پیر، 19 اکتوبر، 2015

سرمایہ

"سربکف" میگزین 1-جولائی،اگست 2015
  اکبرؔ الٰہ بادی
 
سنا کہ چند مسلمان جمع تھے یکجا
خدا پرست، خوش اخلاق اور بلند نگاہ
کہا کِسی نے یہ اُن سے کہ یہ تو بتلاؤ
تمہاری عزت و وقعت کا کس طرح ہے نباہ
نظر کرو طرفِ اقتدارِ اہلِ فرنگ
کہ اُن کے قبضہ میں ہے ملک و مال و گنج و سپاہ
انھیں کا سکہ ہے جاری یہاں سے لندن تک
انھیں کی زیرِ نگیں ہے ہر اک سفید و سیاہ
کلیں بنائی ہیں وہ وہ کہ دیکھ کر جن کو
زبانِ خلق سے بے ساختہ نکلتی ہے واہ!
تمہارے پاس بھی کچھ ہے کہ جس پہ تُم کو ہے ناز؟
کہا انہوں نے کہ ہاں لا الٰہ اِلا اللہ

     

0 تبصرے:

ایک تبصرہ شائع کریں