاتی ہے۔ 
(امداد الفتاویٰ جلد 6 ص 63)

کیونکہ یہ ایک  حقیقت ہے کہ اسلاف نے باطل گروہوں کے عقائد کی نفی کیلئے یا کم فہموں کیلئے ان باتوں کا درجہ ظن میں اثبات کیا ہے جو کہ وہ پہلے نہیں کیا کرتے تھے۔
علماء دیوبند کے عقائد کی کتاب المہند علی المفند جس پر علماء حرمین کے بھی دستخط موجود ہیں اس میں ایک جگہ علماء حرمین کی طرف سے یہ سوال ہوا ہے کہ :
ماقولكم في امثال قوله تعالي الرحمن علي العرش استوي هل تجوزون اثبات جهة و مكان للباري تعالي ام كيف رايکم فيه
ترجمہ: کیا کہتے ہیں حق تعالٰی کے اس قسم کے قول میں  کہ رحمٰن عرش پر مستوی ہوا، کیا جائز سمجھتے ہو باری تعالٰی کیلئے جہت و مکان کا ثابت کرنا یا کیا رائے ہے؟
الجواب :
قولنا في امثال تلك الايات انا نؤمن بها و لا يقام كيف و لومن بالله وسبحانه و تعالٰي متعال و منزه عن صفات المخلوقين وعن سمات النقص والحدوث كما هو راي قد مائنا واما ما قال المتاخرون من ائمتنا في تلك الايات يا ولونها بتاویلات صحیحة سائغة في اللغة  و الشرع بانه يكمن المراد من الاستواء الاستيلاء و من اليد القدرة الي غير ذلك تقريباً الي  افهام القاصرين فحق ايضا عندنا و اما الجهة والمكان فلا نجوز اثباتهما له تعالٰي ونقول انهتعالي منزه و متعال عنهما وعن جميع سمات الحدوث
ترجمہ: اس قسم کی آیات میں ہمارا مذہب یہ ہے کہ ان پر ایمان لاتے ہیں اور کیفیت سے بحث نہیں کرتے یقین جانتے ہیں کہ اللہ سبحانہ و تعالٰی مخلوق کے اوصاف سے منزہ اور نقص و حدوث کی علامات سے مبرا ہے جیسا کہ ہمارے متقدمین کی رائے ہے اور ہمارے متاخرین اماموں نے ان آیات میں جو صحیح اور لغت شرع کے اعتبار سے جائز تاویلیں فرمائی ہیں تاکہ کم فہم سمجھ لیں مثلا یہ کہ ممکن ہے استواء سے مراد غلبہ ہو اور ہاتھ سے مراد قدرت تو یہ بھی ہمارے نزدیک حق ہے۔ البتہ جہت و مکان کا اللہ تعالٰی کیلئے ثابت کرنا ہم جائز نہیں سجھتے اور یوں کہتے ہیں کہ وہ  جہت و مکانیت اور جملہ علامات حدوث سے منزہ و عالی ہے۔ 
(المہند علی المفند ص 38۔39)
بائن الخلۃ
مخلوق سے جدا
علماء دیوبند کے نزدیک اللہ تعالٰی  کی ذات قدیم ہے جیسا اللہ مخلوق کو پیدا کرنے سے پہلے تھا اب بھی ویسا ہی ہے۔
پھر اس نے مخلوقات کو پیدا فرمایا اور کسی مخلوق میں یہ ہمت نہیں کہ پیدا ہونے کے بعد وہ خدا کی ذات کے ساتھ متحد ہو جائے۔
اللہ تعالٰی کا کسی کے ساتھ اتحاد اور حلول نہیں ہو سکتا اور نہ ہی کوئی چیز اللہ کے ساتھ متحد(جڑجانا)  یا حل (مکس ہوجانا) ہو سکتی ہے۔ اللہ تعالٰی کی ذات قدیم ہے اور قدیم ،حادث  (جو بعد میں پیدا ہوئے) کے ساتھ متحد و حل نہیں ہو سکتا اتحاد اور حلول وہاں ہوتا ہے جہاں دو چیزیں ایک ہی جنس کی ہوں اور ظاہر ہے کہ اللہ تعالٰی نہ تو جنس جواہر ہے اور نہ ہی جنس اعراض ۔
مولانا ادریس کاندھلویؒ فرماتے ہیں:
حق تعالٰی کسی چیز کے ساتھ متحد نہیں ہوتا اور نہ کوئی چیز اس کے ساتھ متحد ہوتی ہے اور نہ کوئی چیز اس میں حلول کرتی ہے اور نہ وہ کسی شئے میں حلول کرتا ہے۔
(عقائد اسلام ص 59)
اللہ اپنی ذات کے ساتھ  متحد ہے کا عقیدہ دو طرح سے نکل سکتا ہے ایک یہ کہ اللہ کی ذات کو جسم و جھت سے پاک نہ مانا جائے اور دوسرا اس طرح کہ اللہ کی ذات کیلئے  کوئی جگہ مقرر کر دی جائے اور کہا جائے کہ اس کے بعد سے اللہ کی ذات نہیں پھر مخلوقات شروع ہوتی ہیں۔ اب جہاں سے بھی اللہ کی ذات ختم قرار دی جائے گی  پھر اس عقیدے سے یہ بھی لازم آئے گا کہ اللہ کی ذات اور اس کے بعد جو بھی مخلوقات ہیں وہ آپس میں متحد ہیں یا اگر اللہ  کی ذات اور مخلوق کے درمیان کوئی فاصلہ مقرر کر دیتے ہیں  تو وہ فاصلہ بھی ٖغیر اللہ  یعنی کہ مخلوقات میں ہی شامل ہو گا۔ اسلئے اب کسی بھی طرح یہ عقیدہ رکھنا جائز نہیں۔  
٭٭٭

     

کیا امام ابو حنیفہ (رح) شیطان تھے؟ غیر مقلدین کے ایک اعتراض کا جواب

”سربکف “مجلہ۴ (جنوری ، فروری ۲۰۱۶)
محسن اقبال ﷾

اکثر غیر مقلدین امام ابو حنیفہؒ کو معاذ اللہ شیطان ثابت کرنے کے لئے الكامل في ضعفاء الرجال لابن عدي سے ایک روایت پیش کرتے ہیں۔
 حَدَّثَنَا عَبد اللَّهِ بْنُ عَبد الحميد الواسطي، حَدَّثَنا ابْن أبي بزة، قَالَ: سَمِعْتُ المؤمل يَقُول: سَمعتُ حَمَّاد بْن سَلَمَة يَقُول كَانَ أَبُو حنيفة شيطانا استقبل آثار رَسُول اللَّهِ صَلَّى اللَّهُ عَلَيْهِ وَسَلَّمَ يردها برأيه.
[الكامل في ضعفاء الرجال لابن عدي: 8/ 239 واسنادہ صحیح]
مسلم اورسنن اربعہ کے ثقہ راوی حماد بن سلمہ رحمہ اللہ کہتے ہیں کہ ابوحنیفہ شیطان تھا وہ اللہ کے رسول صلی اللہ علیہ و سلم کی احادیث کو اپنی رائے سے رد کر دیا کرتا تھا۔
اس روایت کی سند سخت ضعیف ہے اس کے ایک راوی مومل بن اسماعیل کی وجہ سے۔ یہ وہی مومل بن اسماعیل ہے جس کی روایت کو غیر مقلدین سینہ پہ ہاتھ باندھنے کے لئے پیش کرتے ہیں۔
مومل بن اسماعیل کے بارے میں محدثین کی رائے :
• علامہ ابن قیم کہتے ہیں کہ مومل علی صدرہ کے الفاظ نقل کرنے میں اکیلا ہے، اور حاشیہ میں مومل کو ضعیف کہا گیا ہے۔
] اعلام الموقعین، جلد 4 صفحہ 285[
• مشہور غیر مقلد عالم عبدالرحمان مبارکپوری کہتے ہیں کہ ” میں تسلیم کرتا ہوں کہ مومل بن اسماعیل ضعیف ہے اور بپیقی کی سینہ پہ ہاتھ باندھنے کی یہ روایت ضعیف ہے۔“
] ابکار المنن، صفحہ 359[
• غیر مقلدین کے مستند شدہ محدث علامہ البانی بھی سینہ پہ ہاتھ باندھنے کی روایت کو مومل کی وجہ سے ضعیف کہتے ہیں اور کہتے ہیں کہ مومل سیئ الحفظ ہے۔
] صحیح ابن خزیمہ بتحقیق البانی جلد 1 صفحہ 243[
• غیر مقلد عالم عبدالمنان نور پوری کا اعتراف کہ سینہ پہ ہاتھ باندھنے کی روایت کا راوی مومل بن اسماعیل ضعیف ہے اور علامہ البانی بھی اس کی سند کو اس لئے ضعیف کہتے ہیں کہ مومل بن اسماعیل سئی حفظ ہے۔ 
] مکالمات نور پوری، صفحہ 528[
• مومل کے بارے میں علامہ البانی اور لکھتے ہیں کہ
قلت: وهذا خطأ فاحش، وبخاصة من الذهبي؛ لأن مؤملا هذا ليس من
رجال الشيخين أولا، ثم هو شديد الخطأ ثانيا؛ فقد قال فيه إمام المحدثين البخاري:
"منكر الحديث ".
وقد اعترف كل من ترجم له - حتى الذهبي - بأنه سيئ الحفظ، فقال في "حافظ عالم يخطئ. وثقه ابن معين. وقال أبو حاتم: صدوق شديد في
السنة، كثير الخطأ. وقال البخاري: منكر الحديث. وقال أبو زرعة: في حديثه خطأ كثير "
وقال الحافظ في " التقريب ":
"صدوق سيئ الحفظ ".
وقد أعتمد قول أبي حاتم المتقدم الذهبي نفسه في " الكاشف "، ثم أتبعه ببيان سبب كثرة خطئه فقال:
"وقيل: دفن كتبه، وحدث حفظا؛ فغلط ".
قلت: فمثله لا يحتج به إذا انفرد
] سلسلۃ الاحادیث الضعیفہ12/58[
• ابونصرالمروزی کہتے ہیں: المؤمل إذا انفرد بحديث وجب ان يتوقف ويتثبت فيه لانه كان سيئ الحفظ كثير الغلط.
] تہذیب التہذیب جلد 10 صفحہ 381، تعظیم قدر الصلوہ از امام مروزی، صفحہ 574[


• دارقطنی کہتے ہیں: ثقة كثير الخطأ۔
اوران سے ایک دوسری روایت میں صدوق کثیر الخطاء کے الفاظ بھی منقول ہیں۔
• اس کے علاوہ علل میں دارقطنی کہتے ہیں۔
وَرَوَاهُ مُؤَمَّلُ بْنُ إِسْمَاعِيلَ، عَنْ يَحْيَى الْقَطَّانِ فَوَهِمَ عَلَيْهِ فِي إِسْنَادِهِ، وَهْمًا قَبِيحًا؛
] علل الدارقطنی9/314[

• امام بخاری فرماتے ہیں منکرالحدیث
] میزان الاعتدال4/284[
• ابوحاتم کہتے ہیں صدوق شدید فی السنۃ کثیرالخطاءیکتب حدیثہ،
] الجرح والتعدیل 8/374[
• ابوزرعہ الرازی کہتے ہیں فی حدیثہ خطاء کثیر
• ابن سعد کہتے ہیں ثقۃ کثیرالخطاء
• یعقوب بن سفیان المعروف الفسوی لکھتے ہیں:
• قال يعقوب بن سفيان: مؤمل أبو عبد الرحمن شيخ جليل سني سمعت سُلَيْمان بن حرب يحسن الثناء كان مشيختنا يوصون به الا ان حديثه لا يشبه حديث اصحابه وقد يجب على اهل العلم ان يقفوا عن حديثه 
• فانه يروي المناكير عن ثقات شيوخه وهذا اشدفلو كانت هذه المناكير عن الضعفاء لكنا نجعل له عذرا
• ساجی کہتے ہیں: صدوق كثير الخطأ وله أوهام يطول ذكرها
دیگر کتابیں :
تہذیب الکمال،طبقات ابن سعد5/501،سیر اعلام النبلاء8/286،من تکلم فیہ وھوموثق1/513،میزان الاعتدال4/284،تہذیب التہذیب10/381،لسان المیزان7/406،موسوعۃ اقوال ابی الحسن الدارقطنی2/674۔
اس کے علاوہ ان کے بارے میں یہ بھی کہاگیاہے کہ ان کی کتابیں دفن ہوگئی تھیں وہ جوکچھ بیان کرتے تھے یادداشت سے بیان کرتے تھے اسی بناء پر ان کی غلطیاں زیادہ ہوگئیں وَقَال غيره: دفن كتبه فَكَانَ يحدث من حفظه، فكثر خطؤه.
اور یہ بات مشہور ہے کہ جب کسی کی غلطیاں صواب سے زیادہ ہو جائیں تو پھر وہ ترک کا مستحق ہو جاتا ہے۔
] تہذیب الکمال جلد 7 صفحہ 164[
یہ امام ابو حنیفہ رح پہ جرح کے بارے میں غیر مقلدین کی پیش کردہ ایک مشہور روایت کا حال ہے جس سے غیر مقلدین ثابت کرنے کی کوشش کرتے ہیں کہ معاذ اللہ امام ابو حنیفہ رح شیطان تھے۔
اللہ سب کو ہدایت دے اور تمام صحابہ کرام رضی اللہ عنھم ، اہلبیت رضی اللہ عنھم اور ائمہ کرام رحم اللہ عنھم کا ادب اور احترام کرنے کی توفیق عطا فرمائے۔
٭٭٭

     

ردِّقادیانیت کورس ( قسط۔ ۲)

 منظور احمد چنیوٹی عفااﷲ عنہ
 ”سربکف “مجلہ۴  (جنوری ، فروری ۲۰۱۶)

مرزا کے دعوے :
مرزا نے درجہ بدرجہ دعوے کئے تھے جس کا نقشہ حسب ذیل ہے :
• ملہم من اﷲ
• مجدد
• مسیح موعود
• مہدی
• ظلی بروزی نبوت
• مستقل نبوت
ان دعووں پر چند حوالہ جات :
۱۔ ’’ جب تیرھویں صدی کا آخیر ہوا اور چودہویں صدی کا ظہور ہونے لگا تو خدا نے الہام کے ذریعہ مجھے خبر دی کہ تو اس صدی کا مجد د ہے ‘‘
کتاب البریہ حاشیہ ۱۸۳ ،روحانی خزائن ج۱۳ ص ۲۰۱

۲۔ ’’ میں خدا تعالی کی طرف سے مامور ہوکر آیا ہوں ‘‘ 
کتاب البریۃص ۱۸۴، روحانی خزائن ج ۱۳ ص۲۰۲
۳۔ ’’ انی فضلتک علی العالمین قل ارسلت الیکم جمیعا‘‘ 
ترجمہ: میں نے تجھ کو تمام جہانوں پر فضیلت دی تو کہ دے کہ میں تم سب کی طرف بھیجا گیا ہوں  ۔
تذکرہ ص ۱۲۹ طبع دوم
۴۔ ’’ اﷲ جل شانہ کی وحی اورالہام سے میں نے مثیل موعود ہونے کا دعویٰ کیا ہے ‘‘
تذکر ہ ص ۱۷۷؍۱۷۷طبع دوئم
۵۔ ’’ جعلنا ک المسیح ابن مریم ‘‘ ہم نے تجھے مسیح ابن مریم بنایا۔
ازالہ اوہام ص۵۷۳ ، روحانی خزائن ج ۳ ص۴۰۹،تذکرہ ص ۱۹۱،۲۱۹،۲۲۳ طبع دوم 
۶۔ ’’ خدا نے مجھے بشارت دی او رکہا کہ وہ مسیح موعود اور مہدی مسعود جس کا لوگ انتظار کرتے ہیں تو ہے ۔ ‘‘ 
اتمام الحجۃ ص۳ ، روحانی خزائن ج ۸ ص ۲۷۵
۷۔ ’’ جبکہ میں بروزی طور پر آنحضرت ﷺ ہوں اور بروزی رنگ میں تمام کمالات محمد ی مع نبوت محمدیہ میرے آئینہ ظلیت میں منعکس ہیں تو پھر کون ساالگ انسان ہوا جس نے علیحدہ طور پر نبوت کا دعویٰ کیا ۔‘‘ 
ایک غلطی کاا زالہ ص۸ ، روحانی خزائین ج۱۸ ص۲۱۲ 
۸۔ ’’ انا انزلنہ قریباً من القادیان ‘‘ہم نے اس کو قادیان کے قریب اتاراہے ۔
براہین احمدیہ ص۴۹۸ حاشیہ ، روحانی خزائن ج ۱ ص ۵۹۳،تذکرہ ص۶۳۷طبع دوم
۹۔ ’’ سچا خدا وہی خدا ہے جس نے قادیان میں اپنا رسول بھیجا‘‘ 
 دافع البلا ء ص ۱۱، روحانی خزائن ج۸ ۱ص ۲۳۱
۱۰۔ ’’ قل یا ایھا الناس انی رسول اﷲ الیکم جمیعا ای مرسل من اﷲ ‘‘۔ اور کہہ کہ اے لوگو! میں تم سب کی طرف خدا تعالی کا رسول ہو کر آیا ہوں۔
تذکرہ ص ۳۶۰
۱۱۔ ’’ یٰس انک لمن المرسلین علی صراط مستقیم ‘‘ ۔
اے سردار تو خدا کا مرسل ہے راہ راست پر ۔
 حقیقت الوحی ص ۱۰۷ ، روحانی خزائن ج۲۲ ص۱۱۰،تذکرہ ص۶۵۸،۶۵۹
۱۲۔ ’’ شریعت کی تعریف یہ ہے کہ جس میں امر اور نہی پا یا جائے اور یہ دونوں میری وحی میں بھی پائے جاتے ہیں ‘‘ 
خلاصہ عبارت اربعین نمبر۴ص ۶، روحانی خزائن ص ۴۳۵، ۴۳۶ ج ۱۷
۱۳۔’’اور مجھے بتلایا گیا تھا کہ تیری خبر قرآن و حدیث میں موجود ہے ۔اور تو ہی اس آیت کا مصداق ہے ۔’ھوالذی ارسل رسولہ بالھدیٰ ودین الحق لیظہرہ علی الدین کلہ‘۔‘‘ 
(اعجاز احمدی ص۷۔ روحانی خزائن ص۱۱۳ ج ۱۹)
مرزا کے جانشین:
مرز اغلام احمد قادیانی کی وفات ۲۶ مئی ۱۹۰۸ء بروز منگل لاہور میں ہوئی۔ اس کا پہلا خلیفہ حکیم نورالدین ہو اجو بھیرہ کا تھا یہ بڑا اجل طبیب تھا اور عالم تھا یہ کشمیر کے راجہ کے پاس رہتا تھا ، راجہ کشمیرنے اسے انگریز کی جاسوسی کے الزام میں نکال دیا تھا اس کا چونکہ مرز اقادیانی سے پہلے سے رابطہ اور تعلق تھا اس لئے دونوں اکٹھے ہوگئے پھر دونوں نے مل کر اس دھندے کو چلایا یہ اس کا دست راست تھا اور علم میں اس سے بہت اونچا تھا حکیم نورالدین کی خلافت ۱۹۱۴ء تک رہی اس کے بعد خلافت کے دوامیدوار تھے : 
(۱)مولوی محمد علی لاہوری (۲) مرزا محموداحمد 
مولوی محمد علی لاہوری ،مرزا کا بڑا قریبی مرید تھا اور بہت پڑھا لکھا آدمی تھا قابلیت کے لحاظ سے واقعی وہ خلافت کا حقدار تھا مگر مقابلہ میں چونکہ خود مرزا کا بیٹا تھا ، اس لئے اس کو کامیابی نہ ہوئی اور چونکہ مرزا بشیر الدین کے حق میں اس کی والدہ کا ووٹ بھی تھا جس کو مرزائی ام المؤمنین کہتے ہیں اس لئے مرزا بشیر الدین خلیفہ بن گیا ۔ بوقت خلافت مرزا بشیر الدین کی عمر ۲۴ سال تھی اس کی شہزادوں کی سی زندگی تھی اور خوب عیاش تھا ۔ ۱۹۶۵ء تک یہ خلیفہ رہا اس نے اپنے والد کی سیرت پر کتاب بھی لکھی جس کا نا م ’’سیرت مسیح موعود ‘‘ ہے اس کے علاوہ بھی اس نے متعدد کتب لکھیں ۔
مولوی محمد علی لاہوری ۱۹۱۴ء سے ۱۹۲۰ء تک قادیان میں رہا اگرچہ جماعت کا کام کرتا رہا مگر اس نے بیعت نہ کی اور نہ اس کی پارٹی نے بیعت کی ان کو غیر مبایعین کہا جاتا تھا اس نے ۱۹۲۰ء میں باقاعدہ علیحدہ دکان بنانا چاہی چنانچہ اس نے لاہور آکر ایک تنظیم بنائی جس کا نام ’’ انجمن اشاعت الاسلام احمدیہ‘‘ رکھااور خود اس جماعت کا پہلا امیر بنا ۔ چونکہ مرکز ان کے پاس نہ تھا اس لئے اس کا کام زیادہ نہ چلا لیکن بڑا سمجھدار تھا اپنی تنظیم کو خوب مضبوط کیا اور غیر ممالک میں پھیلایا اور غیر ممالک میں اس کی جماعت کو بڑی کامیابی ہوئی ۔
یہ مرزا کو نبی نہیں مانتے بلکہ محض مصلح یا مجدد مانتے ہیں اور نبوت کو ختم مانتے ہیں ۔ ہم کہتے ہیں یہ محض ان کی منافقت ہے اگر ان کا اختلاف حقیقی ہے تو لاہوری جماعت والوں کا چاہیے کہ وہ قادیانیوں کوکافر کہیں کیونکہ وہ ایک غیر نبی کو نبی مانتے ہیں اور سلسلہ نبوت جاری مانتے ہیں اسی طرح قادیانیوں کو بھی چاہیے کہ وہ لاہوریوں کو کافر کہیں کیونکہ وہ ایک سچے نبی کی نبوت کے منکر ہیں ۔ محمد علی لاہوری کے مرنے کے بعد جماعت کا امیر صدرالدین بنا اور اب ڈاکٹر نصیر احمد ہے ۔ان دوپارٹیوں کے علاوہ مرزائیوں کی چند اور پارٹیاں بھی ہیں مگر یہ دونوں پارٹیاں زیادہ مشہور ہیں ۔ ان دو پارٹیوں کا مباحثہ چا رنکات پر راولپنڈی میں ہو ا تھا ،جو کہ درج ذیل ہے: 
۱۔مرز اغلام احمد قادیانی کی پیش گوئی متعلقہ مصلح موعود کا مصداق کون ہے ؟
۲۔مرزا قادیانی کی جانشین انجمن ہے یا خلیفہ ؟
۳۔مرزا نبی ہے یا مجدد؟
۴۔  مرزا کا منکر کافر ہے یا نہیں ؟
یہ مباحثہ بصورت رسالہ ’’مباحثہ راولپنڈی ‘‘ کے نام سے شائع ہو ا، یہ ایک نہایت اہم رسالہ ہے اس میں دونوں پارٹیوں کے دلائل خود مرزا کی تحریرات سے موجود ہیں ۔
مرزا بشیر الدین کی وفات کے بعد اس کا بیٹا مرزا ناصر احمد خلیفہ بنا ، یہ برابر ۱۹۸۲ء تک خلیفہ رہا ۔بروز بدھ مورخہ ۸ اور ۹ جون ۱۹۸۲ء کی درمیانی شب ہارٹ اٹیک سے ہلاک ہوکر واصل جہنم ہوا ۔ اس کی موت کے بعد خلافت کے بارے میں جھگڑا ہوا بعض کی رائے تھی کہ مرزا بشیر الدین کے بیٹے مرزا رفیع احمد کو خلیفہ بنایا جائے جبکہ بعض مرزا طاہر احمد کے حق میں تھے ۔ بہرحال اسی کشمکش میں مرزا رفیع احمد کو اغوا کرلیاگیا اور یوں مرزا طاہر احمد جو مرزا ناصر احمد کا بھائی ہے خلیفہ بن گیا۔
﴿ باب دوم ﴾
مرزائیوں اور مسلمانوں کے مابین متنازع فیہ مسائل
تعین موضوع:
مرزائیوں اور مسلمانوں کے مابین متنازع فیہ مسائل تین ہیں :
۱﴾ حیات ووفات عیسیٰ علیہ السلام 
۲﴾ اجرائے نبوت و ختم نبوت
۳﴾ صدق وکذب مرز ا یعنی سیرت وکردار مرزا 
مرزائی عموماً کوشش کرتے ہیں کہ پہلے دو موضوعات پر بحث کی جائے تیسرے موضوع پر بحث کرنا انہیں موت نظر آتی ہے ، حتیٰ کہ بعض اوقات اس موضوع سے گھبراتے ہوئے وہ مناظرہ ہی کو خیر باد کہہ دیتے ہیں وہ عموماً حیات عیسیٰ یا اجرائے نبوت کے متعلق مناظرہ کرتے ہیں ، مگر ہمیں چاہیے کہ سب سے پہلے انہیں مجبور کریں کہ وہ سیرت مرزا پر مناظرہ کریں کیونکہ اصل بحث کسی مدعی ماموریت کی سیرت وکردار پر ہی ہونی چاہیے اگر اس کی سیرت وکردار بے داغ ہو تو پھر دوسرے مسائل کی طرف رجوع کرنا چاہیے۔ ہر مدعی پہلے اپنی سیرت قوم کے سامنے پیش کرتا ہے جیسا کہ نبی اکرم خاتم النبیین ﷺ نے اہل مکہ کے سامنے صفا پہاڑی پر چڑھ کر اپنی چالیس سالہ زندگی پیش کی ۔ قرآن مجید میں ہے :
’’ فقد لبثت فیکم عمرا من قبلہ افلا تعقلون ‘‘ 
اس لئے ہم بھی چاہتے ہیں کہ ہم سب سے پہلے مرزا صاحب کی زندگی اور کردار کو ان کی اپنی تحریروں کے آئینہ میں دیکھیں اگر وہ اپنی تحریروں کی رو سے ایک پاکیزہ سیرت ، شریف ، دیانتدار اور سچا انسان ثابت ہوجائے توا سکے تمام مسائل دعاوی کوبلا حیل و حجت مان لیں گے او ردوسرے مسائل میں بحث کرنے اور وقت ضائع کرنے کی ضرورت ہی نہ ہوگی اور اگر وہ کسی ایک بات میں جھوٹا ثابت ہوجائے تو بقول خود مرزا کے اس کی کسی بات کا اعتبار نہیں رہے گا چنانچہ مرزا صاحب خود تحریر کرتے ہیں کہ :
’’ ظاہر ہے کہ جب ایک بات میں کوئی جھوٹا ثابت ہوجائے تو پھر دوسری باتوں میں بھی اس پر اعتبار نہیں رہتا ۔ ‘‘ 
(چشمہ معرفت ج۲ ص۲۲۳، روحانی خزائن ص ۲۳۱ ج۲۳(
لہذا پہلے ہم مرزا صاحب کی سیرت وکردار دیکھتے ہیں ۔ 
ہم بلا خوف تردید کہہ سکتے ہیں کہ کسی مرزائی کے اند ر یہ جرأت نہیں ہے کہ وہ مرز اکو اس کی اپنی تحریروں کی رو سے ایک سچا اور شریف انسان ثابت کرسکے ۔ ہم آگے چل کر مشت نمونہ از خروارے اس کے کذاب ہونے کے چند دلائل پیش کریں گے لیکن اس بحث سے قبل ہم اپنی تائید میں مرز اصاحب کے دونو ں خلفاء کی تحریریں پیش کرتے ہیں ۔
حوالہ نمبر ۱﴾ ’’ جب یہ ثابت ہو جائے کہ ایک شخص فی الواقع مامور من اﷲ ہے تو پھر اجمالاً اس کے تمام دعاوی پر ایمان لانا واجب ہوجاتا ہے ……الغرض اصل سوال یہ ہوتا ہے کہ مدعی ماموریت فی الواقع سچا ہے یا نہیں اگر اس کی صداقت ثابت ہوجائے تو اسکے تمام دعاوی کی صداقت بھی ساتھ ہی ثابت ہوجاتی ہے اگر اس کی سچائی ہی ثابت نہ ہو تو اس کے متعلق تفصیلات میں پڑنا وقت کو ضائع کرنا ہوتا ہے ۔‘‘
(دعوۃ الامیر مصنفہ بشیرالدین محمود ص ۴۹،۵۰)
حوالہ نمبر۲﴾ ’’ خاکسار (بشیر احمد ایم ۔اے) عرض کرتا ہے کہ حضرت خلیفہ اول (حکیم نورالدین) فرماتے ہیں کہ ایک شخص میرے پا س آیا اور کہنے لگا کہ مولوی صاحب کیا نبی کریم ﷺ کے بعد بھی کوئی نبی ہو سکتا ہے ؟ میں نے کہا نہیں ۔ اس نے کہا کہ اگر کوئی نبوت کا دعویٰ کرے تو پھر ؟ میں نے کہا پھر ہم دیکھیں گے کہ کیا وہ صادق اور راست باز ہے یا نہیں ۔ اگر صادق ہے تو بہر حال اس کی بات کو قبول کریں گے ۔‘‘
(سیرۃ المہدی حصہ اول ص ۹۸ حدیث نمبر ۱۰۹(
ان دو حوالہ جات سے بخوبی معلوم ہوگیا کہ اصل بحث صدق و کذب پر ہونی چاہیے اگر وہ ہوہی جھوٹا تو پھر اس کے دعاوی وغیرہ پر بحث کرنے کی ضرورت ہی نہیں ۔ اب ہم اس بات پر دلیل دیں گے کہ وفات وحیات مسیح پر بحث کرنے کی ضرورت نہیں ۔٭
(جاری ہے...) 
 

     

بھائی سراج الدین سےایک ملاقات

”سربکف “مجلہ۴  (جنوری ، فروری ۲۰۱۶)
سراج الدین / راکیش کمار

احمد اوّاہ: السلام علیکم و رحمۃ اللہ و برکا تہ 
سراج الدین :وعلیکم السلام و رحمۃ اللہ و برکا تہ 
س: سراج الدین بھائی آپ آج کل کہاں رہ ر ہے میراور کیا کرر ہے ہیں ؟
ج:میں آج کل میوات میں رہ رہاہوں ، میں پتھروالوں کے یہاں منیم گیری کررہاہوں ۔
س:سنا ہے وہاں اپنے مکا ن بھی بنالیااور آپ کی شادی بھی ہوگئی ہے ؟
ج:الحمدللہ وہاں پر اللہ نے سرچھپا نے میرے کے لئے ایک گھردے دیا ہے ، اگرچہ وہ قرض سے بنا ہے اور ابھی پوری طرح مکمل بھی نہیں ہوا ہے مگرپھربھی اپناہوگیا ہے اور قرض بھی اللہ تعالی نے کا فی اداکرادیا ہے ، اور الحمدللہ شادی بھی حضرت نے گورکھپورکی ایک مہاجراللہ والی سے کرادی تھی ، جناب محمدزماں خاں کے یہاں سے نکا ح ہوااور زماں خاں صاحب اور ان کے گھروالوں نے اپنی بیٹی کی طرح ان کو رخصت کیا ، واقعی دعوت کے لئے اس طرح ہر قربانی کے لئے تیار رہنے والے میں نے بہت کم لوگوں کو دیکھا ہے،  آدھی رات کو خودجناب زماں خان اور ان سے زیادہ ان کی اہلیہ محترمہ اور ان کے سب بچے ہر طرح تیار، ہمارے حضرت کو کچھ لوگ تو ایسے ملے ہیں اگرچندسوگھرا نے ایسے مل جائیں تو پورے ملک میں انقلاب آجائے ۔
س:وہاں میوات میں تم جماعت کے کا م سے جڑے ہوئے ہواور وہاں کا م پر بھی جاتے ہو، تو صافہ وافہ باندھ کراس حلیہ میں رہتے ہوکیا ؟
ج:الحمدللہ ، وہاں مجھے لوگ کا م کا ذمہ دارساتھی سمجھتے ہیں ، اور میرے اللہ کا کرم ہے اپنے حضرت کی جو تیوں کی صدقہ میں میں نے صرف علاقہ کا ہی نہیں بلکہ میں پورے عالم میں دعوت کے کا م کا اپنے کو ذمہ دارسمجھتاہوں ، الحمدللہ میں اپنی اصل ذمہ داری اور کا م دعوت سمجھتاہوں ، جماعت کا کا م ہویاکسی غیرمسلم بھائی تک دعوت یاان کے مسائل کے لئے آدھی رات کو میرے پاس کو ئی بھی آئے ، تو میں ا سے سب سے پہلے پوراکر نے کی کو شش کرتاہوں ، اور الحمدللہ میں جہاں رہتاہوں اسی اسلامی حلیہ اور سنت کے یونیفارم میں رہتاہوں ، یہ بھی ہے کہ لوگ اس طرح صافے وغیرہ میں دیکھ کرہر جگہ مجھے عالم سمجھتے ہیں اور بارباراجنبی لوگ مجھے مولاناکہتے ہیں ، میں مولانانہیں ہوں ، میں دینی لحاظ سے ایک جاہل آدمی ہوں ، یہ کہتے ہوئے بہت شرم آ نے لگی ہے ، کب تلک لوگوں کو منع کرتارہوں گا، میں نے بہت دعاکی ہے اور ارادہ بھی کرلیا ہے کہ بارباریہ کہنے کے بجائے کہ میں عالم نہیں ہوں یہ بہتر ہے کہ میں پڑھ کرعالم بن جاؤں ، میں نے حضرت سے بارباردرخواست بھی کی کہ میں کا م وغیرہ چھوڑکرکسی مدرسہ میں داخلہ لیکرایک عالم دین بن جاؤں ، مجھے بہت شرم آتی ہے جب لوگ مجھے اس حلیہ میں دیکھ کرمولاناکہتے ہیں اور مجھے منع کرناپڑتا ہے ، حضرت نے فرمایاکہ اب تم کا روبار کے ساتھ ہی پڑھ کرعالم دین بنو، الحمدللہ میں نے ابتدائی  کتابیں پڑھناشروع کردی ہیں ۔
 کب تلک لوگوں کو منع کرتارہوں گا، میں نے بہت دعاکی ہے اور ارادہ بھی کرلیا ہے کہ بارباریہ کہنے کے بجائے کہ میں عالم نہیں ہوں،  یہ بہتر ہے کہ میں پڑھ کرعالم بن جاؤں!
س:آپ اپناخاندانی تعارف اور قبول اسلام کا حال بتائیے ؟
ج:میراپر انانام راکیش کمارتھا، میں بھرت پورضلع کے ایک قصبہ میں ۱۹۷۹ ءمیں پیداہوا، میرے پتاجی اون کا کا روبارکرتے تھے ، میراایک بڑابھائی اور ایک چھوٹابھائی اور دوبہنیں ہیں ، جو شادی شدہ دہلی میں ہیں ، میں جس علاقہ کا رہنے والاہوں وہاں پر ایک بڑی تعدادملکا نہ راجپوتو ں کی ایسی ہے جہاں پوری پوری بستیاں شدھی سنگھٹن کی تحریک سے ہندوبن گئی تھیں ۔
س:وہ لوگ ۱۹۴۷ ءمیں پاکستان بننے کے وقت مرتدہوئے یابعدمیں ؟
ج:وہ لوگ ۱۹۲۹ ء کے آس پاس ہندوہوگئے تھے ، اصل بات یہ ہے مولانااحمدصاحب ، اللہ تعالی ہمارے حضرت کی لمبی عمرکرے ، مجھے تو روزروز کے تجربہ سے حضرت کی یہ بات بالکل دل میں جمتی جارہی ہے کہ مسلمانون کو یہ سمجھا نے کی ضرورت ہے کہ ان کے مسائل کا حل خصوصاًان کو دین پر باقی رکھنے اور ان کو مرتدہو نے سے روکنے کے لئے یہ بات ہر گزہر گزکا فی نہیں کہ وہ مسلمان رہیں بلکہ یہ مسئلہ صرف اور صرف جب حل ہوسکتا ہے جب مسلمانوں کو اس بات کے لئے باشعورکیا جائے کہ وہ داعی ہیں اور دوسروں کو دعوت دیناان کی ذمہ داری ہے ۔اس چھوٹی سی اسلامی زندگی میں میراتجربہ ہے کہ اتنے آ نے والے مہاجرمسلمانوں کو میں پہلے دن سے اس بات پر لگاتاہوں کہ آپ کو دوسرے لوگوں پر کا م کرنا ہے ، جب تک آپ ساری انسانیت کی فکرنہیں کریں گے ، اس وقت تک آپ نبی رحمت ﷺ کے امتی کہلا نے کے حقدارنہیں ، اللہ کا شکر ہے میں نے اب تک ۳۹ ؍ان لوگوں کو کلمہ پڑھوایا ہے جن کو میں نے شروع سے دعوت دی ہے اور ازخودان کو اسلام کے بارے میں نہ دلچسپی تھی نہ معلومات تھیں ، یہ سب کے سب دعوت کا کام  کرر ہے ہیں ، الحمدللہ ان کی تربیت کے لئے اور ان کو اسلام پر باقی رکھنے کے لئے مجھے کچھ زیادہ کو شش نہیں کرنی پڑی ، اس لئے مسلمانوں کے لئے اور ان کی نئی نسلوں کے لئے ارتداد کے مسئلہ کا حل صرف یہ ہے کہ ان میں دعوتی شعوربیدارہو، آج کل یہ گھرواپسی کا معاملہ جس نے ساری دنیا کے مسلمانوں کو بے چین کررکھا ہے ، اگریہ مسلمان اپنے کو داعی سمجھتے تو لوگ کسی حال میں بھی ہمارے پاس دھرم پر یورتن کی کو شش کے لئے آ نے کی ہمت نہ کرتے ۔
س:تو ہاں آپ اپنے اسلام قبول کر نے کے بارے میں بتار ہے تھے ؟
ج:جی تو میں یہ بتارہاتھاکہ میں جس علاقہ میں پیداہوا، بڑاہوااور وہاں کے سینئرسیکنڈری اسکو ل سے انٹرکیا اور پھربی اے کے جس کالج میں پڑھ رہاتھا، وہاں پر مجھ جیسے دھارمک پر یوار کے ایک انسان کے لئے اسلام میں آنابالکل ادبھت اور عجیب سی بات ہے ، مگرمردوں کو زندہ کر نے والے رب کے لئے تو یہ کا م بالکل آسان ہے ، میراایک ہندودوست راج کمارتھاجس سے میری دانت کا ٹی دوستی تھی ، وہ کچھ عیبوں میں پھنساہواتھا، گھروالوں سے اس کے ساتھ رہنے کے سلسلے میں اَ ن بن ہوتی رہتی تھی ، وہ اس دوستی سے چڑھتے تھے ، مگروہ سارے عیبوں کے باوجو دمجھ سے سچی دوستی رکھتاتھا، ایک بارمیرے پتاجی نے مجھے بی اے میں پڑھ نے کے دوران اس کے ساتھ رہنے کے لئے بہت برابھلاکہااور گالیاں سنائیں مگرمیری سمجھ میں نہیں آیا۔ایک دن میں گھرآیارات کو بارہ بجے تھے ، پتاجی غصہ میں بھرے ہوئے ، سوئے نہیں تھے اور میراچانٹوں اور گھوسوں سے سواگت کیا اور صاف صاف کہہ دیااس کے ساتھ رہتے ہوئے ہمارے گھر کے دروازہ میں گھسنے کی اجازت نہیں ، میری بھی جو انی تھی ، میں رات ہی کو گھر سے نکل گیا، بس اڈہ گیا، رات کو ہی سامنے علی گڑھ کی ایک بس کھڑی ہوئی تھی اس میں بیٹھ گیا، علی گڑھ کے راستے میں ایک گاؤں میں پہنچ کربس خراب ہوگئی ، صبح تک اسی گاؤں میں وقت گزارا، سامنے ایک میواتی مسلمان کا گھرتھا، انہوں نے دیکھاکہ مسافرسردی میں سسک ر ہے ہیں تو گھر سے گرم گرم چائے ، ابلے انڈے اور بسکٹ لے کرآئے اور ساری بس کے مسافروں کو پلائی ، مجھے گھر کے باہر اس طرح ان کی خاطر نے بہت متأثرکیا اور میں نے ان میں سے ایک صاحب سے بات کی اور بتایاکہ میں گھرچھوڑکرآیاہوں ، وہ دوسرے قصبہ املاس کے رہنے والے تھے ، اس گاؤں میں اپنی بہن سے ملنے آئے تھے ، انہوں نے پہلے تو مجھے سمجھایاکہ ماں باپ کی ڈانٹ تو محبت کی ہوتی ہے ، تم واپس چلے جاؤ، مگرجب میں نے اپنازندگی بھرگھرنہ لوٹنے کا فیصلہ ان سے بتایاتو انھوں نے اپنے گھرچلنے کے لئے کہااور بتایاکہ ہمارے یہاں جے سی بی چلتی ہیں ، ہم تمہیں وہ چلاناسکھادیں گے ، اس کے ڈرائیور کو دس ہزارروپئے تک مل جاتے ہیں، میں نے سوچاکہ نہ جا نے کہاں ٹھکا نہ ملے ، میں ان کے ساتھ املاس چلاگیاسچی بات یہ ہے کہ میرے  رحمٰن رب کو مجھے ایمان دیناتھا، وہ کسی طرح مجھے اسلام کے قریب کرتے گئے ، میں ان کے ساتھ ان کے گھرجاکرجے سی بی مشین چلاناسیکھنے لگا، ہم لوگ سوہنا کے علاقہ میں جے سی بی چلاناسیکھ ر ہے تھے ، وہاں کھانابھی خودبناتے تھے ، ایک روزشہزادبھائی جو مجھے ڈرائیورنگ سکھار ہے تھے انہوں نے مجھے کھانابنا نے کو کہا، کچھ مہمان آر ہے تھے ، میں نے چارآدمیوں کے لئے کھیر، سبزی اور روٹی بنائی ، چارپانچ مہمان اور آگئے ، میں نے شہزادبھائی سے کہاکہ کھاناتو چارآدمیوں کا بنایا ہے یہ پانچ اور آگئے ، وہ بولے بسم اللہ پڑھ کرکھانانکا لنا، برکت ہوجائے گی ، میں نے کہاکہ بسم اللہ سے کیا جادوہوجائے گا؟میں اور چاول جلدی بنالیتاہوں ، انھوں نے کہاکہ تو بسم اللہ پڑھ ، مالک کے نام سے سب کھالیں گے ، میں نے کھانانکا لااور جب بھی کھا نے میں چمچہ ڈالتابسم اللہ کہتارہا، دومہمان کھاناکھاتے ہوئے اور آگئے ، شہزادبھائی نے ان کو بھی کھا نے پر بٹھالیا، اتنے لوگوں نے کھاناکھایااور خوب کھایااور روٹی ، سبزی اور کھیر بچ گئی ، میں بہت تعجب میں تھا، شہزادبھائی نے کہاکہ بسم اللہ میں کیا جادو ہے ، انھوں نے بتایاکہ بسم اللہ کا مطلب ہے ، جب مالک کے نام سے کو ئی کا م کیا جاتا ہے تو اس میں برکت ہوتی ہے ، میرے دل میں بسم اللہ کا اعتمادجم گیااور اللہ کی ذات سے بھی مجھے ایک خاص تعلق سالگنے لگا۔
ایک بات بچپن سے ہی میرے ساتھ باربارہوتی تھی ، میں سوتاتھاتو خواب میں دیکھتاتھاجگمگاتے ستارے ہیں ، روشنی ہے اور نورانی مکا نات ہیں ، میرادل کہتاتھاکہ تو تو اس دنیاکا آدمی ہے اور دوسرے سنسارمیں رہتا ہے ، یہ خواب میں مجھے بارباردکھتے تھے ۔
مولانازلفی بٹلہ  ہاؤس جامع مسجد کے امام اور ان کے ایک رشتہ دارہمارے شہزادبھائی کے گھرآئے ، انھوں نے مجھے ہر کا م کرتے وقت بسم اللہ کہتے سناتو وہ مجھے سمجھا نے لگے ، وہ حضرت سے مریدتھے اور مجھے مسلمان ہو نے کو کہا، میں نے صاف صاف منع کردیا، انہوں نے جاتے وقت مجھے ہندی میں کلمہ لکھ کردیاکہ تم اس کو پڑھتے رہنا، اور اپنے پر س میں حفاظت سے رکھنا، پھرکبھی جب مسلمان ہونے  کو دل چا ہے اس وقت اس کو پڑھ لینا، مجھے اچھانہیں لگا، ان کے جاتے ہی میں نے اس پر چے کو پھینک دیا، اگلے روزصبح کو میں نے دیکھاکہ وہ پر چہ اسی جگہ پر پڑاہوا ہے ، میرے دل نے کہا، راکیش یہ اس اللہ کا نام ہے جس کے نام کی بسم اللہ کا چمتکا رتو دیکھ چکا ہے ، میں نے محبت سے اس پر چہ کو اٹھایااور بہت ہی آستھا اور محبت سے ا سے کئی بارپڑھا، مولانااحمدمیں اس اپنی حالت کو زبان سے بیان نہیں کرسکتاکہ اس محبت سے کلمہ پڑھ نے سے میرے اندرکی حالت کیا ہوگئی ، جیسے کسی اندھیری کا ل کو ٹھری کو روشنی سے جگمگ جگمگ کردیاہو، میں محلّہ کے امام صاحب کے پاس گیااور میں نے مسلمان ہو نے کو کہاکہ اس کے لئے مجھے کیا کرناپڑے گا؟امام صاحب نے کہاکلمہ پڑھناپڑے گا، میں نے کہاکلمہ پڑھ لیا ہے ، انھوں نے میرانام سراج الدین رکھ دیا، میں امام صاحب کے پاس زیادہ رہنے لگا، ہر نمازمیں آدھے گھنٹے پہلے ان کے پاس چلاجاتااور پانچوں وقت نمازپڑھتا، نمازمجھے آتی نہیں تھی مگربڑی عقیدت سے ، جیسے جیسے جماعت میں لوگ کرتے دیکھادیکھی کرتارہتا، یہ مجھے بہت اچھالگتا، ایک نماز کے بعددوسری نمازکا انتظارلگارہتا، شہزادبھائی کے والد نے مجھے چارمہینے کے لئے جماعت میں بھیج دیا، ایک چلہ میراایٹہ ، جلیسر، دوسرامرادنگرمیں میراوقت لگا، ایک چلہ بنگلورمیں لگا، وہاں ایک ساتھی جماعت سے بھاگ گئے تھے ، امیرصاحب بہت پر یشان تھے ، میں نے کہاآپ فکرنہ کریں میں اپنے اللہ سے دعاکرتاہوں ، میں نے دورکعت پڑھ کراللہ سے دعاکی ، وہ ساتھی ٹرین میں بیٹھ گیاتھا، ٹرین چلی اور تھوڑی دورجاکررک گئی ، دوساتھی تلاش کر نے گئے تھے ، وہ گاڑی میں چڑھے اور ان کو تلاش کر کے لے آئے ، ایک مہینہ بعدوہ پھرمیسور سے بھاگ گیا، امیرصاحب نے کہاسراج بھائی اب ہم اپنے لوگ نہیں بھیجیں گے ، تم اپنے اللہ میاں سے تلاش کرواکرمنگواؤ، میں نے دورکعت پڑھ کراللہ سے دعاکی ، میرے اللہ صبح فجر سے پہلے ہماراساتھی ہمارے پاس بھجو ادو، میں نے امیرصاحب سے کہاکہ صبح فجر سے پہلے انشاءاللہ ہمارے اللہ ا سے بھجو ادیں گے ، فجر سے آدھاگھنٹہ پہلے وہ ساتھی بنگلورپہنچ کرواپس آئے ، معلوم کر نے پر اس نے بتایاکہ مجھے معلوم نہیں کہ میں کیسے آیا، مجھے تو ایسالگاکہ کو ئی گرفتارکر کے مجھے میسورجماعت میں واپس چھوڑگیا، اب میں چارمہینہ سے پہلے ہر گزہر گزنہیں بھاگوں گا، یہ تو ۲۰۱۱ ء کے چارمہینوں کی بات ہے ، ۲۰۱۳ ءمیں ، میں بہارکی میں جماعت میں تھا، ایک جو ان ساتھی کو ٹایفائڈہوگیااور اس میں اس کو ہارٹ اٹیک ہوگیا، بڑے ڈاکٹر کو دکھایا، ڈاکٹر نے جواب دے دیاکہ پٹنہ بڑے ہسپتال میں داخل کر کے دیکھ لو، جماعت کے ساتھی سب رور ہے تھے ، میں نے سورہ فاتحہ اور سورہ بقرہ کی آخری آیتیں پڑھ کردورکعت نفل کے بعددعاکی ، میرے اللہ آپ اس کو مر نے کے بعددوبارہ زندہ ضرورکریں گے ، اس وقت یہ آپ کے نبی ﷺ کے دین کے کا م کا نہیں ہوگا، اب اگرآپ اس کو زندہ کردیں گے تو یہ آپ کے دین کا کا م کرے گا، بہت دل سے دعاکی ، پٹنہ لے جار ہے تھے ، اس کو پیشاب کی ضرورت ہوئی ، اس کو پیشاب کرایاگیااور وہ کھڑاہوگیا، اس نے پوچھاکہ کہاں جار ہے ہیں ؟امیرصاحب نے بتایاکہ پٹنہ اسپتال میں داخل کر نے ، اس نے کہا، مجھے کہیں لے جا نے کی ضرورت نہیں ، میں ٹھیک ہوں ِ چلوجماعت میں واپس چلو، الحمدللہ اب وہ بالکل ٹھیک ہوگیا، سچے یقین کے ساتھ اس کو یادکیا جائے تو وہ ضرورسنتے ہیں اور اس طرح یقین بھی بنتا ہے ، یہ میرازندگی کا باربارکا تجربہ ہے ۔
س:جماعت میں چارمہی نے لگاکراپنے کیا کیا ؟
ج:مولاناسراج صاحب کے ساتھ پھلت آیا، اور ایک سال تک قرآن شریف ، اردودینیات وغیرہ پڑھا، الحمدللہ پھرمیری شادی ہوگئی ، اور میوات میں بھی ایک اسکو ل میں پڑھایا، بعدمیں بدرپوراور اسٹون کریشروالوں کے یہاں منیم گیری کرتارہا۔
س:اور کو ئی خاص بات اپنی زندگی کی بتائیے ؟
ج:مجھے بڑی حسرت تھی کہ اللہ کے پیارے نبی ﷺکی خواب میں زیارت ہو، میں بہت دعاکرتاتھا، ایک رات کو خواب دیکھاکہ اسکو ل کے کھوئے ہوئے ایک بچے کو ہم تلاش کرر ہے ہیں ، تلاش کرتے کرتے ہم ایک مسجدمیں پہنچے ، وہاں ایک بہت خوبصورت نورانی شکل کے مہمان آئے ، جماعت تیارتھی ، میں نے ان سے نمازپڑھا نے کو کہا، انہوں نے نمازپڑھائی اور چلے گئے ، میں نے لوگوں سے معلوم کیا ، یہ میاں صاحب کو ن تھے ؟سب نے کہاکہ ہمارے پیارے نبی ﷺتھے ، میں نے لوگوں سے کہا، تم نے مجھے پہلے کیوں نہیں بتایا؟میں تو کتنے دنوں سے ان کی زیارت کو تڑپ رہاہوں ، لوگوں نے کہاکہ زیارت ہوتو گئی ، نمازبھی پڑھ لی ، میری آنکھ کھل گئی ، میں بہت خوش تھا۔
 ایک بات یہ بھی دل میں بیٹھ گئی ہے جو میری چھوٹی سی اسلامی زندگی سے تجربہ میں آئی کہ دل چا ہے نہ چا ہے ، شریعت اور سنت کو پوری طرح مان کرہی آدمی اللہ سے جڑسکتا ہے ، اسلام لا نے کے بعدمیں جب دیکھتاہوں کہ بہت سے بھائی کچھ خاندانی مسلمانوں کی طرح ہیں ، جن کو دیکھ کرپہچاننابھی مشکل ہوتا ہے کہ مسلمان میریاہندو، اس حال میں اللہ سے تعلق نہیں ہوسکتا، دل چاہے نہ چا ہے ظاہر وباطن ہر طرح سے اللہ کے نبی کی سنت پھرعمل کرناچاہئے ، میں نے دولفظ یادکئے ہیں اور اپنے ہر بھائی کو یادکراتاہوں ۔
” میرے اللہ میں آپ سے راضی ہوں... آپ مجھ سے راضی ہوجائیے“
 اسلام لا نے کے بعدشک کی گنجائش نہیں ، چا ہے حکم سمجھ میں آئے یانہ آئے ، بس ماننا ہے اور پوری طرح ماننا ہے ، اسلام لانے کے بعدبہت سے لوگوں نے مجھ پر کو شش کی کہ میں اسلام سے پھرجاؤں ، مگرمیں نے ان کو بہت جم کردعوت دی ، میں نے کہااسلام کی حقانیت پر میرایقین پکا ہے ، جو میرے اللہ نے مجھے خوددیا ہے ، ایک آرایس ایس کے پر چارک مجھے ہفتو ں تک سمجھاتے رہے ، مسلمان ایسے ہوتے ہیں ، پاکستان میں کیا ہورہا ہے ۔میں نے ایک دن ان سے کہاکہ کسی کے پیٹ میں دردہورہاہواور آپ ساری دنیا کے ترک (دلائل ) سے یہ ثابت کر نے کی کو شش کریں بلکہ عقل کے مطابق ثابت کردیں کہ تیرے پیٹ میں دردنہیں ہورہا ہے ، تو کیا اس آدمی کو آپ کی بات پر ذرابھی یقین آے گاکہ آپ سچ کہتے ہیں ۔بس اسلام کی حقانیت اور مکتی اور موکش کا واحدراستہ ہو نے پر مجھے اپنے پیٹ کے درد سے زیادہ یقین ہے ، پھرمیں نے کہاآپ اگرحق پسندہیں اور سچائی پسندہیں تو آپ کو میری بات پر یقین کرناچاہئے کہ میرے پیٹ میں دردہورہا ہے ، پھرمیں ان سے ملتارہا، ایک مہینہ میں اللہ کا شکر ہے انھوں نے خودکلمہ پڑھااور اب خاندان میں کا م کرر ہے ہیں ۔
س:آپ نے اپنے گھروالوں پر کا م نہیں کیا ؟
ج:اصل میں نے قسم کھائی تھی کہ گھرواپس نہیں جاؤں گا، اس لئے گھرجا نے کی نہیں سوچتاتھا، مگرحضرت نے مجھے سمجھایاکہ جس طرح اچھی نذراور قسم کو پوراکرناضروری ہے ، اسی طرح کسی غلط بات کی قسم پر جمنابھی برا ہے ، والدین اور گھروالوں کا حق ہے اور وہ قسم آپ کی کفرکی حالت کی تھی ، پھرقسم کا کفارہ بھی ہے ، مگرگھروالوں کو دوزخ سے بچا نے کی فکرکرنابھی ضروری ہے ، ایک بارمیں ایک حافظ صاحب کو اپنے گھرلے کرگیا، مگروہ حافظ صاحب دعوتی ذہن نہیں رکھتے تھے ، وہ ڈرکرگھرپہنچ نے سے پہلے ہی مجھے واپس لے آئے ، اب انشاءاللہ حضرت سے وعدہ کیا ہے ، جلدی گھروالوں کی فکرکروں گا، اپنے اللہ سے دعاتو خوب کررہاہوں ۔
س: کو ئی پیغام ارمغان پڑھ نے والوں کیلئے دیناچاہیں گے ؟
ج:ہمارے نبی کریم ﷺ نے کسی جاہلی عرب شاعرکی اس بات کی تعریف کی ہے کہ اس نے کیسی سچی بات کہی ، جس کا مفہوم یہ تھا:
”ہوشیار!اللہ کے علاوہ جن چیزوں کا ذکراور اہمیت دی جاتی ہے وہ سب باطل ہیں ۔ “ 
سچی بات یہ ہے کہ یہ ایمان ہی ہے یہی ساری کا ئنات اور ہر انسان کی سب سے بڑی ضرورت اور مسائل کا حل ہے ، کہ جو کچھ ہوتا ہے اسی کی مرضی سے ہوتا ہے ، اور اس کی مرضی اور منشا کے خلاف کسی سے کچھ بھی نہیں ہوسکتاتو پھرہوش مندی یہ ہے کہ صرف اسی سے جڑیں ، اور اس پر یقین رکھیں اس کو راضی کریں اور سب کو اس کی راہ پر لا نے کی کو شش کریں ۔
س:جزاکم اللہ فی امان اللہ السلام علیکم 
ج:آپ کا بھی شکریہ ۔وعلیکم السلام ورحمۃ اللہ٭
 

     

ہندو مذاہب میں بت پرستی کی ممانعت

”سربکف “مجلہ۴  (جنوری ، فروری ۲۰۱۶)
امبریس اسلام
یوں تو ہندو مت میں کئی خداؤں کو مانے جانے کا بھی تصور زیادہ ہے جسے پینتھیزم pantheismکہا جاتا ہے جس میں اللہ کی بنائی دنیاؤی چیزوں کو خدا مانا جاتا ہے ۔لیکن ہندو مذاہب کے تعلیم یا فتہ طبقات بت پرستی کو نہیں مانتے ۔ویسے بھی ہندو مذہبی کتابیں بھی دیوی دیوتاؤں کی کثرت پر اعتقاد رکھنے والوں کو اندھا ر اور تو ہم و خرافات میں گرفتار بتایا گیا ہے ۔کثیر دیوتاؤں کے بائیکاٹ کا حکم بھی صریح اور کھلے طور پر دیا گیا ہے ۔
۱)ویدوں میں بت پرستی کی ممانعت 
* دیو یرا سیتی یہہ رشی (رگ وید ۔1-12-14)
* ترجمہ :۔سینکڑوں دیوتاؤں کا بہشکارکرو ۔
ؒ ؒ * ترجمہ۔ائے قادر مطلق عظیم الشان پروردگار ہم اپنی جہالت سے گمراہ ہوتے ہیں ۔ہمارے اوپر مہربانی کیجئے۔ (رگ وید ۔منڈل۷سوکت۸۹منتر۳)
* ترجمہ۔اسی سے آسمان میں مضبوطی اور زمین میں استحکام ہے اس کی وجہ سے روشنیوں کی بادشاہت ہے اور آسمان محراب (کی شکل)میں ٹکا ہوا ہے ۔فضا کے پیمانے بھی اسی کے لئے ہیں(اسے چھوڑ کر )ہم کس خدا کی حمد کرتے ہیں اور نذر انے چڑھاتے ہیں؟(رگ وید ۔منڈل۱۰سوکت۱۲۱منتر۶)
*ترجمہ۔وہ تمام جاندار اور بے جان دنیا کا بڑی شان و شوکت کے ساتھ اکیلا حکمراں ہے وہی تمام انسانوں اور جانوروں کا رب ہے (اسے چھوڑ کر ہم کس خدا کی حمد کرتے ہیں اور نذرانے چڑھاتے ہیں۔(رگ وید ۔منڈل۲سوکت۱۲۱منتر۳)
*ترجمہ۔اس زمین و آسمان کو جس نے تخلیق دی اور جس نے آسمان پر پانی تیار کیا ہے اس میں ایک چمکتے ہوئے سورج کو قائم کیا اس کو مختلف ناموں سے پکارا جاتا ہے ۔(رگ وید ۔منڈل۲سوکت۱۲۱منتر۳)
* اندھا تم پر وشنتی اسم بھوتی مُپاستے ۔
(اس شلوک میں بت پرستی کو سخت ممانعت کی گئی ہے ۔جس شلوک کا ذکر وید اور قرآن صفحہ ۳۵ میں کیا گیا ہے ۔)
’’جو لوگ باطل وجود والے دیوی دیوتاؤں کی عبادت کرتے ہیں وہ (جہالت کے )کردینے والے گہرے اندھیرے میں ڈوب جاتے ہیں ۔ (یجروید ۔9-40)
*نہ تستے پرتما اتستی ۔ (یجروید ادھیائے 3-32)
*ترجمہ :اس کا کوئی آکار کوئی تصویر نہیں وہ نرا کار ہے ۔اسے کوئی اپنی آنکھوں سے دیکھ نہیں سکتا ۔
(شدھ ہندو کون ‘پنڈت ہردیال جی )(یجر وید 3-32)
*ترجمہ ۔اوپر ‘اطراف میں درمیان میں کہیں کسی نے اس (خدا)کا احاطہ نہیں کیا۔۔۔اس کی کوئی شبیہ(یا صورت)نہیں ہے۔۔۔ اس کی شان عظیم ہے ۔ (یجروید ۔ادھیائے ۳۲منتر۲)
*ترجمہ۔وہ ہی ہر چیز کا نگہبان ہے اور وہ جسم سے پاک ہے۔ (یجروید ادھیائے ۴۰منتر۸)
*ترجمہ۔خدا نے حق و باطل کی کیفیت کو سمجھا کر حق کو باطل سے جدا کردیا کہ ائے لوگوں حق پر ایمان لاؤ اور باطل پر ایمان مت لاؤ۔ (یجروید ادھیائے ۱۹منتر۷۷)
مذکورہ بالا ۔یہی شلوک سویتا سواتر اپنشد ادھائے۴شلوک ۱۹ ۔۲۰ میں بھی ذکر آتا ہے ۔
* خدا وند بغیر کسی جسم کا ہے اور پاک و خالص ہے ۔ (یجر وید ادھیائے ۔8-40)
* ایکم ست وپرابہووادانتے۔
* سچائی صرف ایک ہے ‘سادھو ‘سنت اور مہاپروش ایشور کو (خدا کو )کئی ناموں سے اگنی ،یم اور ماترشون صفات سے پکارتے ہیں ۔ (رگ وید کتاب نمبر ۱۔46-164)
اسی کے ساتھ ساتھ (رگ وید ادھیائے 7-15/سام وید ادھیائے 53-18)کے شلوک بھی عقیدہ توحید اور بت پرستی کی ممانعت کی تعلیم دیئے ہیں ۔
* ترجمہ ۔چانداور یہ سبھی سیارے اسی کی حمد کرتے رہتے ہیں۔ (اتھرویدکانڈ۱۳سوکت ۴منتر۲۸)
* ترجمہ ۔اس نے سورج کو روشن کیا رات کو بنایا ۔آسمان کو بنایا ‘ہوا کو بنایا جہتوں کو تخلیق دی ‘زمین ‘اگنی پانی کو اسی نے تخلیق دی اور وہ خود ہی سے ہے اسے کسی نے پیدا نہیں کیا۔ (اتھر وا وید انڈ۔۱۳۔سوکت۔۴۔منترا ۲۹ تا ۳۷)
* ترجمہ ۔ائے گروہ علماء ائے میرے لوگوں بے کار چکر میں مت پڑو ۔پرماتما کو چھوڑ کر اور کسی کی استتی (تسبیح)
نہ کرو تم سب مل کر اس عظمت والے پرمیشور کی ہی بار بار تسبیح کرو۔(پنڈت دیودت‘اتھرویدکانڈ۰ ۲سوکت ۸۵منتر۱)
* ترجمہ ۔وہ پرمیشور نہ دوسرا ہے نہ تیسرا اور نہ چوتھا ہی اسے کہاجاسکتاہے وہ پانچواں چھٹا اور ساتواں بھی نہیں ہے۔آٹھواں نواں اور دسواں بھی نہیں وہ ’’اکیلا ہے‘‘وہ ان سب کو الگ الگ دیکھتا ہے جو سانس لیتے ہیں یا نہیں لیتے‘تمام طاقتیں اسی کی ہیں وہ بڑی طاقت والا ہے جس کے قبضہ قدرت میں پوری کائنات ہے وہ ایک ہے اس کی طرح کا کوئی دوسرانہیں اور یقینی طور پر وہ ایک ہی ہے ۔ (اتھرویدکانڈ۱۳سوکت۴منتر۱۶۔تا ۱۸)
۲)اپنشد میں بت پرستی کی ممانعت 
*نہ چسے کسیج جینتا نہ کدی یا 
اس ایشور کا کوئی پالن ہار نہیں ہے اور نہ ہی اس کے ماں باپ ہیں ۔
(شویتا سواتر اپیشد ادھیائے ۶۔شلوک ۹)
*نہ تسیے پرآتمااستی
اس خدا کا کوئی عکس نہیں ہے کوئی اس جیسا نہیں ہے جو عظمت والا ہے ۔
(شویتا سواتر اپنشد ادھیائے ۔19-4)
* ترجمہ ۔میرے صفات کو نہ جاننے والے بے وقوف لوگ مجھے جسم والا سمجھ کر میری بے عزتی کرتے ہیں۔ (گیتا۔ادھیائے۹شلوک۱۱)
* ترجمہ ۔اپنی غیر ظہور پذیر شکل میں تمام کائنات میں سرائیت کئے ہوئے سبھی جاندار مجھ میں سیہیں لیکن میں ان میں رہتا نہیں۔ (گیتا۔ادھیائے۹شلوک۱۱)
مندرجہ بالا شلوک کے مطلب کو قرآن اس طرح واضح کرتا ہے ۔
لم یکن لہ کفوا احد(سورہ اخلاص آیت۴)
اور کوئی اسکا ہمسر نہیں ہے ۔
لیس کمثلہ شئی وھوالسمیع البصیر (سورہ شورہ آیت11)
 کائنات کی کوئی چیز اس کے مشابہہ نہیں ہے وہ سب کچھ دیکھنے سننے والا ہے ۔
مطلب ۔ایشور صرف ایک ہی ایک کے سوا دوسرا نہیں ہے ۔(شدھ ہندو کون سے ماخوذ )
(شویتا سواتراپنشد ۳شلوک ۱اور ۲)
شدھ ہندو کون ،اس کتاب کے مصنف پنڈت ہردیال جی اوپنشد کا حوالہ دیتے ہوئے ۔ایک خدا کی تعریف بیان کرتے ہیں ۔
مطلب ۔اس جیوتی سو روپ دوے پرش کی کوئی مورت نہیں ہے ۔وہ اندر باہر پوتر اور کاریہ برہم سے اونچا ہے ۔
(ہندی اقتباس )
۳)بھگوت گیتا میں بت پرستی کی ممانعت ۔
*جن کی فہم مادی خواہشاتنے سلب کر لی ہے ۔انہوں نے دیوتاؤں (اوتاروں)کے سامنے گھٹنے ٹیک دیئے ہیں اور پھر مرضی کے مطابق پوجا کے اصول بنالئے ہیں ۔ (بھگوت گیتا باب ۷شلوک ۸)
اس شلوک میں بھگوت گیتا کہہ رہی ہے کہ مادہ پرست لوگ اصل خدا کو چھوڑ کر ینم دیوتاؤں کی عبادت شروع کر دیتے ہیں ۔واضح ہوکہ بھگوت گیتا ہندوؤں میں سب سے زیادہ پڑھی جانے والی کتاب ہے ۔
*ترجمہ ۔جو لوگ دوسرے دیوتاؤں کے بھگت ہیں اور پوری عقیدت سے انکی پوجا کرتے ہیں تو وہ بہت ہی غلط راستے پر ہیں ۔اور غلط طریقہ اختیار کرتے ہیں ۔ (بھگوت گیتا ادھیائے ۹۔شلوک ۲۳)
اس شلوک میں بھی صاف طور پر دیگر دیوتاؤں کی پرستش کی ممانعت کی گئی ہے ۔
*۱۔ ترجمہ ۔لیکن جو لوگ اپنی اندریوں کو قابومیں کرکے اور سب کو یکساں سمجھ کر اس غیر ظاہر کی پوری طرح سے پوجا کرتے ہیں جو اندریوں کی پہنچ سے پرے ‘ہر جگہ موجود ‘ناقابل تصور ‘نہ بدلنے والا ‘ثابت قدم اور غیر ساکن ہے ‘یعنی پرم ستیہ کا غیر شخصی تصور وہ سب انسانوں کی بھلائی میں مشغول رہ کر آخر کار میرے ایسے تصور کو پالیتے ہیں ۔ (بھگوت گیتا ادھیائے ۱۲۔شلوک ۳۔۴)
*۲۔ ترجمہ ۔اور میں ہی اس نراکار (غیر شخصی )برہم کی بنیاد ہوں ‘جو امر ‘اویناشی اور دائمی ہے جو پرم ستیہ کی فطری حالت ہے ۔ (بھگوت گیتا ادھیائے ۱۴۔شلوک ۲۷)
*۳۔ ترجمہ ۔جن کی عقل مادی خواہشات میں الجھ گئی اور پھنس گئی ہیں وہی دیگر دیوتاؤں کی شرن لینے جاتے ہیں اور اپنی اپنی فطرت کے مطابق پوجا بھی کرنے لگتے ہیں ۔(بھگوت گیتا ادھیائے ۷۔شلوک ۲۰)
مولناشمس نوید عثمانی کی ایک کتاب(اگر اب بھی نہ جاگے تو !) میں اپنے تفسیر بھگوت گیتا صفحہ ۳۲۶سے ایک شلوک درج کیا ہے ۔
(ترجمہ ۔صرف ایک سب سے طاقتور خدا کو اپنا مالک مانتے ہوئے خود غرضی اور گھمنڈ چھوڑ کر خلوص اور جذبہ اور سچے پیار کے ساتھ لگاتار تفکر کرنا ایسی عبادت ہے جو بدکاری سے پاک ہے ۔)(تفسیر گیتا صفحہ ۳۲۶کلیان گور کھپور )
*۴۔ترجمہ:۔میرے صفات کو نہ جاننے والے بے وقوف لوگ مجھے جسم والا سمجھ کر میری بے عزتی کرتے ہیں۔٭
 (گیتا ۔ادھیائے ۹،شلوک ۱۱)
*۵۔ترجمہ :۔اپنی غیر ظہور پذیر شکل میں تمام کائنات میں سرائت کیے ہوئے سبھی جاندار مجھ میں ہیں لیکن میں ان میں رہتا نہیں۔ (گیتا ۔ادھیائے ۹،شلوک ۴)
٭٭٭


     

الاحادیث المنتخبہ

بخاری
حَدَّثَنِي أَحْمَدُ بْنُ إِشْکَابٍ حَدَّثَنَا مُحَمَّدُ بْنُ فُضَيْلٍ عَنْ عُمَارَةَ بْنِ الْقَعْقَاعِ عَنْ أَبِي زُرْعَةَ عَنْ أَبِي هُرَيْرَةَ رَضِيَ اللَّهُ عَنْهُ قَالَ قَالَ النَّبِيُّ صَلَّی اللَّهُ عَلَيْهِ وَسَلَّمَ کَلِمَتَانِ حَبِيبَتَانِ إِلَی الرَّحْمَنِ خَفِيفَتَانِ عَلَی اللِّسَانِ ثَقِيلَتَانِ فِي الْمِيزَانِ سُبْحَانَ اللَّهِ وَبِحَمْدِهِ سُبْحَانَ اللَّهِ الْعَظِيمِ
(صحیح بخاری:جلد سوم:حدیث نمبر 2456 حدیث مرفوع مکررات 13 متفق علیہ 5)
مکررات:٭ صحیح بخاری:جلد سوم:حدیث نمبر 1355 ٭ صحیح مسلم:جلد سوم:حدیث نمبر 2345 ٭جامع ترمذی:جلد دوم:حدیث نمبر 1421  ٭ سنن ابن ماجہ:جلد سوم:حدیث نمبر 686 احمد بن اشکاب، محمد بن فضیل، عمارہ بن قعقاع، ابوزرعہ، حضرت ابوہریرہ  رضی اللہ عنہ سے روایت کرتے ہیں، انہوں نے بیان کیا کہ آنحضرت ﷺنے فرمایا کہ دو کلمے ایسے ہیں جو اللہ کو بہت محبوب ہیں اور زبان پر نہایت ہلکے ہیں مگر میزان (تول) میں بہت بھاری ہیں, وہ کلمات یہ ہیں سُبْحَانَ اللَّهِ وَبِحَمْدِهِ سُبْحَانَ اللَّهِ الْعَظِيمِ ۔
وضو لازمی ہے
حَدَّثَنِي إِسْحَاقُ بْنُ نَصْرٍ حَدَّثَنَا عَبْدُ الرَّزَّاقِ عَنْ مَعْمَرٍ عَنْ هَمَّامٍ عَنْ أَبِي هُرَيْرَةَ عَنْ النَّبِيِّ صَلَّی اللَّهُ عَلَيْهِ وَسَلَّمَ قَالَ لَا يَقْبَلُ اللَّهُ صَلَاةَ أَحَدِکُمْ إِذَا أَحْدَثَ حَتَّی يَتَوَضَّأَ
(صحیح بخاری:جلد سوم:حدیث نمبر 1881 حدیث متواتر حدیث مرفوع مکررات 7 متفق علیہ 3) 
مکررات:٭صحیح بخاری:جلد اول:حدیث نمبر 139  ٭ صحیح مسلم:جلد اول:حدیث نمبر 537  ٭ سنن ابوداؤد:جلد اول:حدیث نمبر 59  ٭ جامع ترمذی:جلد اول:حدیث نمبر 74  ٭ مسند احمد:جلد چہارم:حدیث نمبر 911  ٭ مسند احمد:جلد چہارم:حدیث نمبر 1054
 اسحاق، عبدالرزاق، معمر، ہمام، حضرت ابوہریرہ رضی اللہ عنہ  سے روایت کرتے ہیں انہوں نے بیان کیا کہ نبی ﷺنے ارشاد فرمایا کہ اللہ تعالیٰ تم میں سے بےوضو شخص کی نماز قبول نہیں کرتا ہے یہاں تک کہ وہ وضو کرے۔
٭٭٭